မြို့တော်ရန်ကုန်ပြန်လည်အသက်ဝင်တော့မလား

ဓာတ်ပုံ- ဂျေမောင်မောင် (အမရပူရ)

ရေးသားသူ- မိုးညို၊ ဆွေမွန်

အင်္ဂလိပ်အစိုးရက အကွက်ချပျိုး ထောင်ခဲ့သော ယနေ့ရန်ကုန်မြို့တော်မှာ နှစ်ပေါင်းနှစ်ရာကျော် ကြာမြင့်နေပြီဖြစ်ပြီး ပြီးခဲ့သည့် တပ်မတော်အစိုးရကာလတစ်လျှောက်လုံး မြို့တော်၏အင်္ဂါရပ်မှာ တဖြည်းဖြည်း ယိုယွင်းပျက်စီးမှုများနှင့် ပုံရိပ်မှာ မှေးမှိန်လာခဲ့ရသည်။

ထို့ကြောင့် ယခုအရပ်သား အစိုးရလက်ထက်တွင် မြို့တော်ကြီးကို ပြန်လည်အဆင့်မြှင့်မွမ်းမံရန် ၀ါရင့်ဗိသုကာပညာရှင်များ၏ လက်သို့ ပြန်လည်အပ်နှံလိုက်ပြီး နိုင်ငံတကာအကူအညီများဖြင့် စီးပွားရေးမြို့တော် ရန်ကုန်၏အနာဂတ်မှာ ပြန်လည်အသက်ဝင်လာဖွယ်ရှိသည်။

မြို့တော်တွင်း စံမမီတော့သည့် အဆောက်အအုံများ ပြည့်စုံလုံလောက်မှု အားနည်းနေသည့် လမ်း၊ ရေ၊ မီးစနစ်အစရှိသော ခေတ်မမီတော့သည့် လူမှုစီးပွားရေးရပ်ဝန်းကြီး တစ်ခုလုံးကို ပြန်လည်အဆင့်မြှင့်ရန် အစိုးရနှင့်ပညာရှင်များ ပူးပေါင်းပြီး ပြန်လည်
အသက်သွင်းရန် ကြိုးပမ်းနေပြီဖြစ်သည်။

၂၀၀၆ခုနှစ် မတ်လ ၂၇ရက် တွင် မြန်မာနိုင်ငံ၏ မြို့တော်အဖြစ် နေပြည်တော်ကိုပြောင်းလဲသတ်မှတ်ပြီးနောက် ယင်းမြို့တွင် အခြေခံ အဆောက်အအုံကောင်းကြီးများ၊ လမ်း၊ ရေ၊ မီးစနစ်အစရှိသော ကဏ္ဍပေါင်းမြောက်မြားစွာအတွက် အစိုးရက ဒေါ်လာသန်း
ပေါင်းမြောက်မြားစွာ အကုန်ကျခံ တည်ဆောက်ခဲ့သည်။ ထို့ကြောင့် စီးပွားရေးမြို့တော်အဖြစ် ကျန်ရှိခဲ့သော ရန်ကုန်ပြုပြင်ပြင်ဆင်
ရေးမှာ အစိုးရ၏ လျစ်လျူရှုခြင်းကို များစွာခံခဲ့ရခြင်းဖြစ်သည်။ နေပြည်တော်၏ ခမ်းနားမှုများက ကျော်ကြားသော်လည်း နိုင်ငံတစ်ဝန်းရှိ ပြည်သူအများစု၏ ရင်ထဲတွင် ရန်ကုန်မှာ အဓိကမြို့တော်ကြီးအဖြစ်သာ မှတ်ယူလက်ခံနေကြဆဲဖြစ်သည်။

ရန်ကုန်တွင်သက်တမ်းလွန် ဟောင်းနွမ်းဘတ်စ်ကားအိုများ၊ သစ်သားဇလီဖားတုံးများပေါ်က မီးခိုးတလူလူဖြင့် အချိန်မမှန်
တတ်သည့် သက်တမ်းကြာ မြို့ပတ်ရထားများကို နေ့စဉ်သွားလာအသုံးပြုနေရဆဲဖြစ်သည်။

မြို့တော်ရန်ကုန်မှာ အရှေ့တောင်အာရှနိုင်ငံများ၊ မြို့တော်များအလယ်တွင် များစွာနောက်ကျကျန်နေခဲ့ခြင်းလည်းဖြစ်သည်။ စီမံခန့်ခွဲမှုအလွဲများကြား မြို့တော်ရန်ကုန်က ပစ်စလက်ခတ်အနေဖြင့် ကျန်နေရစ်ခဲ့ခြင်းဖြစ်သည်။

ရွှေ့ပြောင်းအခြေချနေထိုင်သူ များပြားလာမှု၊ စီးပွားရေးလုပ်ငန်းအများစု တည်ရှိလာမှု၊ နှစ်စဉ်အိမ်ရာလိုအပ်ချက်များနှင့် ပြည့်
နှက်နေသည့် စီးပွားရေးမြို့တော်မှာ ပညာရှင်များအတွက် ချက်ချင်းဖြေရှင်းရန် ခက်ခဲနေသည့် ပုစ္ဆာတစ်ပုဒ်ဖြစ်နေသည်။

“ရန်ကုန်မှာ အခြေခံအဆောက်အအုံ တော်တော်များများဟာ ပြန်ပြီးအဆင့်မြှင့်တင်သင့် ၊ မွမ်းမံသင့်နေပြီ။ မြို့တော်အတွက်
အများစုကို စည်ပင်ကလုပ်နေတာပဲ တွေ့နေရတယ်။ တခြားသက်ဆိုင်ရာဌာနတွေနဲ့ ပူးပေါင်းရင်ပိုကောင်းလာလိမ့်မယ်” ဟု မြို့ရွာ
နှင့် အိုးအိမ်ဖွံ့ဖြိုးမှုဦးစီးဌာနမှ အငြိမ်းစားညွှန်ကြားရေးမှူးတစ်ဦး ကသုံးသပ်သည်။

ကမ္ဘာ့ကျန်းမာရေးအဖွဲ့ကြီး (WHO) က ထောက်ပြထားသည့် ရေအရည်အသွေး အားနည်းလာခြင်း၊ အဆောက်အအုံများ စနစ်တကျတည်ဆောက်မှုမရှိခြင်း၊ လျှပ်စစ်မီးအခက်အခဲများနှင့် ကြုံတွေ့နေရသည့် စီးပွားရေးမြို့တော်ရန်ကုန်မှာ နိုင်ငံခြားရင်းနှီးမြှုပ်နှံလိုသူများကို အဓိကလက်တွန့်စေသည့် အချက်တစ်ချက်ဖြစ်နိုင်သည်ဟု ကုန်သည်/စက်မှုအသင်းချုပ်မှ အသင်းဝင်တစ်ဦးကပြောသည်။

လက်တလော ဖြေရှင်းရန်အလွယ်ကူဆုံးပြဿနာဖြစ်သည့် ရန်ကုန်မြို့၏ ယာဉ်ကြောစနစ်မှာ ပြန်လည်ပြုပြင်ရန် များစွာလိုအပ်နေသေးသည်ဟု မြို့ပြနှင့် ဗိသုကာဆိုင်ရာ ကျွမ်းကျင်ပညာရှင် ဦးဝင်းမြင့်က ပြောသည်။

“ကားတွေအရမ်းတင်သွင်းလာတယ်ဆိုပြီး လမ်းပိတ်တယ်လို့ ပြောကြတယ်။ အမှန်တော့ ဆွဲထားတဲ့ ယာဉ်လမ်းကြောစနစ်ကိုက မှားနေတာ။ မြို့ထဲက လမ်းတွေမှာဆိုရင် နှစ်လမ်းမောင်းလုပ်လို့ရတဲ့ လမ်းတွေကို တစ်လမ်းမောင်း လုပ်ထားတာတွေက ခရီးသွားပြည်သူတွေအတွက် အချိန်ကို အများကြီးကုန်စေတယ်” ဟု ၎င်းကဆိုသည်။

သယ်ယူပို့ဆောင်ရေး ကဏ္ဍတွင် လူအများစုမှာ ဘတ်စ်ကားကိုသာ အဓိက အသုံးပြုနေရသောကြောင့် ယင်းနေရာများတွင် အဆင့်အတန်းမြင့်မြင့်အချိန်မှန်မှန်ပြေးဆွဲနိုင်သည့် မြို့ပတ်ရထားများကို အသုံးပြုနိုင်မှသာ အဆင်ပြေသွားနိုင်မည်ဖြစ်ကြောင်း မြို့ပြနှင့်ဗိသုကာဆိုင်ရာကျွမ်းကျင်ပညာရှင် ဒေါက်တာကျော်လတ်က သုံးသပ်သည်။

ပညာရှင်အများစု၏ သုံးသပ်ချက်များအရ စီးပွားရေးမြို့တော်ရန်ကုန်မှာ ယခင်က တောင်ဘက်မှ မြောက်ဘက်သို့ သွယ်တန်းသွားလာနေသည့် စနစ်ထက် အရပ်မျက်နှာအားလုံးသို့ ချဲ့ထွင်သွားလာနိုင်မည့် စနစ်ကပို၍ အသုံးဝင်နိုင်မည် ဖြစ်သည်ဟုလည်း မှတ်ချက်ပေးကြသည်။

ရန်ကုန်၏ သမိုင်းစာမျက်နှာကို ပြန်လှန်လျှင် ကုန်းဘောင်ခေတ်တွင် အလောင်းမင်းတရားကြီးက လူဦးရေတစ်ရာကျော်ဖြင့် ဆိပ်ကမ်းမြို့ငယ်လေးအဖြစ် ရည်ရွယ်ကာ စတင်တည်ထောင်ခဲ့ခြင်းဖြစ်သည်။ ၁၈၅၃ ကိုလိုနီခေတ်တွင် လူဦးရေ သုံးသောင်းခြောက်
ထောင်အတွက် ရည်ရွယ်ကာ မြို့ဧရိယာကို ဗိုလ်တထောင်ဆိပ်ကမ်းမှ ရွှေတိဂုံစေတီတော်အထိ ထောင့်မှန်ပုံစံမြေကွက်အဖြစ် စတင်တိုးချဲ့ခဲ့သည်ဟု ရန်ကုန်မြို့တော် စည်ပင်သာယာရေး ကော်မတီ၏ မြေပုံအထောက်အထားများအရ သိရသည်။

ခေတ်အဆက်ဆက်မြို့၏ ဧရိယာကို ပုံစံအမျိုးမျိုးဖြင့် တိုးချဲ့ခဲ့ရာမှ ယခုအစိုးရသစ်လက်ထက်တွင် ရန်ကုန်မြို့တော်စည်ပင်
သာယာရေးကော်မတီနှင့် ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ (JICA) တို့ပူးပေါင်း၍ မြို့ဧရိယာကို ထပ်မံ ချဲ့ထွင်တော့မည်ဖြစ်သည်။

JICA ၏လတ်တလော အဆိုပြုချက်များအရ ရန်ကုန်မြို့တစ်ဖက်ကမ်း ဒလ၊ တွံတွေး၊ သန်လျင်အပါအ၀င် မြောက်ပိုင်းခရိုင်မြို့ နယ်များဖြစ်သည့် မှော်ဘီ၊ တိုက်ကြီး၊ ထောက်ကြန့်မြို့နယ်များကို တိုးချဲ့ရန် စီစဉ်ထားကြောင်း မြို့ပြနှင့် မြေယာဌာနမှူး ဦးတိုးအောင်က ပြောသည်။ တိုးချဲ့မည့် မြေဧရိယာများတွင် ရန်ကုန်မြို့၏ အဓိကလိုအပ်နေသော အိမ်ရာစီမံကိန်းများကို အကောင်အထည်ဖော်သွားရန် စီစဉ်နေမှုများ ရှိနေသော်လည်း တစ်နှစ်လျှင် ရန်ကုန်မြို့တွင် အိမ်ရာအခန်းပေါင်း သုံးသောင်းကျော် လိုအပ်နေပြီး လက်ရှိတွင် အိမ်ရာအခန်းပေါင်း တစ်သောင်းကျော်သာ ဖြည့်ဆည်းပေးနိုင်သေးကြောင်း ရန်ကုန်မြို့တော် စည်ပင်သာယာရေးကော်မတီက ထုတ်ပြန်ထားသည်။

မြို့တွင်းပိုင်း၌ မြေနေရာလွတ်များ ရှားပါးလာသည်နှင့်အတူ အိမ်ရာစီမံကိန်းအများစုကို မြို့ပြင်နေရာများတွင် တည်ဆောက်ရန် လျာထားသကဲ့သို့ ဆူးလေဗဟိုပြု စီးပွားရေးအချက်အချာနယ်မြေမှာလည်း တစ်နေ့ထက်တစ်နေ့ စီးပွားရေးလုပ်ငန်းများ ထပ်မံအခြေချလုပ်ကိုင်နိုင်ရန် ကျပ်တည်းမှုများလာသည်။

ထို့ကြောင့် မဟာရန်ကုန်မြို့ပြ ဖွံ့ဖြိုးရေးစီမံကိန်း၏ ရေးဆွဲအကြံပြုချက်အရ မရမ်းကုန်းမြို့နယ်အတွင်းရှိ ရန်ကုန်မြို့တော် စည်ပင်သာယာရေးကော်မတီပိုင် မြေနေရာများတွင် ရန်ကုန်မြို့တွင်းပိုင်းကဲ့သို့ ဒုတိ ယစီးပွားရေးအချက် အချာနယ်မြေအဖြစ် ပြုလုပ်ရန်စီစဉ်ထားကြသည်။

ရန်ကုန်မြို့၏ အခြေခံလိုအပ်ချက်များအနက်မှ ရေနှင့် လျှပ်စစ်မီး ပြဿနာမှာလည်း မြို့ပြနေလူထုအတွက် နှစ်စဉ်ရင်ဆိုင်ကြုံတွေ့
နေရသည့် အခက်အခဲတစ်ခုလည်း ဖြစ်သည်။

လှော်ကား၊ ဂျိုးဖြူ၊ ဖူးကြီးရေလှောင်ကန်ကြီးများမှ ရေသွယ်ပိုက်လိုင်းကြီးများသည် သက်တမ်းအားဖြင့် ရှည်ကြာလာပြီဖြစ်သောကြောင့် ယိုယွင်းနေမှုများရှိရာ ရေပေးဝေလိုသော နေရာသို့ မရောက်မီပင် လေလွင့်ဆုံးရှုံးမှုများနှင့် နှစ်စဉ်ကြုံတွေ့နေရသည်ဟု ပညာရှင်များက ဝေဖန်ပြောကြားသည်။

နှစ်စဉ်နွေကာလတွင် လျှပ်စစ်မီး အခက်အခဲနှင့် ကြုံတွေ့နေရမြဲဖြစ်သည့် စီးပွားရေးမြို့တော် ရန်ကုန်၌ ယခုနှစ်တွင် လျှပ်စစ်တာဘိုင်ကြီးများကို ပြည်ပမှ မှာယူတင်သွင်းလာသော်လည်း စီးပွားရေးလုပ်ငန်းအများစုတွင် လက်ရှိတိုင် လျှပ်စစ်မီးလုံလောက်စွာ မရရှိမှု၊ ဆင်ခြေဖုံးရပ်ကွက်များတွင် မကြာခဏ လျှပ်စစ်မီးပြတ်တောက်နေမှုများကလည်း ဖြေရှင်း
ရန်ခက်ခဲနေသေးသည်။

ပညာရှင်များ၏ အဆိုအရ ၂၀၄၀ တွင် ရန်ကုန်မြို့၌ ယခုလက်ရှိ လူဦးရေခြောက်သန်းကျော်မှ ဆယ်သန်းကျော်အထိ တိုးပွားလာနိုင်ဖွယ် ရှိသောကြောင့် အခြေခံအဆောက်အအုံများဖြစ်သည့် လမ်း၊ တံတား၊ လျှပ်စစ်၊ ရေ၊ မိလ္လာ၊အိမ်ရာစီမံကိန်းနှင့် သယ်ယူပို့ဆောင်ရေး လုပ်ငန်းများတွင် နည်းစနစ်မှန်မှန် အကောင်းဆုံး စီမံခန့်ခွဲမှုများဖြင့် ဆောင်ရွက်နိုင်မှသာအနာဂတ်တွင် အရှေ့တောင်အာရှ
နိုင်ငံများထဲက အဆင့်မီမြို့တော်တစ်ခုအဖြစ် ပေါ်ထွက်လာမည်ဖြစ်ကြောင်း မြို့ပြပညာရှင်များက သုံးသပ်ပြောကြားလိုက်သည်။

သို့သော် အစိုးရအပြောင်းအလဲ နှစ်နှစ်ကျော်ကာလအတွင်း အနာတရပေါင်းမြောက်မြားစွာဖြင့် ဆေးရုံမှ ဆင်းစလူနာတစ်ဦးကဲ့သို့ နာလန်ထူရန် ခက်ခဲနေဦးမည်လည်း ဖြစ်သည်။
7Day News