ရင်သားကင်ဆာဆဲလ်များအား နှိပ်နယ်ပေးခြင်းကပုံမှန်ဆဲလ်ပြန်ပြောင်းနိုင်

ကယ်လီဖိုးနီးယားတက္ကသိုလ်မှ လေ့လာသူများ၏အဆိုအရ ရင်သား ကင်ဆာဖြစ်နေသောအမျိုးသမီးများ တွင် ယင်းကင်ဆာဆဲလ်များအား နှိပ် နယ်ပေးခြင်း၊ညှစ်ပေးခြင်းဖြင့်ပုံမှန်ဆဲလ်များအဖြစ်သို့ ပြန်လည်ရောက်ရှိ နိုင် ကြာင်း သိရသည်။ ယင်းတွေ့ရှိ ချက်အား ဒီဇင်ဘာ ၁၇ ရက်၌ ဆန်ဖရန်စစ္စကို တွင်ကျင်းပခဲ့သောအမေရိကန် ဆဲလ်သုတေသနအဖွဲ့ အစည်းနှစ်ပတ် လည်၌ တင်ပြခဲ့ခြင်းဖြစ်သည်။ ယင်း တွေ့ရှိချက်မှာ ကင်ဆာဆဲလ်များအား ပြင်ပမှ ဖိနှိပ်ပေးခြင်းတစ်မျိုးထဲဖြင့် ကင်ဆာဆဲလ်ပွားခြင်းအားရပ်တန့်ပေး နိုင်ပြီး ပုံမှန်ဆဲလ် အဖြစ်ပြန်ရောက်နိုင် ကြောင်းတွေ့ရှိခဲ့သည့်ပထမဆုံးတွေ့ရှိ ချက်ဖြစ်သည်။ ဤကဲ့သို့နှိပ်နယ် ပေးခြင်းက မျိုးရိုးဗီဇကြောင့် ကင်ဆာ ဖြစ်သောသူများ၌ပင် သက်ရောက်မှုရှိ ကြောင်း တွေ့ရသည်။ အမျိုးသမီးများ သည် ဘဝတစ်လျှောက်လုံး တွင် သူတို့ ၏မျိုးပွားနိုင်သည့်အရွယ်ကိုလိုက်၍ ရင်သားဆဲလ်များကြီးထွားလာခြင်း၊ ကျုံ့သွားခြင်းတို့ ဖြစ်ပွားသည်။ ထို့ပြင် အမျိုးသမီးများ၌ နို့တိုက်ကျွေးချိန်တွင် နို့ထုတ်ပေးသောဆဲလ်များ ကြီးထွား လာကြပြီး ရပ်သင့်သည့်အချိန်(ဥပမာ နို့မတိုက်တော့သည့်အခါ)တွင် ယင်း ဆဲလ်များကြီးထွားခြင်းရပ်သွားရပေ မည်။ ရင်သားကင်ဆာ၌ အဓိကတွေ့ ရသောလက္ခဏာမှာ ယင်းသဘာဝ ဖြစ်စဉ်ပျက်စီးသွားပြီး ကင်ဆာဆဲလ် များက ရပ်သင့်သည့်အချိန်တွင် မရပ် ဘဲ ဆက်လက်ကြီးထွားနေခြင်းဖြစ် သည်။ ယခင်က ကင်ဆာဖြစ်ပွားမှုမှာ ဆဲလ်အတွင်းရှိ ဗီဇများ ပြောင်းလဲ သွားမှုကြောင့်ဟု လက်ခံထားသော် လည်း ဘာကလေဓာတ်ခွဲခန်းမှ မီနာ ဘစ်ဆဲလ်က ပထမဆုံးအနေဖြင့် ကင် ဆာဆဲလ်များသည် အမြဲတမ်းကင် ဆာကျိတ်အဖြစ်သို့ ပြောင်းလဲသွား ခြင်းမဟုတ်ဘဲ ယင်းဆဲလ်များ၏ ပတ် ဝန်းကျင်အား ပြုပြင်ပေးခြင်းဖြင့် နဂိုဆဲလ်များ အဖြစ်သို့ ပြောင်းလဲ သွားနိုင်ကြောင်း ဓာတ်ခွဲခန်း၌ ဖန်တီးထားသောကင်ဆာဆဲလ်များ တွင်သက်သေ ပြခဲ့သည်။ ယင်းလေ့လာမှု၌ ပညာရှင် များကဗီဇပြောင်းလဲနေသော ကင်ဆာ ဆဲလ်အားဆီလီကွန်ထဲတွင် ထည့်သွင်း မွေးမြူထားခဲ့သည်။ ထို့နောက်ကင်ဆာဆဲလ်များအဖြစ်ပြောင်းလဲ မှုအဆင့် (၁)တွင် ပြင်ပမှ နှိပ်နယ်ဖိအားပေးပြီး ရလဒ်ကို စောင့်ကြည့်ခဲ့ရာ ယင်းကဲ့သို့ နှိပ်သည့်အချိန်အတော်ကြာသည့်အခါ ကင်ဆာဆဲလ်များ သည်မူလပုံစံဖွံ့ဖြိုးမှု သို့ ပြန်ရောက်ကြောင်းတွေ့ရသည်။ ထို့ ပြင်တွေ့ရှိချက်များအရ စောစီးစွာ နှိပ်နယ်ပေးမှုက မူလပုံစံသို့ပြန်ရောက် ရာတွင် ပို၍ အကူအညီရကြောင်း သိရသည်။ အကယ်၍ ရင်သားဆဲလ် များ ပုံမှန်တည်ဆောက်ပုံသို့ ရသွား ပါက နှိပ်နယ်ပေးမှုအား ရပ်လိုက်လျှင် လည်း ကင်ဆာကဲ့သို့ ဆက်လက်ကြီး ထွားခြင်းမဖြစ်တော့ကြောင်း တွေ့ရ သည်။ နှိပ်နယ်ပေးမှုက ကင်ဆာဆဲလ် များအား ပြန်ကောင်းစေသည် ဆို သော်လည်း အဆမတန်ကျပ်သော ဘရာစီယာများ ဝတ်ခြင်းကနှိပ်နယ် ၍ ကုသခြင်းကဲ့သို့ အကျုံးမဝင် ကြောင်း သုတေသနပညာရှင်များက သတိပေး ခဲ့သည်။

မိုင်ကိ
Ref:MNT
Vol-2,No-2

Health Updates Journal