စာရွက်မဲ့ကျောင်းများဖြင့် အနာဂတ်ကိုပြင်ဆင်ခြင်း(တင်ညွန့်)

စက္ကူမဲ့၊ စာရွက်မဲ့ကျောင်း (paperless school) တွေကို တည်ဆောက်ဖို့ ပထမဦးဆုံး ကွန်ပျူတာ network နဲ့ အင်တာနက်ကို ထူထောင်ရမယ်။ ဆရာတွေကိုယ်တိုင် စက္ကူနဲ့ စာရွက်တွေကို ဖြတ်တောက်နိုင်ရမယ်။ ကျောင်းသားတွေကို ကျောင်းခေါ်ကြိမ်ယူတာ အွန်လိုင်းကနေ ဆက်သွယ်မှုနဲ့ သတ်မှတ်မယ်။ အွန်လိုင်းကနေ ပြန်တင်တဲ့ ဖြေဆိုချက်တွေကိုပဲ အမှတ်ပေးမယ်။
ကျွန်တော်ယခုပြောနေတာ ပညာစိတ်ကူး (Edutopia) လို့ဆိုချင်ဆို၊ လက်တွေ့ အကောင်အထည်ဖော်မယ် ဆိုရင် မဖြစ်နိုင်စရာ အကြောင်းဘာမှ မရှိပါဘူး။ ပညာရေးမှာ စာရွက်မဲ့ကျောင်းတွေကို စိတ်ကူးသူတွေက စိတ်ကူး၊ အကောင်အထည်ဖော်သူတွေ ဖော်နေကြ တယ်ဆိုတာ ပြောလိုရင်းပါ။
အမေရိကန်ပြည်ထောင်စု ကင်တာ့ကီ ကျေးလက်ဒေသလေးမှာရှိတဲ့ ကျောင်းလေးတစ်ကျောင်းမှာ “အိမ်စာတွေ ညီမလေး ဆွဲဖြဲလိုက်လို့” “ရေစိုသွားလို့” ဆိုတဲ့ ဆင်ခြေတွေမရှိပါဘူး။ ဆရာ စာသင်နေချိန်မှာလည်း ခဲတံချွန်နေရလို့ နောက်ကျသွားတယ်ဆိုတာလည်းမရှိဘူး။ ဒီကျောင်းအမည်က “Eminence” အလယ်တန်းကျောင်းလို့ခေါ်တယ်။
ကျောင်းကို စာရွက်မဲ့ကျောင်းတစ် ကျောင်းဖြစ်အောင် အကောင်အထည်ဖော်ပေးနေသူက ဆရာမ စတက်ဖနီ ဆော်ရဲလ် တဲ့။
သူကိုင်နေတဲ့ ၇ တန်းနဲ့ ၈ တန်းအဆင့် မှာ စာရွက်မဲ့အတန်းအဖြစ် စတင်အကောင် အထည်ဖော်ပေးနေတယ်။ လက်ရှိတော့ တစ်နိုင်တစ်ပိုင် အတန်း အနေနဲ့ပဲ လုပ်နိုင်သေးတယ်။ မကြာမီတစ်ကျောင်းလုံးကို စာရွက်မဲ့ကျောင်းအဖြစ် အကောင်အထည် ဖော်မယ် လို့ အားမာန်အပြည့်နဲ့ လှုပ်ရှားနေတယ်။
ဆော်ရဲလ်အတန်းက ကျောင်းသားတွေကိုကြည့်လိုက်ရင် ပူးလေးတွေလိုပဲ။ အတန်းထဲမှာ နည်းပညာကို အတတ်နိုင်ဆုံး ရရှိအောင် ကြံဆောင်ပေးထားတယ်။ အနည်းဆုံး PDA (Personal Digital Assistant) လို့ခေါ်တဲ့ ကွန်ပျူတာတွေကို တစ်ယောက်တစ်လုံးကိုင်ထားကြရတယ်။
PDA တွေက ဒီနေ့ခေတ်ပေါ် Tablet PC တွေလောက် အဆင့်မမြင့်ပေမယ့် အွန်လိုင်းသုံးလို့ရတယ်။ အင်တာနက်၊ အီးမေးလ် သုံးနိုင်တယ်။ ဆရာမဆီကို အိမ်စာတွေ PDA ကတစ်ဆင့်ပို့အောင် သတ်မှတ်ထားတယ်။ ဆရာမကလည်း သူ့အိမ် ကွန်ပျူတာထဲမှာ မေးခွန်းတွေကိုရိုက်ပြီး ကျောင်းသားတွေဆီကို အီးမေးလ်နဲ့ ပို့တယ်။

ရွှေ့ပြောင်းကျောင်းသားများ အားထားစရာ
ကင်တာ့ကီပြည်နယ်က ဟင်နရီ ကောင်တီဆိုတဲ့ ဒေသဟာ လယ်ယာစိုက်ပျိုးရေးလုပ်ငန်းနဲ့ အသက်မွေး နေဆဲဖြစ်တယ်။ လယ်သမားတွေဟာ လယ်ယာစိုက်ပျိုးရေး လုပ်ငန်းတွေကို ရွှေ့ပြောင်းလုပ်သားတွေ အားကိုးပြီး လုပ်ကိုင်နေကြရတယ်။ အဲဒီ ရွှေ့ပြောင်းလုပ်သားတွေရဲ့ သားသမီးအများစုဟာ ဆော်ရဲလ်ရဲ့ ကျောင်းသားတွေပါ။ သူတို့ဟာ စပိန်စကားပြောသူတွေဖြစ်ပြီး အင်္ဂလိပ်စကားပြောတဲ့ ကျောင်းသားတွေနဲ့ ရောပြီး စာသင်နေကြသူတွေဖြစ်တယ်။
အဲဒီရွှေ့ပြောင်း ကျောင်းသားတွေ အတွက် ဆော်ရဲလ်ဟာ ပရောဂျက်တစ်ခု လုပ်ရတယ်။ ပရောဂျက်အမည်ကို “ကင်တာ့ကီ ရွှေ့ပြောင်းနည်းပညာပရောဂျက်” လို့အမည်ပေးထားတယ်။ OVEC (Ohio Valley Educational Cooperative) ရဲ့လက်အောက်မှာ လုပ်ရတယ်။ OVEC က ဆော်ရဲလ်ကို လက်ကိုင် PDA အလုံး ၃၀ ထုတ်ပေးတယ်။ စပိန်ဘာသာစကားနဲ့ ရေးသားထားတဲ့ သင်ခန်းစာတွေကိုလည်း အဲဒီ PDA တွေထဲမှာ ထည့်ပေးထားတယ်။ စပိန်ရွှေ့ပြောင်းကျောင်းသားတွေအတွက် အများကြီး အထောက်အကူဖြစ်စေနိုင်တယ်။
ဆော်ရဲလ်က “အဲဒီ PDA တွေဟာ ကျွန်မကျောင်းသားတွေကို အတော်လေး အထောက်အကူပြုတယ်” လို့ပြောတယ်။ PDA တွေနဲ့ ပြက္ခဒိန်ကြည့်တယ်၊ သင်္ချာတွက်တယ်။ ထည့်သွင်းထားတဲ့စာတွေကို ဖတ်ပြီး လေ့ကျင့်ကြတယ်။

ပညာရေး ငွေကုန်သက်သာ
ဆော်ရဲလ်တွက်ပြတာက “ကျောင်းသားတစ်ယောက်ကို တစ်ရက် စာရွက်နှစ် ရွက်ပဲသုံး၊ တစ်ပတ်ဆိုရင် ကျောင်းမှာ စာရွက် ၉၀၀ လောက်ကုန်မယ်။ ကျောင်းသင်ခန်းစာတွေကို အရင်က မိတ္တူကူးပေးရတယ်။ မေးခွန်းတွေကို မိတ္တူကူးရင်လည်း စာရွက်ကုန်၊ အချိန်ကုန်၊ ငွေကုန်သေးတယ်။ PDA တွေသုံးလိုက်လို့ ဘယ်လောက်အကုန် အကျတွေ သက်သာသွားသလဲ” လို့ပြောတယ်။
လက်ရှိ ကျောင်းမှာသုံးနေတဲ့ PDA တွေနဲ့ အင်တာနက်သုံးနိုင်တယ်။ အင်တာနက်ကနေ ကျောင်းစာတွေ၊ စာအုပ်တွေ download ချယူတယ်။ Internet Public Library (http://www.ipl.org) ကနေ “ရိုမီယိုနဲ့ ဂျူးလီးယက်” လိုစာအုပ်တွေ သွားဖတ်ကြတယ်။ စာအုပ်တွေကို အွန်လိုင်းကငှားဖတ်တယ်။ စာရွက် တွေတစ်ရွက်မှ မလိုဘူး။
မနှစ်ကစပြီး ၇ တန်းကျောင်းသားတွေ ကို PDA တွေယူလာခိုင်းတယ်။ မိုက်ခရိုဆော့ဖ်ကလည်း သူ့ကျောင်းကို PDA အလုံး ၆၀ လှူထားသေးတယ်။
လက်ရှိ အောင်မြင်နေတယ်ဆိုပေမယ့် ဆော်ရဲလ်အနေနဲ့ အနာဂတ်အတွက် ပူပန်နေတယ်။ သူ့ ကျောင်းသားတွေ ၉ တန်း ရောက်သွားရင်ဆိုတဲ့သောက ရှိနေတယ်။ ၉ တန်းရောက်မှ စာရွက်တွေ၊ ခဲတံတွေ ပြန်ကိုင်နေကြရင်ဆိုတဲ့သောက ရှိနေပါတယ်။ “ကျောင်းသားတွေက ကျွန်မဆီလာပြီး ၉ တန်းရောက်ရင် PDA တွေ ပြန်ပေးသွားရမလား” ဆိုတဲ့စကားကို သူရင်နာနေတယ်။
တကယ်တော့ PDA တွေက ကျောင်းပိုင်၊ ဒေသပိုင်လို့ ပြောရမယ်။ လက်ရှိ ၇ တန်းနဲ့ ၈ တန်း ကျောင်းသားတွေကို တစ်ယောက်တစ်လုံးပေးထားတယ်။ ကျောင်းဆင်းရင် အိမ်ကိုယူသွားနိုင်တယ်။ လွတ် မကျအောင်၊ မပျက်စီးအောင် တာဝန်ယူရတယ်။ တစ်လုံးကို ဒေါ်လာ ၂၀၀ လောက် တန်တယ်ဆိုပေမယ့် မရှိတဲ့သူတွေအတွက် အရမ်းများတဲ့ အရင်းအနှီးလို့ပြောရမယ်။
“ကျွန်မက ၅ တန်းနဲ့ ၆ တန်းအထိ PDA တွေကို ပေးကိုင်ချင်တယ်။ ဒါပေမယ့် ကျွန်မတို့မှာ အလုံ အလောက်မရှိဘူး။ ငွေလည်းမရှိဘူး။ ကလေးတွေကြောင့် ပျက်သွားရင်လည်း နောက်တစ်လုံး အစဉ်းစားရဲဘူး။ ခုတောင် ပျက်တာတွေ ပြန်ပြင်သုံးနေရတယ်” လို့ ဆော်ရဲလ်ကပြောတယ်။

စက္ကူတွေမကုန်တော့
ပင်ဆယ်ဗေးနီးယား၊ Hatboro Horshman အထက်တန်းကျောင်းက ကွန်ပျူတာသိပ္ပံဌာနမှူး အက်ဒ် ရှာရက်တာကလည်း စာရွက်မဲ့ကျောင်းတစ်ကျောင်းဖြစ်ရေးကို ကြိုးစားနေပါတယ်။ “အင်တာနက်မှာ လိုချင်တာတွေ ရှာနိုင်တဲ့ခေတ်မှာ စာရွက်တွေ မလိုပါဘူးဗျာ” လို့သူက ပြောတယ်။ “ကျွန်တော်တို့ အခုကတည်းက လုပ်ရမယ်။ ဒီသဘောတရားတွေ လူတိုင်းသိအောင်လုပ်ရမယ်။ အချိန်ကုန်၊ ငွေကုန် အရမ်းနည်းပြီး အကျိုးရှိတယ်ဆိုတာ သိအောင်လုပ်ရမယ်” လို့ သူကဆိုတယ်။
ကျောင်းအာဏာပိုင်တွေကလည်း ကျောင်းမှာရှိတဲ့ စာသင်ခန်း ၂၀ အတွက် တစ်ပတ် စာရွက် ၅၀၀ ပဲသုံးဖို့ စတင်သတ် မှတ်ထားတယ်။
စာရွက်မဲ့စာသင်ခန်းဖြစ်ရေးကို ကျောင်းမှာ သစ်ပင်စိုက်ပွဲကျင်းပတဲ့နေ့ကစပြီး စိတ်ကူးရကြတယ်။ စာရွက်တွေ မသုံးရင် သစ်ပင်တွေလည်း မဆုံးရှုံးတော့ဘူးဆိုတဲ့ သဘောတရားကို ပြောသာပြောပြီး လက်တွေ့ ကျင့်သုံး တာရှားတယ်။ ဒါကြောင့် ကျောင်းအနေနဲ့ စာရွက်မဲ့ကျောင်းကို စတင်ကြည့်ဖို့ စိတ်ကူးအကောင်အထည် ဖော် ကြည့်ကြတာပါ။
ရှာရက်တာက “စာရွက်မဲ့လှုပ်ရှားမှုဟာ ဒစ်ဂျစ်တယ်ခေတ်ကို တွန်းပို့ရာလည်းရောက်တယ်။ ခုဆိုရင် ကျောင်းမှာ ဆရာတွေ ကျောင်းသားတွေ အိမ်စာတွေကို ကျောင်းက အင်တာနက်သုံးပြီး လုပ်ရမှန်း သိလာကြတယ်။ ဆရာတွေကလည်း အစီရင်ခံစာတွေကို အီးမေးလ်နဲ့ ပို့လာကြတယ်။ ကျောင်းသတင်း ဆိုပြီးတော့တောင် အင်တာနက်ကနေ လှုပ်ရှားလာတာမျိုးတွေရှိနေပြီ” လို့ ပြောပါတယ်။
မကြာမီ အနာဂတ်ပညာရေးဟာ ကျောင်းကို ကျောင်းသားလာမှဆိုတဲ့ အယူအဆပျောက်ကွယ်သွားမယ်။ အွန်လိုင်းကနေ ကျောင်းခေါ်ကြိမ်သတ်မှတ်မယ်။ အွန်လိုင်းမှာ တစ်နေ့ ဘယ်နှစ်နာရီဝင်ပြီး အလုပ်လုပ် တယ်ဆိုတာနဲ့ သတ်မှတ်မယ်။ အွန်လိုင်းမှာ ဘယ်လောက် ရှာဖွေနိုင်တယ်ဆိုတာနဲ့ အရည်အချင်းကို သတ်မှတ်တဲ့ခေတ် ရောက်လာလိမ့်မယ်။
 
ရှေ့ဆက်မှသာ အောင်မြင်မှာ
ရှာရက်တာက “ကျောင်းရဲ့ ဦးတည်ချက်က စာရွက်မဲ့ကျောင်းဆိုတာ နည်းပညာကို ကျောင်းတွေမှာ ရောက်လာဖို့လုပ်တာလို့ ပြောရင်လည်းရတယ်။ ပြောင်းလဲမှုတစ်ခုကို မဖြစ်နိုင်ပါဘူးပြောပြီး ရပ်ကြည့်နေမယ့် အစား ဖြစ်နိုင်တဲ့နေရာကနေ စလုပ်ကြည့်မယ်။ လူတွေစိတ်ထဲမှာ အရိုးစွဲနေတယ်ဆိုတာ မချွတ်လို့ မရတာတော့ မဟုတ်ဘူးဗျ။ မဖြစ်မနေ လုပ်ကိုလုပ်ရတော့မယ်ဆိုရင် လိုက်လုပ်ကြပါတယ်” လို့ပြောတယ်။
သူ့ကျောင်းမှ ကျောင်းသားပေါင်း ၁၄၀၀ ရှိတယ်။ လက်ရှိကျောင်းမှာ ကျောင်းသား ၃ ယောက်၊ ကွန်ပျူတာ တစ်လုံးနှုန်းပဲ ဖန်တီးပေးနိုင်သေးတယ်။ သူတို့ပြည်နယ်မှာ လက်ပ်တော့ကွန်ပျူတာတွေကို ရှေ့ပြေးစီမံချက်နဲ့ ပညာရေးမှာအသုံးပြုနိုင်ရေး ဆောင်ရွက်နေတာရှိတယ်။ ဒီစီမံချက်က ကျောင်းတွေမှာ နည်းပညာ ရောက်ရှိရေး လည်းပါ တယ်။
ရှာရက်တာက လက်ရှိ နည်းပညာက အကန့်အသတ်နဲ့ဖြစ်နေကြောင်း၊ အကန့်အသတ်နဲ့ သုံးနေရလို့လည်း လက်တွေ့မှာ မဖြစ်နိုင်ဘူးထင်ရကြောင်း၊ ဒါပေမယ့် တကယ်လက်တွေ့လုပ်ကြည့်ရင်းနဲ့ ထောက်ပံ့ ကူညီမှု တွေရလာကြောင်း ပြောပါတယ်။ ခုဆိုရင် သူ့ကျောင်းကို ဒေသအစိုးရက ဒေါ်လာ ၄ သန်းအထောက်အပံ့ပေးဖို့ သဘောတူထားတယ်။ နောက်နှစ်ကစပြီး ၂ နှစ်အတွင်းရမယ်လို့ ပြောထားတယ်။
 
အွန်လိုင်းစာမေးပွဲ
တင်နက်ဆီပြည်နယ်၊ အုတ်ရေ့ဂ်ျ အရပ်မှာရှိတဲ့ Robertsville အလယ်တန်း ကျောင်းမှာကတော့ ၈ တန်းပြ ရူပဗေဒ ဆရာ ရော့ဒ်နေး ကင်းက Examview ဆိုတဲ့ ဆော့ဖ်ဝဲကိုရေးထားပါတယ်။ စာမေးပွဲစစ်ဆေးတဲ့ ဆော့ဖ်ဝဲပါ။ ကျောင်းမှာ အရပ်ကလှူထားတဲ့ ကွန်ပျူတာ ၁၄ လုံးရှိတယ်။ အဲဒီ ကွန်ပျူတာတွေထဲမှာ ဆော့ဖ်ဝဲကို ထည့်ထားပြီး ၈ တန်းကကျောင်းသားတွေကို ကွန်ပျူတာနဲ့ စာမေးပွဲဖြေခိုင်းပါတယ်။ အဲဒီ ကွန်ပျူတာတွေအားလုံး network ချိတ်ထားတယ်။ ကွန်ပျူတာနဲ့ဖြေ၊ ကွန်ပျူတာနဲ့ အမှတ်ပေးပြီး ဆုံးဖြတ်တယ်။ မိဘတွေဆီကို လည်း အွန်လိုင်းကနေ သားသမီးတွေရဲ့ ရမှတ်နဲ့ မှတ်ချက်တွေကိုပေးပို့တယ်။ မိဘတွေကို သူပို့တဲ့စာမှာ “ကလစ်တစ်ချက်လောက် နှိပ်ကြည့်စမ်းပါ” လို့ ညွှန်းထားတတ်တယ်။
ကျောင်းသားတွေကို အိမ်စာပေးရင် Website တစ်ခုခုကို ညွှန်းပြီး အဲဒီ site ကို လေ့လာစေပြီးမှ ပုံတူကူးပြီး ကိုယ့်စိတ်ကူး တွကိုထည့်ခိုင်းတတ်တယ်။ အိမ်စာကို စာရွက်နဲ့တင်တာ လက်မခံဘူး။ အွန်လိုင်းက ပေးတဲ့အိမ်စာကိုလက်ခံ၊ အွန်လိုင်းကပဲ ပြန်တင်ရတယ်။
“ကျောင်းမှာ စာရွက်တွေ မသုံးရတော့ သက်သာသွားတာပေါ့။ ပထမ ၉ လအတွင်း ကျောင်းတစ်ကျောင်း လုံးသုံးတဲ့ စာရွက် အရေအတွက် ၅၀၀ ပဲရှိတော့တယ်” လို့ ဝမ်းသာအားရပြောပါတယ်။
ကျွန်တော် အခုပြောသွားတဲ့ ကျောင်းလေးတွေဟာ သူတို့နိုင်ငံမှာဆိုရင် ကျေးလက်အဆင့်တွေပဲရှိပါတယ်။ နည်းပညာနဲ့ ပညာရေးကို ပြုပြင်ပြောင်းလဲမှဖြစ်တော့မယ်ဆိုတာ သူတို့မြင်ကြတယ်။ ရသလောက်၊ နိုင်သလောက် တစ်နိုင် တစ်ပိုင်က စကြတယ်။ မရှိတာကို လက်မှိုင်ချပြီး ထိုင်မနေကြဘူး။ မဖြစ်နိုင်ဘူးဆိုတာ ထက် လုပ်ကြည့်ပြီးပြီလားဆိုတာကို ပြန်ဖြေကြည့်ပါဆိုတဲ့ စကားကိုကြားဖူးပါတယ်။ မရှိလို့ မလုပ်၊ မသိလို့ မလုပ်၊ မလုပ်လို့ မရှိ၊ မလုပ်လို့ မသိနဲ့ ပတ်ချာလည်ပြီး ဘာမှဖြစ်လာမှာ မဟုတ်ပါဘူး။
ကျွန်တော်တို့ တစ်ခုခုလေးနဲ့ စလုပ် ကြည့်ဖို့လိုမယ်ထင်ပါတယ်။
တင်ညွန့်
Ref : http://www.paperlessclassroom.org/
MAUKKHA