ဗြိတိသျှ ကိုလံဘီယာပြည်နယ် ဗစ်တိုးရီးယားမြို့မှ ရိုဘင်းဘင်ဆင်ဆိုသူ အမျိုးသမီးနှင့် သူ့အမျိုးသား ဒိုင်လန်ဘင်ဆင် တို့သည် ယခုနှစ်ခရစ္စမတ် ပွဲတော်ကို အတူပျော်ရွှင်စွာ ဆင်နွှဲကြ
ပြီးနောက် မကြာမီကလေးမှာပင် ကြမ္မာဆိုးကြီးက ဝင်ရောက်လာပါတော့သည်။ ဇနီးသည်ရိုဘင်းက ခေါင်းကိုက်တယ်၊ ခေါင်းကိုက်တယ်၊ သေတော့မယ်ထင်တယ် မခံနိုင်အောင် ကိုက်တာဟု ညည်းတွားကာ ခင်ပွန်းဖြစ်သူ ဒိုင်လန်ကို အကိုက်အခဲပျောက် ဆေးတိုင်လီနောကို ပြေးဝယ်ခိုင်းလိုက်သည်။ ဒိုင်လန်လည်း ကပျာကယာပင် အပြေးအလွှား ဆေးသွားဝယ်ခဲ့ သည်။ ဆေးနှင့်တကွ အိမ်ပြန်ရောက်လာပြီး ကဲဆေးရပြီ သောက်လိုက်ဟေ့ ဒီမှာရေဟု ဇနီးကိုလှမ်းပေးလိုက်တော့ ဇနီးဖြစ်သူမှာ သတိပင်လစ်နေပြီးခေါ်၍ မရတော့ပါ။ ခေါ်မကြား အော်မကြား လှုပ်နှိုးသော်လည်း မရဘဲဖြစ်နေ၍ ဆေးရုံက လူနာတင် ကားခေါ်ကာ အရေးပေါ် သွားပြတော့။ ဆေးရုံတင်ထားလိုက်ရသည်။ ဆရာဝန်တွေက စမ်းသပ်စစ်ဆေးပြီး ပြောတော့ ဦးနှောက်ထဲ မှာ သွေးယိုတာတဲ့။ ထို့နောက်တွင်တော့ သူ့ဇနီးမှာ ဘယ်တော့မှပြန်၍ သတိရတော့မည် မဟုတ်သော ဦးနှောက်သေရောဂါဟု သိရသည်။ လူ့ခန္ဓာမှာ အသက်က မသေ။ ဒါပေမဲ့ ဦးနှောက် သေသွားလေပြီ။ ထို့ကြောင့် သေသူနှင့်မခြားသူကို ဘာပြောပြော သူသိလည်းမသိ၊ ကြားလည်းကြားနိုင်တော့မည် မဟုတ်ပေ။ ဆေးရုံခုတင်ပေါ်မှာသာ အသက် ရှူကိရိယာများ တန်းလန်းနှင့် နေရမည့် သူဖြစ်သွားသည်။
ခက်နေသည်က သူ့မှာကိုယ်လေး လက်ဝန်ကြီးနှင့်ဆိုတော့ ဗိုက်ထဲက ကလေးကို ကိုးလလွယ် ၁ဝ လဖွား နေ့စေ့ လစေ့ ဖြစ်သည်ထိ ကိုယ်ဝန်ဆောင်စရာမလို ၃၉ ပတ်ဆိုလျှင် ဗိုက်ခွဲမွေး၍ ရမည်ဖြစ်သော်လည်း မိခင်က အသက်ရှင်လျက် ရှိနေမှဖြစ်မည်။ ဒီတော့ သူ့ကိုအသက်ရှင် နေစေရန် အသက်ကယ် အထောက်အကူပြု ဆေးဝါးပစ္စည်း ကိရိယာများဖြင့် ပြုစုစောင့်ရှောက် မှု ပေးရန်လိုအပ်လာသည်။ သို့ဖြစ်၍ ကုန်ကျစရိတ်များ ရှိမည်။ မည်သို့လုပ်ရမည်နည်း။ ဇနီးအတွက် စိတ်မကောင်းဖြစ်၍ စိတ်ဆင်းရဲ နေရသည့် အထဲ ငွေကုန်ဖို့က ဖြစ်လာသည်။ ယခုရိုဘင်း သတိမေ့မြော နေသည်မှာ ရက်သတ္တငါးပတ် ရှိသွားပြီဖြစ်ပြီး ဗိုက်ထဲက သားကလေးကိုပင် အိုင်ဗာလို့နာမည် ပေးလိုက်ပြီ။ အိုင်ဗာကလေး ကို နေစေ့လစေ့ အသက်ရှင်လျက် ဘေးမသီရန်မ ခဘဲ မွေးဖွားရန် လိုပါသည်။ ဒီအတွက် သူ့အမေကို အသက်ဆက် ပေးနေရမည်။ ဤတွင် သူ့ဖခင် ဒိုင်လန်ဘင်ဆင်ရော ဆရာဝန်ကြီးများကပါ ရိုဘင်းနှင့် ဗိုက်ထဲက ကလေးအိုင်ဗာတို့၏ ကျန်းမာရေးကို ကြည့်ရှု စစ်ဆေးစောင့်ရှောက် ပေးနေရသည်။ ဗိုက်ထဲက ကလေးကလည်း ပုံမှန်ကြီးထွားလာ သည်ဟုဆိုသည်။ သို့ဖြစ်၍ ဆေးရုံ သို့ နေ့တိုင်းသွားပြီး ကြည့်ရှုနေရသည်။ လိုအပ်တာတွေ လုပ်ပေး နေရသည်။ ယခုဆိုအိုင်ဗာက ၃၉ ပတ် သန္ဓေသား ဖြစ်နေပြီ။ နောက်ထပ် ခုနစ်ပတ် လောက်ဆိုလျှင် သူလူ့ပြည်လောကကို လာလို့ရပြီ။ ပထမတော့ ရိုဘင်းဘင်ဆင်တို့ ကိစ္စသည် တက္ကဆက်ပြည်နယ်က မားလိုက်စ် မူးနော့ဇ်တို့ ကိစ္စတုန်းကကဲ့သို့ အလားတူ ကိစ္စမျိုးဟု ထင်ခဲ့သည်။
မူးနော့ဇ်၏ ကိစ္စတွင် သူ့ခင်ပွန်းက ဇနီးဖြစ်သူ သတိမေ့မြောနေသည့် ဦးနှောက်သေ ရောဂါလူနာအား အသက်ကူ ကိရိယာတွေနှင့် အသက်ဆက်ပေးနေခြင်းကို မလိုလားဘဲ အားလုံးဖြုတ်ပစ်ကာ ဘဝကူးသွားစေလိုသည်။ ဆေးရုံက ဆရာဝန်ကြီးများက မိခင် ဗိုက်ထဲက သန္ဓေသား လောင်းသည် မိမိဘာသာ ဆက်လက်ရှင်သန်နိုင်ခြင်း မရှိကြောင်း စစ်ဆေး အသိအမှတ်ပြုခဲ့ကြသည်။ ဘင်ဆင်ကိစ္စကျတော့ မူးနော့ဇ်နှင့်မတူ ဗိုက်ထဲက သန္ဓေသား ကလေးသည် အသက်ရှင်နေပြီး ပုံမှန်ကြီးထွားနေသည်။ ဒီတော့ ဒီကလေးကိုဗိုက်ခွဲပြီး မွေးဖွားနိုင်သည်အထိ သူ့အမေအသက် ရှင်ဖို့လိုသည်။ သားအသက်အတွက် အမေ့အသက်ကို ဆက်ကာ ဆွဲဆန့်၍ ထားရပေမည်။ မူးနော့ဇ် မိသားစုကတော့ တစ်နည်းအားဖြင့် မျှော်လင့်စရာ ဘာမျှမရှိတော့ပြီ။ သို့သော်လည်း သူတို့ကိစ္စမှာ နိုင်ငံတကာက စိတ်ဝင် စားလာကြသည်။ ဘယ်သူက အသက်ရှင်ရမည်။ ဘယ်သူက သေရမည်။ ဗုိုက်ထဲက သန္ဓေသား၏ လက်ရှိပြောင်းလဲမှု အခြေအနေအကြောင်းကို အချေအ တင် ပြောကြသည်။
ယောက်ျားဖြစ်သူ အဲရစ်မူးနော့ဇ်က သူ့ဇနီးမားလိုက်စ် မူးနော့ဇ်အား နိုဝင်ဘာ ၂၆ ရက်တွင် အိမ်၌ သတိမေ့မြောနေသည်ကို စတင်တွေ့ရှိခဲ့ရသည်။ သူ့အဆုတ်ထဲတွင် သွေးများခဲ၍ သူသေသွား ခဲ့ရသည်။ သူအ သက်မရှူဘဲ တစ်နာရီခန့် ကြာသွားခဲ့သည်။ ထိုအချိန်တွင်သူ့မှာ ဒုတိယ ကလေးကိုယ်ဝန် ၁၄ ပတ်ရှိနေခဲ့သည်။ ဖြစ်ပုံချင်းက ခပ်ဆင်ဆင်။ ဒါပေမဲ့ ဘင် ဆင်နှင့် မူးနော့ဇ်တို့မှာ ဆင်သော်လည်း မတူပါ။ မားလိုက်စ်မူးနော့ဇ်၏ ဗိုက်ထဲမှ သန္ဓေသားလေးမှာ သိသိသာသာ ပုံမှန်ဖြစ်နေသည်ကို တွေ့ရသည်။ သန္ဓေသားရဲ့ နှလုံးက မကောင်းဘူး။ ပြဿနာရှိနေတယ်။ တခြားပုံဏ္ဌာန် ချို့ယွင်းတာတွေလည်း အများကြီးပဲလို့ သူတို့ရှေ့နေက ပြောပြသည်။ သို့ဖြစ်ရာ မူးနော့်ဇ်သည် တက္ကဆက်ပြည် နယ်ဥပဒေ ပြဋ္ဌာန်းချက်ဖြစ်သော ပဋိသန္ဓေ ကိုယ်ဝန်ဆောင် အမျိုးသမီးအတွက် အသက်ဆက်ပေးသော ကုသမှုများကို ရပ်တန့်ပစ်၍မရ။ ပြန်လည်ရုပ်သိမ်း၍မရဟု ဥပဒေတစ်ရပ် ရှိနေ၍ တရားရုံးတွင်ဦးတိုက် လျှောက်ထား အမှုရင်ဆိုင်ခဲ့ရသည်။ နောက်ဆုံး မူးနော့ဇ်အနိုင် ရရှိတော့မှ ဇန်နဝါရီလ ကုန်ပိုင်းလောက်မှာ မားလိုက်စ်မူးနော့ဇ်၏ အသက်ကယ် အသက်ဆက် အထောက်အကူ ပြုပေးထားသော ကိရိယာများကို ဖြုတ်ပစ်ခွင့် ရရှိခဲ့သည်။ သူကပြောသည်မှာ ကျွန်တော့်ဇနီးကလည်း ပစ္စည်းအတုတွေနဲ့ အသက်ရှင်နေရတာကို လိုလားမှာ မဟုတ်ပါဘူးဗျာဟု ပြောသည်။ ယခုရိုဘင်း ဘင်ဆင်တို့ကျတော့ ဗိုက်ထဲက ကလေး က ကောင်းကောင်းကြီးထွား နေတယ်။ လူ့လောကကြီးထဲကို လာဖို့ဟန် ပြင်နေတဲ့ သဘောပေါ့။ ဒီတော့ ဖခင်ဖြစ်သူ ဒိုင်လန်ဘင်ဆင်တို့ မိသားစုကလည်း သူ့ကို မျှော်လင့်နေကြသည့် အတွက် မိခင်ဘာမှ မဖြစ်ရအောင် အသက်ကယ် ပစ္စည်းများဖြင့် နေ့စဉ်နေ့တိုင်း ပြုစုစောင့်ရှောက်ပေးနေ ကြသည်။
ရိုဘင်းဘင်ဆင်တို့အတွက် ကုန်ကျစရိတ်ကို ရပ်ကွက်မှ ကူညီလိုသူများက ဝိုင်း၍ အွန်လိုင်းမှ အလှူခံပေးသည်။ ဆေးရုံမှာ ငါးပတ်တက်ခဲ့ပြီး နောက်ထပ် ခုနစ်ပတ်ကျန် သေးသည်။ ဒါမှ ဗိုက်ခွဲမွေးလို့ရမည်။ နေ့စဉ် ကုန်ကျစရိတ်ကို တွက်ချက်လိုက်တော့ ဘေဘီအိုင်ဗာ ရန်ပုံငွေ လိုအပ်ချက်မှာ အမေရိကန်ဒေါ်လာ ၃၆ဝဝဝ ဖြစ်သည်။ ဤငွေပမာဏမှာ များပြားလှသည်။ အကြွေး နှင့် သံသရာလည်နေကြရသော ပြည်သူအများစု မတတ်နိုင်သော ငွေပမာဏဖြစ်သည်။ ယခုတော့ မပူရတော့။ အလှူငွေထည့် ကြသူတွေက နေ့စဉ်မပြတ်ကြပါဘူး။ ရည် မှန်းထား သည့် အမေရိကန်ဒေါ်လာ ၃၆ဝဝဝ ကိုကျော်လွန်၍ အမေရိကန်ဒေါ်လာ ၉၂ဝဝဝ ပင်ကျော်၍ ရရှိထားပြီး နောက်ထပ်လည်း အိုင်ဗာအတွက် ရန်ပုံငွေ ရှာဖွေရေးမှာ ၈၈ ရက် ကျန်နေသေးသည်။ သူ့အမေဗိုက်ထဲမှာ ပဲရှိနေသေးတဲ့ ကျွန်တော်တို့ရဲ့ သားလေးအိုင်ဗာ အတွက်နဲ့ ကျွန်တော့်အတွက် ရန်ပုံငွေ ကူညီပေးကြ ပါဟု အွန်လိုင်းတွင် ရေးသားထားသည်ကို ဖတ်ရှုရပါသည်။ ကျွန်တော့်သားလေးက သူ့ကိုမမွေးခင် ကတည်းက မိခင်ဆုံးရှုံးရတဲ့ သူလေးပါ။ ဖြစ်နိုင်ရင် ကျွန်တော့်သားလေး ဘဝကို အကောင်းဆုံး လုပ်ပေးချင် လို့ပါဗျာ။ လှူဒါန်းကြပါ။ ရတဲ့ ရန်ပုံငွေတွေကို ယခုကုန်ကျ စရိတ်ဘီလ်တွေ ပေးချေရပါမယ်။ ကလေးအတွက် လိုတာတွေ ဝယ်ရပါမယ်။ နေ့ကလေးထိန်းခ၊ အိမ်ငှားခ၊ အစားအသောက် သယ်ယူပို့ဆောင်ရေး စရိတ်နဲ့ ပညာရေး ရန်ပုံငွေတွေ အဖြစ် သုံးစွဲသွားပါ မယ်။ ကျွန်တော်လည်း ဒီလိုတုန်လှုပ် ချောက်ချားစရာ ကြမ္မာဆိုး ဝင်လာကတည်းက အလုပ်လည်း မလုပ်ရတော့ပါဘူး။ အိုင်ဗာ လေးကိုမွေးပြီးတဲ့နောက် ခွင့်ကယူရဦးမှာ ဆိုတော့ လစာရဲ့ထက်ဝက်ကျော်လောက် ကုန်သွားမယ်။
ဆိုရှယ်မီဒီယာ ပတ်ချာလည်မှာ ရန်ပုံငွေ စာမျက်နှာဖွင့်ခဲ့ရာ တချို့ လူသားချင်း ကိုယ်ချင်း စာသူတွေကလည်း တွစ်တာကနေ ဒိုင်လန်နှင့် ကလေးအိုင်ဗာတို့ကို ထောက်ပံ့ကြပါဟု ကူညီပြော ဆိုပေးကြသည်။ တချို့ကလည်း ပြင်သစ်က သတင်းဖြစ်စဉ်ကို ထောက်ပြသူ အပါအဝင် ဤအလှူခံကိစ္စကို သတိပြုမိလာကြကာ သူ့ဇနီးနှင့်ဗိုက်ထဲက ကလေးအတွက် ကျယ်ကျယ်ပြန့်ပြန့် အလှူငွေထည့်ဖို့ ပြောကြသည်။ ကျွန်တော်တို့ အိုင်ဗာကို မျက်နှာမြင်ပြီး နာရီပိုင်းအတွင်းမှာ ရိုဘင်းကို ကျွန်တော်တို့ အားလုံးက ဂွတ်ဒ်ဘိုင်လို့ပြောပြီး ထာဝရ နှုတ်ဆက်ကြ ရမှာပါဟု ဒိုင်လန်ဘင်ဆင်က ပြောပါသည်။ မှန်ပါသည်။ မိသားစုမှာ အနည်းဆုံး အဖေရယ်၊ အမေရယ်၊ ကလေးရယ်ရှိရမှာပါ။ အခုတော့၊ အမေကခုကတည်းက သေလူနှင့် မခြားနားပါ။ အိပ်ပျော်နေသလို ရုပ်ကိုသာ မြင်ရပြီး ဘာမှလည်း ပြောလို့ဆက်သွယ်လို့ မရဘူးဆိုတော့ ကိုယ်ချင်းစာကြည့်လျှင် အတော်ကို ဝမ်းနည်းကြေကွဲ စရာကြီးပါ။ ဒီကြားထဲ ကလေးကလည်း ဗိုက်ထဲမှာပဲ ရှိသေးတယ်။ ဖြူသလား၊ မည်းသလားတောင်မှ မမြင်ရသေးဘူး။ နောက်ထပ်နှစ်လလောက် စောင့်ရဦးမယ်။ ကလေးကို ဗိုက်ထဲကနေခွဲ ထုတ်ယူပြီးတာနဲ့ နာရီပိုင်းမှာပဲအသက် ဆက်ပေးနေတဲ့ ကိရိယာတွေ ဖြုတ်ပစ်ပြီး တကယ့်သေရွာကို သွားခွင့်ပြုလိုက်ရမှာ ဆိုတော့။ တကယ့်ကြေကွဲ စရာကြီးပေါ့။ ကလေးငယ် လေးသာ လက်ထဲမှာကျန် နေတော့မှာလေ။ ရင်နင့်ဖွယ်ရင် ဆို့ဖွယ်ရာ ဖြစ်၍ ကြားရသူအပေါင်း ကိုယ်ချင်းစာနာမိမှာ ဖြစ်ပါကြောင်း ကိုယ်ဝန်ဆောင် မိခင်ဖြစ်သူ တွေကို အထူးဂရုစိုက် ပေးနိုင်ရေးအတွက် ရေးသားလိုက်ရပါသည်။
မြ၀တီ
No comments:
Post a Comment