အသံထက်သုံးဆမြန်သော ဒုံးခွင်းဒုံးတစ်မျိုးကို ဗြိတိန်ရေတပ် ထုတ်ဖော်ပြသ

ရန်သူ၏ဒုံးကျည်များကို ပစ်ခွင်းနိုင်သည့် အသံထက်သုံးဆမြန်သော ဒုံးခွင်းဒုံးတစ်မျိုးကို ဗြိတိန်တော်ဝင်ရေတပ်က ထုတ်ဖော်ပြသခဲ့သည်။  ရေတပ်၏ လေကြောင်းကာကွယ်ရေးစနစ်သစ်ကို ထုတ်ဖော် ပြသရာတွင် ရေတပ်သင်္ဘောများမှ ပစ်လွှတ်နိုင်သော ယင်းဒုံးကျည်၏ စွမ်းဆောင်ရည်နှင့်ပတ်သက်ပြီး ရှင်းလင်းခဲ့ခြင်းဖြစ်သည်။ မြေပြင် (သို့မဟုတ်) ရေပြင် စတုရန်းမိုင် ၅၀၀ ပတ်လည်အတွင်း ကာကွယ်ပေးထားနိုင်ပြီး ယင်းဧရိယာအတွင်း ရန်သူဒုံးကျည်ဝင်လာပါက အမြင့်ဆုံးအမြန်နှုန်း Mach 3 (အသံ၏ သုံးဆ) ဖြင့် ပစ်ခွင်းနိုင်မည်ဖြစ်ကြောင်း သိရသည်။ ကာကွယ်ရေးဝန်ကြီးဌာန၏ ထုတ်ပြန်ချက်အရ ငါးနှစ်စီမံကိန်းဖြင့် ယင်းဒုံးကျည်များကို ထုတ်လုပ်သွားမည်ဖြစ်ပြီး ရေတပ်၏ Type 23 ဖရီးဂိတ်သင်္ဘောများတွင် တပ်ဆင်ရန်ရည်ရွယ်ထားကာ နောက်ပိုင်းတွင် ကြည်းတပ်နှင့်လေတပ်တွင်ပါ တပ်ဆင်နိုင်ရန် ရည်ရွယ်ထားသည်။ EMG