မြောက်ကိုရီးယားနိုင်ငံသည် တာဝေးပစ်ဒုံးကျည် ပထမအဆင့်ကို
လွှတ်တင်စင်ပေါ်သို့ ရွှေ့လာသည်ဟု ယူဆရပြီး လာမည့်အပတ်တွင်
လွှတ်တင်ဖွယ်ရှိကြောင်း အမေရိကန်ဝက်ဘ်ဆိုက်တစ်ခုက ရရှိထားသော ဓာတ်ပုံ
အထောက်အထားများဖြင့် သုံးသပ်ဖော်ပြခဲ့သည်။
38 North (38north.org)
ဝက်ဘ်ဆိုက်တွင် ဖော်ပြထားသော ဧပြီ ၄ ရက် ဂြိုဟ်တုဓာတ်ပုံတွင် အွန်ဟ-၃
ဒုံးကျည်ပထမအဆင့်ကို နိုင်ငံမြောက်ပိုင်း ဒုံးကျည်လွှတ်တင်စင်ရှိရာ
တောင်ချန်းရီအရပ်တွင် ထားရှိထားပြီဟု ယူဆဖွယ် အခြေအနေများ တွေ့ခဲ့ရသည်။
ဒုံးကျည်ထောက်စင်ဟု
ယူဆရသောအရာကို ဖုံးလွှမ်းကာကွယ်ထားမှုကို ယင်းဓာတ်ပုံတွင် မြင်တွေ့ခဲ့ရပြီး
အတွင်းပိုင်းတွင် ပြင်ဆင်မှုများပြုလုပ်နေသည်ဟု ယူဆရသည့် အခြေအနေတွင်
ရှိနေသည်။ ယင်းနေရာတစ်ဝိုက်တွင် လုံခြုံရေးများလည်း တင်းကျပ်ထားပြီး
ပစ္စည်းများ သယ်ယူရန်လမ်းကြောင်းတစ်ခုကိုသာ ဖွင့်ပေးထားကြောင်းကို
ပါတွေ့ခဲ့ရသည်။
အွန်ဟ-၃ ဒုံးကျည်၏ မည်သည့်အစိတ်အပိုင်းကို
လွှတ်တင်စင်တွင် တပ်နေပြီဟု အတိအကျ မပြောနိုင်သေးသော်လည်း ပထမအဆင့်ကို
တပ်နေခြင်းဖြစ်နိုင်သည်ဟု သုံးသပ်ထားခြင်းဖြစ်သည်။Ref: AFP
EMG |
No comments:
Post a Comment