Wednesday 15 January 2014
တပ်မတော်ကို မည်သည့်အချိန်ကမျှ မတိုက်ခိုက်ခဲ့ဘဲ တပ်မတော်၏ အပြုအမူကိုသာ ဝေဖန်ခြင်းဖြစ်ကြောင်း ဒေါ်အောင်ဆန်းစုကြည်ပြောကြား
တပ်မတော်ကို မည်သည့်အချိန်ကမျှ မတိုက်ခိုက်ခဲ့ဘဲ တပ်မတော်၏ အပြုအမူကိုသာ ဝေဖန်ခြင်းဖြစ်ကြောင်း အမျိုးသားဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်က ဇန်န၀ါရီ ၁၄ ရက်တွင် နေပြည်တော်ရှိ လွှတ်တော်ရေးရာဆောင်တွင် ပြုလုပ်သည့် သတင်းစာရှင်းလင်းပွဲတွင် ပြောကြားသည်။
“အန်တီက ဘယ်တုန်းကမှ တပ်မတော်ကို မတိုက်ခိုက်ခဲ့ဘူး။ သိတဲ့အတိုင်းပဲ တပ်မတော်ကို မတိုက်ခိုက်ခဲ့လို မကျေနပ်တဲ့သူတွေတောင်ရှိတယ်။ ဒါပေမယ့် အန်တီက တပ်မတော်ကို မတိုက်ခိုက်ဘူး။ တပ်မတော်ရဲ့ လုပ်ရပ်တချို့ကို အန်တီက မကြိုက်ဘူး။ အစကတည်းကပြောတယ်။ အန်တီ ဘယ်ပုဂ္ဂိုလ်ကိုမှ မတိုက်ခိုက်ခဲ့ဘူးနော်။ ဘယ်သူ့ကိုမှ အန်တီနာမည်နဲ့တပ်ပြီး ဘယ်သူကဘာပါဆိုပြီး မတိုက်ခိုက်ခဲ့ဘူး။ အန်တီတို့နိုင်ငံကို ဒီလိုနိုင်ငံရေးမျိုး မလုပ်စေချင်ဘူး။ ဒါပေမယ့် အပြုအမူတွေတော့ အန်တီဝေဖန်ရတာပေါ့” ဟု ဒေါ်အောင်ဆန်းစုကြည်က ပြောကြားသည်။
ဆက်လက်၍ ဒေါ်အောင်ဆန်းစုကြည်က “တချို့က အန်တီတို့ ပြည်သူတွေနဲ့ တွေ့ဆုံပွဲတွေ ရှိလာတဲ့အခါမှာ တပ်မတော်နဲ့ အန်တီတို့ကို နည်းနည်းတိုက်ပေးတဲ့သဘော ပြောတာပေါ့။ ရန်လုပ်သလိုဘာလို။ အဲဒီတော့ အန်တီကရှင်းပြတာ။ တပ်မတော်ကို ရန်လုပ်တာမဟုတ်ဘူး။ ဖွဲ့စည်းပုံအခြေခံဥပဒေ လုပ်ထားပုံက ပြည်သူနဲ့ တပ်မတော်ကြားမှာ စိတ်ဝမ်းကွဲစေတယ်။ တပ်မတော်နဲ့ပြည်သူ အဆင်ပြေဖို့ဆိုရင် ဒီဟာပြင်ရမယ်။ မပြင်ရင် ရေရှည်မှာ အဆင်မပြေနိုင်ဘူး။ ဘာဖြစ်လို့လဲဆိုတော့ မျှတမှုမရှိဘူး” ဟု ပြောကြားသည်။
ဖွဲ့စည်းပုံအခြေခံဥပဒေ ပြင်ဆင်မှသာ မျှတမှုရှိပြီး တပ်မတော်နှင့်ပြည်သူ ပိုမိုအဆင်ပြေမည်ဟုလည်း ဒေါ်အောင်ဆန်းစုကြည်က သုံးသပ်ပြောကြားသည်။
ဖွဲ့စည်းပုံအခြေခံဥပဒေပါ စစ်ရေးအမြင်ရှိရမည်ဆိုသည့် အချက်နှင့်ပတ်သက်၍ ကာကွယ်ရေးအမြင် ရှိရမည်ဆိုသည့် သဘောမျိုးဖြစ်စေချင်ကြောင်း ၎င်းကထည့်သွင်း ပြောကြားသည်။
EMG
Subscribe to:
Post Comments (Atom)
No comments:
Post a Comment