တစ်နှစ်ပြည့်တော့မည်

လယ်မြေတွေမှာ စိုက်ပျိုးခဲ့ကြတဲ့ စပါးသီးနှံတွေကိုတောင် မရိတ်သိမ်းနိုင်ဘဲ အားလုံးကို စွန့်ခွာချန်ထားခဲ့ ကြရပါတယ်။ ဒီနှစ်တော့ ၀မ်းစာမပြောနဲ့၊  စိုက်ပျိုးဖို့ မျိုးတောင်မရှိသေးပါဘူး။ တကယ်လို့သာ ဒီနှစ်မှာပါ စိုက်ကြပျိုးကြဖို့ မပြင်ဆင်နိုင်ခဲ့ဘူးဆိုရင် နောက်နှစ်အတွက် ၀မ်းစာဆိုတာ ဘယ်မှာလဲလို့ မေးကြရတော့မှာပါ

မိုးကြိုမိုးလေးတွေ တဖွဲဖွဲရွာစပြုတဲ့ မေလဆန်းကို ချဉ်းနင်း ၀င်ရောက်လာခဲ့ပါပြီ။ ရာသီစက်ဝန်းက တစ်ပတ်လည်လုပြီ။ မနှစ်က ဇွန်လ။ မိုးတွေ တစ်ပြိုက်ပြိုက်ရွာတုန်း အိမ်ငယ်လေးတွေကို စွန့်လို့ တိမ်းရှောင်သူတွေ တိမ်းရှောင်ကြရတယ်။ ကချင်တောင်တန်းတွေပေါ်မှာ မိုးစက်တွေကြား ကူကယ်ရာ လက်တွေရှိမယ်လို့ မျှော်လင့်ရတဲ့ နေရာတွေဆီ စွန့်ခွာကြရတယ်။ အဲဒီတုန်းကတော့ ဒါဟာ မကြာပါဘူးလို့ အားလုံးက ထင်ခဲ့ကြပါတယ်။ မကြာခင် အိမ်ပြန်နိုင်မှာပဲလို့ ထင်ခဲ့ကြပါတယ်။ အခုတော့ သူတို့မျှော်လင့်ခဲ့ကြတဲ့ အိမ်အပြန်လမ်း ဝေးခဲ့တာဟာ ရှေ့လာမယ့် ဇွန်လဆိုရင် တစ်နှစ်ပြည့်တော့မှာပါ။ ကချင်ပြည်နယ်တွင်းမှာ တပ်မတော်နဲ့ ကေအိုင်အေအဖွဲ့အကြား တိုက်ပွဲဖြစ်ပွားမှုတွေဟာ ၂၀၁၁ ခုနှစ် ဇွန်လကစတင်ခဲ့ပါတယ်။ စပြီးဖြစ်ပွား ခဲ့တဲ့နေရာက ဗန်းမော်ခရိုင် မိုးမောက်မြို့နယ်။ နောက်ပိုင်းမှာတော့ မြစ်ကြီးနား၊ ၀ိုင်းမော်အထိပါ သက်ရောက် တော့တာပါ။ အဲဒီအချိန်ကာလက စလို့ နေ့တဓူဝ အေးအေးချမ်းချမ်း နေထိုင်ခဲ့ရာ ကျေးရွာလေးတွေကို ဒေသခံတွေ စွန့်ခွာခဲ့ရပါတယ်။ ဒေသခံ ကချင်နဲ့ရှမ်းဗမာတိုင်းရင်း သားတွေဟာ သူတို့နေထိုင်ခဲ့တဲ့ ကျေးရွာကလေးတွေ၊ သူတို့စိုက်စား ပျိုးစားခဲ့တဲ့ တောင်ယာ၊ လယ်ယာ တွေ၊ သူတို့နေပျော်ခဲ့ရာ ပတ်ဝန်းကျင်တွေကို အဝေးမှာ ချန်ရစ်လို့။ အိမ်မဟုတ်တဲ့ နေရာတွေမှာ ကာလရှည်ကြာ ခိုလှုံလာရပါတယ်။ လယ်မြေတွေမှာ စိုက်ပျိုးခဲ့ကြတဲ့ စပါးသီးနှံတွေကိုတောင် မရိတ်သိမ်းနိုင်ဘဲ အားလုံးကို စွန့်ခွာချန်ထားခဲ့ ကြရပါတယ်။ ဒီနှစ်တော့ ၀မ်းစာမပြောနဲ့၊  စိုက်ပျိုးဖို့ မျိုးတောင်မရှိသေးပါဘူး။ တကယ်လို့သာ ဒီနှစ်မှာပါ စိုက်ကြပျိုးကြဖို့ မပြင်ဆင်နိုင်ခဲ့ဘူးဆိုရင် နောက်နှစ်အတွက် ၀မ်းစာဆိုတာ ဘယ်မှာလဲလို့ မေးကြရတော့မှာပါ ကချင်ပြည်နယ်တွင်း မြို့ပေါ်နဲ့ တောတွင်းမှာတော့ ကယ်ဆယ်ရေး စခန်းလေးတွေဟာ ဒီတစ်နှစ်နီးပါး ကာလအတွင်း အပြိုင်းအရိုင်းဆိုသလို ပေါ်ပေါက်ခဲ့ကြတယ်။ စခန်းတွေ ဟာ ကချင်ပြည်နယ်နဲ့ ရှမ်းပြည်နယ် မြောက်ပိုင်းမှာ ရှိနေပါတယ်။ တရုတ်နိုင်ငံနယ်စပ်နဲ့ နီးတဲ့သူတွေကတော့ တရုတ်နိုင်ငံထဲ ခိုဝင်သွားကြတာပါ။ ဒီနှစ် ဧပြီလလယ်ပိုင်းအထိရတဲ့ စာရင်းအရတော့ တရုတ်နိုင်ငံထဲမှာကိုပဲ ကချင်ပြည်နယ်က တိုင်းရင်းသား ၇၀၀၀ ကျော်ရှိနေပါတယ်။ သူတို့ တွေဟာ ကူညီပံ့ပိုးသူတွေနဲ့ လက်လှမ်းမီရဲ့လား။ လတ်တလောမှာ တော့ တောတွင်းစခန်းတွေမှာတောင် အကူအညီပေးသူတွေ လက်လှမ်းမမီ့ တမီ ဖြစ်နေကြရပါတယ်။  “မြို့ပေါ်စခန်းတွေကိုတော့ အကူအညီတွေက လက်လှမ်းမီသေး ပေမယ့် တောတွင်းကယ်ဆယ်ရေး စခန်းတွေကိုတော့ ကြာရင် အကူအညီ မရောက်နိုင်မှာ စိတ်ပူတယ်။ တလောတုန်းကတော့ နည်းနည်းငြိမ် သွားတော့ တချို့က ရွှေ့ပြောင်းသွား လာကြတယ်ပေါ့။ အခုတော့ အခြေ အနေကပြန်ပြီး ဆိုးလာတဲ့အခါ စခန်းတွေကိုပဲပြန်ရောက်လာကြတယ်” လို့ ကယ်ဆယ်ရေးစခန်းတချို့နဲ့ ချိတ် ဆက်ပြီး လူမှုရေးလုပ်ကိုင်နေတဲ့ ကချင်တိုင်းရင်းသူတစ်ဦးက ဧပြီလ ၃၀ ရက်နေ့က ပြောပြပါတယ်။ “အခုလောလောဆယ်တော့ ကယ်ဆယ်ရေးစခန်းတွေက ကချင် ပြည်နယ်ထဲမှာဆိုရင် မြစ်ကြီးနား၊ ၀ိုင်းမော်၊ ဗန်းမော်၊ မိုးမောက် စတဲ့ မြို့နယ်တွေမှာရှိနေတယ်။ ရှမ်းပြည် နယ်မြောက်ပိုင်းက လားရှိုး၊ နမ့်ခမ်း နယ်ထဲမှာလည်း တချို့ရှိတယ်။ တရုတ်ပြည်ထဲကို ရောက်သွားကြတာ လည်းရှိတယ်။ ဟိုဘက်မှာ ကယ် ဆယ်ရေးစခန်းရှိသလား၊ မရှိဘူးလားတော့ မသိဘူး။ ကူညီဖို့လည်း အခက်အခဲရှိတယ်ပေါ့။ နောက်ပြီး အခုရက်ပိုင်း ဆဒုံးမှာ တိုက်ပွဲတွေ ဖြစ်တော့ ၀ိုင်းမော်မြို့နယ်ထဲက မိုင်တိုင် ခြောက်၊ ရှစ်၊ ၁၀ ကို ပြောင်း လာကြတာလည်း ရှိတယ်”။ ကချင်ပြည်နယ်တွင်းမှာ အိုးပစ်အိမ်ပစ် တိမ်းရှောင်ကြရတာဟာ ကျေးရွာတွေ ရာချီရှိပါတယ်။ လူမှုရေး ကူညီကြတဲ့နေရာမှာ ပြည်တွင်းလူမှုရေး အဖွဲ့အစည်းတွေ၊ ပြည်ပက အိုင်အန်ဂျီအိုအဖွဲ့တွေ ပါဝင်သလို တတ်စွမ်းသမျှ တစ်နိုင်ပေးလှူကြတဲ့ သူတွေလည်းရှိပါတယ်။ မြို့ပေါ် စခန်းတွေကတော့ ကယ်ဆယ်ရေး လုပ်ကြသူတွေ အရောက်အပေါက်များပေမယ့် တောတွင်းနဲ့ နယ်စပ် စခန်းတွေကိုတော့ အခြေအနေအရ သိပ်မရောက်နိုင်သေးပါဘူး။ အထူးသဖြင့် တရုတ် မြန်မာနယ်စပ်မှာရှိတဲ့ တိုင်းရင်းသားတွေဟာ ကူကယ်ရာ နည်းလှတယ်လို့ ဆိုရမှာပါ။ နေထိုင် အခြေချခဲ့ရာ ကျေးရွာကလေးတွေကနေ ပြောင်းရွှေ့စ မနှစ်တုန်းကတော့ လူကြီးတွေမှာ သောကနဲ့။ ကလေးတွေကတော့ ပွဲတော်တစ်ခုကို ဆင်နွဲဖို့ သူတို့လူစုရတယ် ထင်ခဲ့ကြတာပါ။ လူစုစုနေရ တာကိုပဲပျော်စရာလိုလို။ ကြာလာတော့လည်း ကလေးတွေကိုယ်တိုင်က ဒီပွဲဘယ်တော့ပြီးမလဲလို့ လူကြီးတွေကို မေးလာကြပါပြီ။ “တချို့ကလေးတွေကတော့ အိမ်ပြန်ချင်တဲ့လူ လက်ညှိုးထောင် ဆိုရင် လက်ညှိုးတောင် မထောင်ကြဘူး။ ဘာလို့လဲ မေးလိုက်ရင် အိမ် မှ မရှိတော့တာကိုးလို့ ဖြေကြတယ်” လို့ ကချင်ပြည်နယ် ဗန်းမော်မြို့နယ် ကရုဏာ ဗန်းမော်က ဖာသာအောင်ဒန်က ဆိုပါတယ်။ “ကလေးတွေဟာ ပြီးခဲ့တဲ့ ပညာသင်နှစ် တစ်နှစ်ကိုလည်း ဆုံးရှုံးခဲ့ပြီ။ အခုလည်း အိမ်တွေကို စွန့်ခွာလာတာ တစ်နှစ်ပြည့်တော့မယ်။ သူတို့တွေရဲ့ ပညာရေး၊ စိတ်လုံခြုံမှုဟာ စိုးရိမ်စရာ အခြေအနေမှာ ရှိပါတယ်” လို့ ဗန်းမော်ဒေသခံ တစ်ဦးကလည်း ပြောပြခဲ့ပါတယ်။ ကယ်ဆယ်ရေး စခန်းတွေမှာ ခိုလှုံနေရတဲ့သူ အားလုံးကို ခြုံပြောရင် လက်ရှိမှာ ဦးရေ ၇၀၀၀၀ ကျော် ရှိနိုင်တယ်လို့ လူမှုရေးလုပ်ကိုင်သူ တွေဆီက သိရပါတယ်။ ဒီလူတွေထဲမှာမှ အများစုက အမျိုးသမီးနဲ့ ကလေးတွေပါ။ လူဦးရေရဲ့ ၆၀ ရာခိုင်နှုန်းက အမျိုးသမီးတွေ။ နောက်ပြီး လူဦးရေအားလုံးရဲ့ ၆၀ ရာခိုင်နှုန်းက ကလေးတွေပါ။ စစ်ဆိုတာ ကာလရှည်ကြာလာတာနဲ့ အမျှ မိဘနှစ်ဦး ဒါမှမဟုတ် တစ်ဦး ဦးသေဆုံးတာကို ကြုံရတဲ့ကလေးတွေလည်း ရှိလာခဲ့ပါတယ်။ “camp မှာရှိတဲ့ အမျိုးသမီးတွေ ကလေးတွေဟာ စိတ်ပိုင်းဆိုင်ရာ လုံခြုံမှုလည်း အများကြီး ကင်းမဲ့သွားပါတယ်”လို့ ပြီးခဲ့တဲ့ ဧပြီလအတွင်းက ကယ်ဆယ်ရေး စခန်းတချို့ကို ရောက်ခဲ့တဲ့ ငြိမ်းဖောင်ဒေးရှင်းက ဒေါ်ဂျာနန်က ပြောပါတယ်။ “အားလုံးက ၀ိုင်းပံ့ပိုးနေတဲ့အတွက်ကြောင့် အစားအသောက်ကတော့ ရှိပါတယ်။ ဒါပေမယ့် စိတ်ပိုင်းဆိုင်ရာကတော့ သူတို့အနေနဲ့ ဘာမှမလုပ်ကိုင်တတ်ဘူး၊ ဘာမှအကျိုးမရှိတဲ့ သူတွေအနေနဲ့ သူတို့ခံစားနေရတဲ့ အနေအထားကိုလည်း တချို့ ဆီမှာ တွေ့ရပါတယ်”။ အရင်ကတော့ နွေဦးရောက်ပြီဆိုရင် ကချင်တောင်တန်းတွေပေါ်မှာ တောင်ယာစိုက်ပျိုးဖို့ ပြင်ကြပါပြီ။ ခုတ်ထွင်ရှင်းလင်းလို့ မီးရှို့ကြပါပြီ။ ဒီတစ်နှစ်စာ စိုက်ပျိုးတာဟာ နောက်တစ်နှစ်စာ စားသုံးဖို့အတွက်ပါပဲ။ ဒီနှစ်မှာတော့ ခုထိ ဘာပြင်ဆင်မှုမှ မလုပ်နိုင်သေးပါဘူး။ ပြီးခဲ့တဲ့နှစ်ကိုပဲ ပြန်စဉ်းစားကြည့်ရင် တောင်ယာ တွေမှာ၊ လယ်မြေတွေမှာ စိုက်ပျိုးခဲ့ကြတဲ့ စပါးသီးနှံတွေကိုတောင် မရိတ်သိမ်းနိုင်ဘဲ အားလုံးကို စွန့်ခွာ ချန်ထားခဲ့ကြရပါတယ်။ ဒီနှစ်တော့ ၀မ်းစာမပြောနဲ့၊ စိုက်ပျိုးဖို့မျိုးတောင် မရှိသေးပါဘူး။ တကယ်လို့သာ ဒီနှစ်မှာပါ စိုက်ကြပျိုးကြဖို့ မပြင်ဆင်နိုင်ခဲ့ဘူးဆိုရင် နောက်နှစ်အတွက် ၀မ်းစာဆိုတာ ဘယ်မှာလဲလို့ မေးကြရတော့မှာပါ။ တချို့ကတော့ တောတွင်းစခန်းတွေမှာ နေရတာ အခက်အခဲတွေ များတဲ့အတွက် အိမ်ကို ပြန်ပြီး ရှိတဲ့ ရိက္ခာလေး ယူကြပါတယ်။ ဒါပေမယ့် ၁၀ ယောက်ပြန်ရင် ရှစ်ယောက်လောက်သာ စခန်းကို အသက်ရှင်လျက် ပြန်ရောက်လာနိုင် ခဲ့ကြပါတယ်။ ပြီးခဲ့တဲ့နှစ်တုန်းကတော့ အိမ်တွေကို စွန့်ခွာရတဲ့အခါ ဒါဟာ ခဏပါပဲလို့ အားလုံးက တွေးခဲ့ကြပါတယ်။ မရိတ်သိမ်းဘဲ ထားခဲ့ကြရတဲ့ ကောက်နှံတွေကိုတောင် ပြန်ရိတ်သိမ်းနိုင်မယ် ထင်ခဲ့ကြတာပါ။ ပညာသင်ရင်းတန်းလန်း မိဘတွေနောက် လိုက်လာရတဲ့ ကလေးတွေကလည်း ကျောင်းပြန်တက်နိုင်မယ် ထင်ခဲ့ကြတာပါ။ အခုတော့ တစ်နှစ်ပြည့်ပါတော့မယ်။ ငြိမ်းချမ်းရေးရောင်ခြည် က သူတို့ရှေ့မှာ လင်းတစ်ခါ မှိန်တစ်လှည့်။ အိမ်အပြန်လမ်းကလည်း မှုန်မှိုင်းဆဲပါပဲ။ EMG