 |
| (စက်တင်ဘာ ၂၄ ရက်က စင်ကာပူခရီးစဉ်မှ ပြန်လည်ရောက်ရှိလာသည့် ဒေါ်အောင်ဆန်းစုကြည်အား ရန်ကုန်လေဆိပ်တွင် ကြိုဆိုနေကြစဉ် (ဓာတ်ပုံ-ငြိမ်းဇော်လင်း)) |
NLD ပါတီလောက် လုပ်နိုင်ကိုင်နိုင်စွမ်းရှိသည့် ပါတီမျိုး မြန်မာနိုင်ငံတွင်ရှိလျှင် ပြရန် ဒေါ်အောင်ဆန်းစုကြည်က NLD ပါတီအပေါ် ဝေဖန်မှုများနှင့် ပတ်သက်ပြီး စင်ကာပူနိုင်ငံတွင် ပြီးခဲ့သည့် တနင်္လာနေ့က ပြုလုပ်သည့် သတင်းစာရှင်းလင်းပွဲတွင် တုံ့ပြန်ပြောဆိုခဲ့သည်။
လာမည့်စက်တင်ဘာ ၂၇ ရက်တွင် ပါတီထူထောင်ခဲ့သည်မှာ နှစ်ပေါင်း (၂၅)နှစ် ပြည့်မြောက်တော့မည် ဖြစ်သော်လည်း ပါတီ၏ အဓိက ရည်ရွယ်ချက်ဖြစ်သည့် အကြမ်းမဖက်သည့်နည်းနှင့် ဒီမိုကရေစီနိုင်ငံသစ် ထူထောင်ရန် မျှော်မှန်းချက် အကောင်အထည် ပေါ်လာရန် အလှမ်းဝေးနေသေးသည့် NLD ပါတီနှင့် ပတ်သက်၍ ဝေဖန်ပြောဆိုမှုများ ရှိနေသည့်အတွက် ပါတီဥက္ကဋ္ဌ ဒေါ်အောင်ဆန်းစုကြည်က ယခုလို တုံ့ပြန်ပြောဆိုခဲ့ခြင်း ဖြစ်သည်။
"NLD ပါတီလောက် လုပ်ကိုင်နိုင်စွမ်းရှိတဲ့ ပါတီမျိုး မြန်မာနိုင်ငံမှာ ရှိတယ်ဆိုရင် ကျွန်မကို ပြပါလို့ ကျွန်မစိန်ခေါ်ရဲပါတယ်၊ ကျွန်မတို့ ပါတီဟာ ဒီမိုကရေစီ စံနှုန်းများနှင့်အညီ တည်ဆောက်ယူထားတဲ့ တစ်ခုတည်းသော ပါတီပါ" ဟု ဒေါ်အောင်ဆန်းစုကြည်က စင်ကာပူ သတင်းစာ ရှင်းလင်းပွဲတွင် ပြောဆိုခဲ့သည်။
NLD ပါတီကို ၁၉၈၈ ခုနှစ် စက်တင်ဘာ ၂၇ ရက်တွင် စတင်ဖွဲ့စည်းခဲ့ပြီး ဒေါ်အောင်ဆန်းစုကြည်မှာ အထွေထွေ အတွင်းရေးမှူးအဖြစ် တာဝန်ယူ ဆောင်ရွက်ခဲ့သည်။ NLD ပါတီသည် ၈၈ အရေးတော်ပုံနှင့်အတူ ပေါက်ဖွားလာခြင်းဖြစ်ပြီး ပါတီသို့ အရေးတော်ပုံတွင် ပါဝင်ခဲ့သူများက ထောက်ခံဝင်ရောက် ခဲ့သဖြင့် ၁၉၉၀ ရွေးကောက်ပွဲတွင် တစ်နိုင်ငံလုံး မဲအရေအတွက် စုစုပေါင်း၏ ၈၀ ရာခိုင်နှုန်းကျော်ဖြင့် ပြည်လုံးကျွတ် အနိုင်ရခဲ့သည်။ ထိုအချိန်တွင် စစ်အစိုးရက အာဏာလွှဲပြောင်းပေးအပ်ခြင်း မပြုခဲ့ဘဲ ၁၉၉၃ ခုနှစ်တွင် အခြေခံ ဥပဒေ ရေးဆွဲရန်ဟုဆိုကာ အမျိုးသား ညီလာခံကို ခေါ်ယူခဲ့သည်။ ထိုအချိန်တွင် ဒေါ်အောင်ဆန်းစုကြည် အပါအ၀င် NLD ခေါင်းဆောင်ပိုင်းများမှာ ထိန်းသိမ်းခံထားရပြီး NLD ပါတီမှ အမတ်အချို့က အမျိုးသား ညီလာခံကို တက်ရောက်ခဲ့ကြသည်။ ၁၉၉၅ ခုနှစ် ဒေါ်အောင်ဆန်းစုကြည် ပြန်လည်လွတ်မြောက် လာချိန်တွင် အမျိုးသား ညီလာခံမှ NLD အမတ်များအားလုံး ၁၉၉၆ ခုနှစ်တွင် နုတ်ထွက်ခဲ့ကြသည်။ ၁၉၉၈ ခုနှစ်တွင် ၁၉၉၀ ပြည့်နှစ် အနိုင်ရ ကိုယ်စားလှယ်များက လွှတ်တော်ခေါ်ယူရန် ကြိုးပမ်းခဲ့ကြသော်လည်း အစိုးရက တားဆီးခဲ့သည်။ ၁၉၈၉ မှ ၂၀၁၀ ထိ ၁၅ နှစ်ဝန်းကျင် ဒေါ်အောင်ဆန်းစုကြည် နေအိမ်အကျယ်ချုပ်ဖြင့် နေထိုင်ခဲ့ရသည့် အချိန်များတွင် ပါတီကို ထိရောက်သည့် ဦးဆောင်လမ်းညွှန်မှု မရှိခဲ့သည့်အတွက် NLD ပါတီ အနေဖြင့်လည်း နိုင်ငံရေး လှုပ်ရှားမှု မရှိသလောက် ကျဆင်းခဲ့ရပြီး ၁၉၉၀ အာဏာရ ပါတီတစ်ခု အနေဖြင့် အစိုးရအပေါ် မျှော်မှန်းထားသလောက် ဖိအားပေးနိုင်ခြင်း မရှိခဲ့ပေ။
ထို့နောက် ပါတီပြန်လည် ဖွဲ့စည်းချိန်တွင် ဒေါ်အောင်ဆန်းစုကြည်သည် ပါတီဥက္ကဋ္ဌ ဖြစ်လာခဲ့ပြီး ၁၉၉၀ ရွေးကောက်ပွဲ ရလဒ်ကို စွန့်လွှတ်ပြီး ၂၀၁၂ ခုနှစ် ဧပြီလတွင် ကျင်းပသည့် ကြားဖြတ်ရွေးကောက်ပွဲတွင် ပါဝင်ယှဉ်ပြိုင်ခဲ့သည်။ ၁၉၉၀ ပြည့်နှစ်တွင် တစ်ခဲနက် အနိုင်ရရှိခဲ့သော NLD ပါတီသည် ၂၀၁၂ ခုနှစ် ကြားဖြတ်ရွေးကောက်ပွဲတွင်လည်း အမတ်နေရာ ၄၅ နေရာအနက် ၄၂ နေရာအထိ အနိုင်ရရှိခဲ့သည်။ ယခုအခါမှာတော့ ဒေါ်အောင်ဆန်းစုကြည် ဦးဆောင်သည့် NLD ပါတီသည် လွှတ်တော်အတွင်း အဓိက အတိုက်အခံ ပါတီတစ်ခုအဖြစ် မြန်မာ့နိုင်ငံရေးတွင် ပါဝင်ဆောင်ရွက်နေပြီ ဖြစ်သော်လည်း ပါတီ၏ အဓိက ရည်ရွယ်ချက်ဖြစ်သည့် အကြမ်းမဖက်သည့်နည်းနှင့် ဒီမိုကရေစီနိုင်ငံသစ် ထူထောင်ရန် မျှော်မှန်းချက် အကောင်အထည် ပေါ်လာရန်အတွက်မူ ရုန်းကန်နေရဆဲ ဖြစ်သည်။
ပြည်သူတို့၏ တစ်ခဲနက် အားပေးမှုနှင့် လွှတ်တော်တွင်းသို့ ရောက်ရှိလာခဲ့သော ဒေါ်အောင်ဆန်းစုကြည်၏ NLD ပါတီသည် အဓိက အတိုက်အခံအဖြစ် တည်ရှိနေသော်လည်း အရေးပါသော နိုင်ငံရေး လှုပ်ရှားမှုများမှာတော့ အားကောင်းစွာ ဆောင်ရွက်နိုင်ခြင်း မရှိသေးပေ။ ဒေါ်အောင်ဆန်းစုကြည်က မြန်မာနိုင်ငံတွင် အကောင်းဆုံး ပါတီဖြစ်သည်ဟု တုံ့ပြန်ပြောဆိုခဲ့သည့် NLD ပါတီသည် ပါတီထူထောင်သည့် သက်တမ်းနှစ်ပေါင်း (၂၅)နှစ် ပြည့်တော့မည် ဖြစ်သော်လည်း ယခုချိန်ထိ ပါတီ၏ ရည်မှန်းချက်ဖြစ်သည့် ဒီမိုကရေစီနိုင်ငံ ထူထောင်ရေးဆိုသည့် မျှော်မှန်းချက်မှာ အလှမ်းဝေးနေဆဲ ဖြစ်သည်။
ထို့ပြင် NLD ပါတီသည် ဒေါ်အောင်ဆန်းစုကြည် အပေါ်တွင်သာ ပုဂ္ဂိုလ်ရေး အဓိက အားထားနေပြီး အားကောင်းသော ပါတီဖွဲ့စည်းပုံ မရှိခြင်း၊ ပါတီဝင်များ၏ အရည်အချင်းပိုင်းဆိုင်ရာ လိုအပ်ချက်များ ရှိနေခြင်းများကြောင့် ဝေဖန်မှုများကို ခံနေရပြီး ထိုသို့ဝေဖန် မှုများကြောင့် ဒေါ်အောင်ဆန်းစုကြည်က ယခုလို ပြန်လည်တုံ့ပြန်ခဲ့ခြင်း ဖြစ်သည်။
NLD ပါတီအပေါ် ဝေဖန်မှုများအပေါ် ပြန်လည်တုံ့ပြန် ခဲ့သည့်အပြင် ဒေါ်အောင်ဆန်းစုကြည်သည် လက်ရှိအခြေခံ ဥပဒေနှင့် ပတ်သက်၍လည်း ဒီမိုကရေစီ စံနှုန်းများနှင့် ကိုက်ညီခြင်း မရှိသည့်အတွက်ကြောင့် ပြန်လည်ပြုပြင် ရမည်ဖြစ်ကြောင်း သတင်းစာ ရှင်းလင်းပွဲတွင် ထည့်သွင်းပြောကြားခဲ့ပြီး အကယ်၍ အခြေခံဥပဒေသည် ၂၀၁၅ မတိုင်မီ ပြင်ဆင်နိုင်ခြင်း မရှိဘူး ဆိုပါက ပြဿနာများနှင့် ကြုံတွေ့ရမည် ဖြစ်ကြောင်းလည်း ဖြည့်စွက်ပြောဆိုခဲ့သည်။
သတင်းစာ ရှင်းလင်းပွဲတွင် ဒေါ်အောင်ဆန်းစုကြည်က မြန်မာနိုင်ငံ အနေဖြင့် စင်ကာပူနိုင်ငံကို အတုယူရန် လိုအပ်သော်လည်း စင်ကာပူနိုင်ငံ ပုံစံမျိုး ပုံတူကူးချရန် မလိုအပ်ကြောင်း စသည့် မြန်မာနိုင်ငံ၏ ဖွံ့ဖြိုးတိုးတက်မှုများနှင့် ပတ်သက်၍ ပြောကြားခဲ့ပြီး စင်ကာပူ နိုင်ငံသည်လည်း မြန်မာနိုင်ငံထံမှ သင်ယူနိုင်ကြောင်း ပြောဆိုခဲ့သည်။
Eleven Media Group
No comments:
Post a Comment