ကျွန်တော်တို့
အိမ်၏ နောက်ဖေးဘက် လမ်းမဆီမှ သံဝေဂ လင်္ကာများကို ရွတ်ဆိုသွားသံ ကြားတိုင်း
ကျွန်တော့် စိတ်ထဲမှ “သွားပြန်ပြီ တစ်ယောက်” ဟု မြည်တမ်းမိ တတ်ပါသည်။
လက်ရှိ ကျွန်တော် နေသော ရပ်ကွက်
ကလေးသည် ရေဝေးသုသာန်နှင့် အတန်ငယ် နီးသဖြင့် နေ့စဉ်နှင့်အမျှ ဆိုသလို
ထိုအသံတွေကို ကြားနေရလေ့ရှိပါသည်။ လမ်းမကြီးပေါ်တွင် အသုဘ ယာဉ်များ၊
သေဆုံးသွားသည့် လူများကို သယ်ယူ၍ ရေဝေးအအေးခန်းသို့ ပို့ဆောင် ပေးနေသော
ပတ်ဝန်းကျင် ထိန်းသိမ်းရေး ယာဉ်များ၊ အသုဘ ချလာစဉ် လိုက်လံပို့ဆောင်
ပေးလေ့ရှိသည့် ယာဉ်တန်းများကို တစ်နေ့မပြတ် တွေ့မြင်ရတတ်လေ့ ရှိပါသည်။
တစ်ခါတစ်ခါတွင်
ပျင်းပျင်း ရှိသဖြင့် လမ်းထိပ်ထွက်၍ လက်ဖက်ရည်ဆိုင် ထိုင်နေလျှင်သော်
လည်းကောင်း၊ တစ်ခါတစ်ခါ သွားသွားလာလာဖြင့် ထိုလမ်းကို ဖြတ်မိလျှင်
သော်လည်းကောင်း၊ အသက်အရွယ် အမျိုးမျိုး၊ ဆင်းရဲချမ်းသာ မကွဲပြား၊ ကျားမ
မရွေးသေ ဆုံးနေကြသည်ကို စိတ်မချမ်း မြေ့ဖွယ် တွေ့မြင်နေရတတ် ပါသည်။
ထုိ့ကြောင့် ကျွန်တော့်အတွက် ထိုကိစ္စသည် အတော့်ကို ယဉ်ပါးနေကျ ကိစ္စဟု
ထင်မြင်မိပါသည်။
ထို့နည်းတူ ဒီရပ်ကွက် ကလေးတွင် နေထိုင်ကြကုန်သော
ရပ်ကွက်သူ ရပ်ကွက် သားအားလုံး အတွက်လည်း ယဉ်ပါးနေသော ကိစ္စသာ ဖြစ်ခဲ့ပါသည်။
မည်သူမဆို ဒီရပ်ကွက်သား မှန်လျှင် မော် တော်ကားမှန်များတွင် တပ်ဆင်ထားလေ့
ရှိသော ဦးဘယ် သူ ဒေါ်ဘယ်ဝါ အသက် ဘယ်လောက် “ကောင်းမှု” ဆိုသည့် စာတန်းများကို
ရင်တွင်းမှ ခံစားချက် မပါဘဲ လိုက်လံဖတ်ရှု နေတတ်ခဲ့ပြီ ဖြစ်ပါသည်။
သို့သော် တစ်ခါတစ်ရံ တွင်တော့ အသက်အရွယ် ငယ်ရွယ်လွန်းသေးသူများ၊
ကျိုးကျိုးကျဲကျဲနှင့် မဖြစ်ညစ် ကျယ် အသုဘများကို တွေ့ လျှင်တော့
စိတ်မကောင်း ဖြစ်မိတတ်ပါသည်။ ထို့ပြင် နာရေးနှင့် ပတ်သက်သော
မည်သည့်မြင်ကွင်းကိုမဆို တွေ့မြင်လိုက်ရသည်နှင့် တစ်ပြိုင်နက်
ကျွန်တော့်ရင်တွေ ဆတ်ဆတ်ခါမျှ လှုပ်ရှား သွားတတ်ပါသည်။ စိတ် မျက်စိတွင်
ဘယ်လိုမှ မေ့ ပျောက်နိုင်မည်မဟုတ်သော ပုံရိပ်အချို့က လွန့်လွန့်လူးလူး
ရုန်းကြွ လာတတ်သည်။
ထိုသို့ သတိတရဖြစ် လာစေသည့် အဓိက ဇာတ်ဆောင်မှာ
ကျွန်တော်၏ အဘိုးသာ ဖြစ်ပါသည်။ အမည် ရင်းမှာ ဦးဘိုးသီး ဖြစ်ပြီး
အများစုကတော့ “ဘကြီးဘိုး သီး”ဟု ခေါ်လေ့ ရှိကြသည်။ ကျွန်တော် မှတ်မိသည့်
အရွယ်မှာပင် အဘိုး၏ အသက်မှာ ခုနစ်ဆယ်ကျော်ကျော် ရှိနေခဲ့ ပြီ ဖြစ်ပါသည်။
လူပုံစံမှာ တုတ်တုတ် ခိုင်ခိုင် တောင့်တောင့်တင်း တင်းဖြစ်ပြီး၊
ခေါင်းကိုပြောင် နေအောင် အမြဲတမ်း ရိတ် ထားလေ့ ရှိသည်။ အသား ညိုညို၊
ဗိုက်ပူပူဆိုတော့ အဘိုး၏ ပုံပန်းသဏ္ဌာန်မှာ မြင် သူတိုင်းအတွက် လွဲမှားစရာ
မရှိအောင် ထူးခြားနေလေ့ ရှိသည်။ ပို၍ ထူးခြားသည်က အဘိုးသည် ဘယ်အရပ်ကို
သွားသွား အပေါ်အင်္ကျီပါလေ့ မရှိ။ ဆောင်းရာသီမှ လွဲလျှင် အဘိုးကို အမြဲတမ်း
နီးပါး ကိုယ်တုံးလုံးနှင့် တွေ့ရလေ့ ရှိသည်။ ဒါကိုက ကျွန်တော့် အဘိုး၏
အမှတ်အသား တစ်ခုပင် ဖြစ်ပါသည်။
သေချာသည်က ကျွန်တော့် အဘိုးတွင်
ထူးခြားသည့် ၀ါသနာတစ်ခု ရှိခဲ့သည်။ ဒါမှမဟုတ် ပရဟိတ စိတ် ဓာတ်ရှိသူဟုလည်း
ဆိုနိုင်ပါ သည်။ ထိုစိတ်ဓာတ် ထိုဝါသနာနှင့် ပတ်သက်၍ ပတ်ဝန်းကျင်က
ဝိုင်းဝန်း၍ အသိအမှတ်ပြု ထောမနာပေး ထားသော ဘွဲ့ထူး တစ်ခုရှိခဲ့ သည်။ “မသာ
ကိုယ်စား လှယ်ကြီး” တဲ့။ အဘိုးသည် ထိုအမည် နာမနှင့် လိုက်အောင် မသာကိစ္စ
အသုဘကိစ္စများ တွင် အတော် ၀ါသနာကြီး ခဲ့သူ တစ်ဦး ဖြစ်ခဲ့ပါသည်။
အဘိုးတို့ခေတ်က ယခု ခေတ်လို မီးသင်္ဂြိုဟ်စက်တွေ၊ အအေးခန်းတွေ မပေါ်သေး။
ပတ်ဝန်းကျင် ထိန်းသိမ်းရေး တွေ မရှိသေး။ လူသေပြီဆို လျှင် မိမိတို့
အိမ်ရှေ့တွင် လေးတိုင်စင်နှင့် သုံးရက်တန်သည်၊ ငါးရက်တန်သည် စသဖြင့်
ထားပြီးမှ မြေချတတ်သည့် ခေတ်ဖြစ်သည်။
ကျွန်တော် မှတ်မိသလောက်
ထိုခေတ်က မသာကိစ္စမှာ အတော်အလုပ် ရှုပ်သောကိစ္စ ဖြစ်သည်။ လူ တစ်ဦး
သေပြီဆိုလျှင် အစဉ် အလာသဘော၊ ရိုးရာသဘော တွေပါရသည်။ မပါ၍မဖြစ်။
တစ်ယောက်ယောက်က ပထမဦးစွာ ဆရာဝန် တစ်ဦး၏ ထောက်ခံချက်ကို ယူကာ နီးစပ်ရာ
ဒေသန္တရ၊ ဆေးရုံ စသည်တို့သို့ သွားကာ သေစာရင်း တောင်းရသည်။ ပြီး လျှင်
သင်္ချိုင်းသို့ ပြေးကာ၊ ခေါင်းမှာ၊ ကျင်းအပ်၊ သင်္ဂြိုဟ်မည့် အချိန်ညှိ၊
ကားတတ်နိုင်သူက ကားငှား၊ ကားမတတ်နိုင်သူက ထမ်းချ ရန်စီစဉ်ရသည်။
ပထမ
တစ်ယောက်က ထိုကဲ့သို့ အချိန် ကုန်နေလျှင် အခြားသော တစ်ယောက်က အိမ်တွင်
ကျန်ရစ်ခဲ့ကာ မသာ ရှင်ကိုယ်စား သေသူကို ရေချိုးပေး။ ကြမ်းခုနစ်ချောင်း
သက်ကယ်ခုနစ်ပျစ်သဘော မျိုး ၀ါးဖြင့်ကပ်ရက်ရသည်။ ပြီးလျှင် မသာကို ခြေထိပ်
လက်ထိပ်ကြိုးချည်၊ အင်္ကျီ ပြောင်းပြန်ဝတ် စသဖြင့် အတော် အလုပ်ရှုပ်သည်။
သို့သော် ကျွန်တော်တို့ ရပ်ကွက်ထဲတွင် ထိုအလုပ် မျိုးကို အစမှ အဆုံးတိုင်
ကျွမ်းကျင်သူ တစ်ဦးသာ ရှိ သည်။ ထိုတစ်ဦးတည်း သော ပုဂ္ဂိုလ်မှာ ကျွန်တော်၏
အဘိုးပင် ဖြစ်ပါတော့သည်။ ကျွန်တော့် အဘိုးသည် ထိုကိစ်္စမျိုးနှင့်
ပတ်သက်လာလျှင် အမြဲတမ်း ထကြွ လုံ့လကြီးသူ တစ်ဦးဟုလည်း ဆိုနိုင်ပါသည်။
အဘိုးသည် ရပ်ကွက်ထဲတွင် လူတစ်ယောက် ယောက်သေပြီ ဟူသော သတင်းကို
ကြားလိုက်ပြီဆို သည်နှင့် တစ်ပြိုင်နက် ကျွန်တော်တို့ အိမ်ဦးခန်းရှိ
ကွမ်းအစ်ထဲမှ ကွမ်းသီးများကို တဖြောက်ဖြောက်ညှပ် ကာ ကွမ်းကို တစ်ယာပြီး
တစ်ယာဝါးရင်း တမျှော်မျှော် ဖြစ်နေတတ်သည်။
သိပ်မကြာမီမှာပင် လူ သေသည့်အိမ်မှ တစ်ယောက် ယောက်က မောကြီးပန်းကြီး အပြေးအလွှားနှင့် ရောက် လာကာ-
“ဘကြီးဘိုးသီး ကူညီ ပါဦး” ဟု ဆိုလိုက်သည်နှင့် အဘိုးက ပါးစောင်ထဲသို့
ကွမ်းတစ်ယာကို ထိုးထည့်ကာ ပုဆိုးဟောင်း တစ်ထည်ကို ပခုံးပေါ်တွင် တင်ပြီး
တက်တက်ကြွကြွ လိုက်ပါသွား တတ်သည်။
ထိုသို့သွားပြီဆိုလျှင်
အဘိုးတွင် ထုံးစံအတိုင်း အပေါ် အင်္ကျီပါလေ့ မရှိ။ ကျောဗလာနှင့် ထီးထီးမား
မားသွားလေ့ရှိသည်။ အဘွား ကတော့ အဘိုး၏ လုပ်ရပ်ကို လုံးဝလက်မခံ။ အားလည်း
မပေး။ မကြာခဏ မြည်တွန် တောက်တီးတတ်သည်။ သို့ သော် အဘွားက တဗျစ် တောက်တောက်
မည်မျှပင် ပြောနေပါစေ၊ ထိုအချိန်တွင် တစ်စုံတစ်ယောက်က“ဘကြီး
ရေ”ဆိုလိုက်သည်နှင့် “အေး” ဆိုကာ ၀မ်းသာအားရ လိုက် ပါသွားတတ်သည်။
ဒီလို လိုက်သွားပြီဆို လျှင် အဘိုးသည် မသာရှင် ဆီက အခကြေးငွေ၊ စေတနာကြေး
အစရှိသည့် မည်သည့် ငွေကြေးကို မဆို တစ်ပြားတစ်ချပ်မျှ မယူဘဲ ခုနစ်ရက်
ခုနစ်လီ လုပ်ကိုင်ပေးလေတော့ သည်။ အဘွားကိုလည်း ဘယ်အခါတွင်မှ တစ်လုံး တစ်ပါဒ
ပြန်ပြောတတ်လေ့ ရှိသူမဟုတ်။ တစ်ခါတစ်ရံ တွင်တော့- “မကျင်ဗျာ ခင်ဗျား
ဗျာ” ဟု ဆိုတတ်သည်။ ဒါကိုက ကျွန်တော့်အဘိုး၏ အပြင်းထန်ဆုံး တုံ့ပြန်မှုပင်
ဖြစ်သည်။ ယုတ်စွအဆုံး ကျွန်တော့် အဘိုးသည် နေထိုင် မကောင်းဖြစ်၍ ဆေးထိုးဆေး
သောက် လုပ်နေရပါစေ၊ ထို ကိစ္စအတွက် အိပ်ရာမှ လူးလဲ ထကာ စေတနာပါပါနှင့်
လိုက်လုပ်ပေးတတ်သည်။
သို့သော် ဤကိစ္စသည် ပြဿနာ မဟုတ်သေး။ ပြဿနာ
အစစ်က ကျွန်တော့် အပါးတွင်ဖြစ်သည်။ ပတ် ၀န်းကျင်ရှိ ကျွန်တော်နှင့် ရွယ်တူ
သူငယ်ချင်းများက ကျွန်တော့်ကို နောက်တတ် ပြောင်တတ်ကြသည်။ “မင်း တို့အဘိုးက
မသာကိုယ်စားလှယ်ဆို၊ တို့အမေက ပြောတယ်။ မင်းတို့အဘိုးက စဏ္ဍာလတဲ့” ဆိုသော
စကား များသည် ကျွန်တော့်အတွက် မျက်နှာ တစ်ခုလုံး ထားစရာ နေရာမရှိအောင်
ရှက်ရသည့် အချိန်များပင် ဖြစ်ပါတော့ သည်။
ထို့ကြောင့် ကျွန်တော် က
ကလေးပီပီ ရှက်ရှက်နှင့် အဘိုးကိုတားတော့ အဘိုးက ပါးစောင်ထဲရှိ
ကွမ်းများထွက် ကျလာအောင်ကို တသိမ့်သိမ့် ရယ်ပါတော့သည်။ ဘာကိုမှတော့
ထွေထွေထူးထူး မပြော။ ထိုပုံပန်းသဏ္ဌာန်တွေက ကျွန်တော့်အဘိုးကို ယနေ့
အချိန်အထိ သတိရနေစေသည်။
၂။ ထိုကိစ္စနှင့် ပတ်သက် ၍ ငယ်ရွယ်
နုနယ်ခဲ့သော ကျွန်တော့် မှတ်ဉာဏ်ထဲတွင် ပြင်းပြင်းထန်ထန် စွဲလမ်းနေ ခဲ့သော
ပြဿနာတစ်ခု ရှိနေခဲ့ ပါသည်။ ထိုပြဿနာမှာ ကြားရသူတိုင်း ပါးစပ် အဟောင်းသား
ဖြစ်ပြီး မယုံ ကြည်နိုင်လောက်အောင် အံ့သြ သွားစေသည့် အဖြစ်အပျက်မျိုး
ဖြစ်သည်။
ထိုကိစ္စမှာ ကျွန်တော့် အဘိုးသည် မကြီးမငယ်နှင့် အိမ်က
ပျောက်သွားခဲ့ခြင်းပင် ဖြစ်ပါတော့သည်။ အသက် ခုနစ်ဆယ်ကျော် အဘိုးကြီး
တစ်ယောက် အိမ်မှ ရုတ်တရက် ပျောက်သွားခြင်းသည် မိသားစုဝင် တစ်ဦးဦးနှင့်
စကား များကာ အိမ်ပေါ်မှ ဆင်းသွားခြင်းမျိုး မဟုတ်။ လူငယ်တွေလို
တစ်နယ်တကျေးကို ခရီး ထွက်သွားခြင်းမျိုးလည်း မဟုတ်သဖြင့် ကျွန်တော်တို့
မိသား တစ်စုလုံးမှာ ဘယ်မှာ လိုက်ရှာရမှန်း မသိ။ တစ်ရပ်ကွက်လုံး ဟိုလူ့မေး၊
ဒီလူ့ စမ်းနှင့် စုံစမ်းခဲ့သော်လည်း အဘိုးနှင့် ပတ်သက်၍ ဘာသဲလွန်စမှ
မရခဲ့ပါ။
နောက်ဆုံးတွင် အဘွား က ရဲရဲရင့်ရင့် မျက်ရည်လည် ရွှဲဖြင့်
ဆုံးဖြတ်ချက် တစ်ခုကို ပိုင်ပိုင်ချကာ အဘိုးပျောက် သွားသည့်နေ့မှ စ၍
ပြန်လည် တွက်ချက်ပြီး ရက်လည်ဆွမ်း သွတ်ဖို့ပင် ပြင်ဆင်နေပါတော့ သည်။
ထိုစဉ်က အဘွား၏ ဆိုစကား အရ အဘိုးသည် သူ့ တစ်သက်တာအတွင်း ဤသို့
သွားတတ်လာတတ်ခြင်း လုံးဝ မရှိခဲ့။ မည်သည့်အရပ် သို့သွားသွား အဘွားကို အမြဲ
ပြောသွားတတ်သူဟု သိရ သည်။
အခုတော့ အဘိုးပျောက် နေသည်မှာ
ဆယ်ရက်နီးပါး ရှိနေပြီဆိုတော့ အားလုံးက ခြေမကိုင်မိ၊ လက်မကိုင်မိဖြစ်
နေကြသည်။ သို့သော် အဘိုး အတွက် ရက်လည်ဆွမ်းသွတ် ရန်အတွက် ပစ္စည်းပစ္စယတွေ
ဝယ်ယူနေသည့်နေ့မှာပင် အဘိုးက မျက်နှာ မရွှင်မပျဖြင့် ပြန်ရောက်လာခဲ့သည်။
ထုံးစံအတိုင်း ခါးထဲ တွင်တော့ အင်္ကျီမပါ။ အဘိုး ၏ ပုံပန်းသဏ္ဌာန်မှာ အတော့်
ကို ပင်ပန်းနွမ်းနယ်ပုံပေါက် နေသည်။ အမေ၊ အဘွားနှင့် ကျွန်တော်တို့က ၀မ်းသာ
အားရ ၀ိုင်းဝန်းမေးမြန်းကြ သည်ကိုပင် အဆင်ပြေအောင် ပြန်မပြောနိုင်။
အိပ်ရာထဲသို့ တစ်ခါတည်းတန်းဝင်သွားခဲ့ ပါသည်။ သတင်း အကြားဖြင့်
ရောက်ရှိလာကြသော ရပ် ကွက်ထဲ၊ လမ်းထဲရှိ ပရိသတ် များကိုလည်း ပြန်၍မပြောနိုင်
ဘဲ အိပ်ရာထဲသို့သာ တစ်ခါတည်း တန်းဝင်သွားခဲ့ပါ သည်။
နောက်တစ်နေ့ရောက် မှ အဘိုးက ကျွန်တော်တို့ကို အေးဆေးစွာ ပြန်လည်၍ ပြော
ပြခဲ့ပါသည်။ “ဖြူး” မြို့နယ် တွင် သေဆုံးခဲ့သော အသုဘ တစ်ခုကို အစမှ
အဆုံးတိုင် လိုက်လုပ်ပေးခဲ့ပြီး ရက်လည် ပြီးမှ ပြန်လာခဲ့ခြင်းဖြစ်သည် ဟု
သိခဲ့ရပါသည်။
ဘာပဲဖြစ်ဖြစ် အဘိုး၏ ဇွဲကို ကျွန်တော် သဘောကျသည်။
အိမ်မှ ထွက်သွားက တည်းက အင်္ကျီပင် ပါမသွားသည့် အဘိုးက တစ်နယ်တစ် ကျေးတွင်
ရက်ပေါင်းများစွာ နေထိုင်လုပ်ကိုင်ပေးပြီး အိမ် ပြန်ရောက်လာသည် အထိ
ခါးထဲတွင် အင်္ကျီမကပ်နိုင်သေး။ ဤမျှ လုံ့လကြီးခဲ့ သည့် အဘိုး၏ပုံပန်းသဏ္ဌာန်
ကို ယခုအချိန်တွင် နာရေး ကူညီမှုကားများ၏ တက်ကြွစွာ လှုပ်ရှားသွားလာနေသည် ကို
မြင်တိုင်း သတိရနေတတ် သည်မှာမဆန်းဟု ကျွန်တော် ထင်ပါသည်။
သေချာစွာ
ဆိုရလျှင်၊ တစ်ချိန်က ကျွန်တော့် အဘိုး၏ စွမ်းဆောင်ရည်များထဲ တွင်
ကျွန်တော်တို့ မိသားစု အပြင် ရပ်ကွက်သူ ရပ်ကွက်သား အားလုံး အောချရ
လောက်သည့် ကြိုးပမ်းမှုတစ် ရပ်ကလည်း ကျွန်တော့် အာရုံထဲတွင် ပြက်ပြက်ထင်ထင်
ပြန်လည် မြင်ယောင်လာမိတတ် ပါသည်။ ထိုစွမ်းဆောင်မှုမှာ လည်း ထုံးစံအတိုင်း
မသာ ကိစ္စနှင့်ပင် ပတ်သက်နေလိမ့် မည်မှာ ယုံမှားစရာ မရှိပါ။
ထိုစဉ်က
သေဆုံးသူမှာ အနာကြီး ရောဂါသည်ဖြစ်နေ သည်။ ထို့ကြောင့် ဘယ်သူမှ မကိုင်ချင်
မတွယ်ချင် ဖြစ်နေ သည်။ ယုတ်စွအဆုံး သေသူ ၏မိသားစုပင်လျှင် အိမ်ပေါ်
၌ရှိမနေကြ။ ထိုအခါ သေသူ၏ အနားတွင် ရောက်ရှိနေ သော ကျွန်တော့်အဘိုးကိုယ်
တိုင်လည်း သူကျွမ်းကျင် သည့်ကိစ္စကို ဆောင်ရွက်ရန် အတွက်
ရွံ့တွန့်တွန့်ဖြစ်နေပုံရ သည်။ ပို၍ဆိုးသည်က အချိန်ကြာမြင့်လာလေလေ
ရိရွဲနေသည့် သေသူ၏ခန္ဓာ ကိုယ်က ရွံရှာဖွယ်ကောင်း လာလေလေ ဖြစ်နေသည်။
မထူးတော့သည့်အဆုံး တွင် အဘိုးသည် အနားရှိ ကလေးတစ်ယောက်ကို
အရက်တစ်ပိုင်းဝယ်ခိုင်းကာ တစ်ရှိန်ထိုး မော့သောက်ပြီး၊ သေသူကို
ပယ်ပယ်နယ်နယ် ဆွဲထူ၊ တစ်ဦးတည်း မနိုင့် တနိုင်နှင့် ရေချိုးပေးပြီး၊
ချက်ချင်းဆိုသလို ဂုံနီအိတ် နှင့် အထပ်ထပ်စွပ်ကာ၊ ခေါင်းစပ်၍
သင်္ဂြိုဟ်ပစ်လိုက် ရသည်တဲ့။ အကျိုးဆက် အနေဖြင့် ကျွန်တော့် အဘိုးသည်
သုံးရက်လောက်အထိ မစားနိုင်မသောက်နိုင် ဖြစ် ကျန်နေခဲ့သည်။ မသာရှင်ကတော့
ကျေးဇူးတင်မဆုံး။
၃။ ကျွန်တော် အရွယ် ရောက်လာသည့်အခါတွင်
တော့ အဘိုး၏ ပရဟိတ လုပ်ငန်းနှင့် ကျွန်တော်၏ ရှက်စိတ်တို့မှာ သိသိသာသာ
အားပြိုင်လာခဲ့ပါတော့သည်။ ရပ်ကွက်ထဲတွင် ကျွန်တော့် ကို
လူကြီးတော်တော်များများ က မသိကြ။ အကြောင်း တစ်စုံတစ်ရာကြောင့် ဈေး
သွားဝယ်မိလျှင်ဖြစ်ဖြစ်၊ လူ ကြီးများကခိုင်း၍ တစ်ခုခုကို
ဆောင်ရွက်ပေးရလျှင်ဖြစ်ဖြစ်၊ ကျွန်တော့်ကိုမြင်သမျှသော
လူကြီးတော်တော်များများက “သားက ဦးဘိုးသီးမြေး လား” ဟု မေးလာကြလေ့ရှိ
ပါသည်။
ထိုမေးခွန်းများက ဘာ ရည်ရွယ်ချက်မျှ မရှိသော်လည်း
ကျွန်တော့်စိတ်ထဲတွင် ငယ် စဉ်ကတည်းက စွဲထင်နေခဲ့ သော သူငယ်ချင်းများနောက်
ပြောင်ကြလေ့ရှိသည့် “မင်း အဘိုးက မသာကိုယ်စား လှယ်ဆို” “မင်းတို့အဘိုးက
စဏ္ဍာလဆို” ဟူသော စကား ရပ်များကသာ တရစ်ဝဲ၀ဲနှင့် ကျွန်တော့် အာရုံထဲတွင် ပြန်
လည် ပေါ်ပေါက် လာတတ်ခဲ့ ပါသည်။ ထို့ကြောင့် တစ်စုံ တစ်ယောက်က ကျွန်တော့်
အား “မင်း ဦးဘိုးသီးမြေး မဟုတ်လား” ဟု မေးလိုက်တိုင်း ကျွန်တော့်ကို အရှက်
ခွဲသည်ဟုပဲ ထင်မြင်လာသည် အထိ ဖြစ်နေပါတော့ သည်။
နောက်ပိုင်းတွင်
ကျွန်တော့်အဘိုးသည် အတိတ်ကံ အကျိုးပေးကြောင့် သူဝါသနာပါသော၊ တစ်
သက်လုံးမက်မက်စက်စက် ဖက်တွယ် မြတ်နိုးခဲ့သော၊ လူ နတ်သာဓု ခေါ်သည့်လုပ်ငန်း
ဖြစ်သော ထိုပရဟိတလုပ်ငန်း များကို စွန့်လွှတ်ရန် အကြောင်း
ဖန်လာခဲ့ပါတော့သည်။ ထို အကြောင်းမှာ အဘိုး လေဖြတ် သွားခြင်းကြောင့်ဟု
ဆိုရလိမ့် မည် ဖြစ်ပါသည်။
ညာဘက်တစ်ခြမ်းလုံး လှုပ်ရှား၍မရတော့သော
အဘိုး၏အခြေအနေကိုကြည့် ရင်း ကျွန်တော်တို့တစ် မိသားစုလုံးက စိတ်မကောင်း
ခြင်းကြီးစွာဖြင့် တတ်နိုင် သမျှ ပြုစုကြပါသည်။ ထို့ ပြင် ရပ်ကွက်သူရပ်ကွက်
သား အတော်များများက လည်း ကျွန်တော့်အဘိုးကို၊ ဆေးဝါး၊ ငွေကြေး အစရှိ သည့်
အကူအညီများ ပေးကြ ပါသည်။ သို့သော် အဘိုးမှာ လေသမားတို့၏ ထုံးစံအတိုင်း
လက်တစ်ဖက် တွဲလောင်းကျကာ၊ စကားပြောလျှင် ပီပီ သသမရှိတော့။
လမ်းလျှောက်လျှင်လည်း အနား တွင် အဖော်တစ်ယောက်နှင့် အတူ
တောင်ဝှေးတစ်ချောင်း လည်း အမြဲပါရသည်။
ထိုအခါ အဘွားက “ကဲ
ဘာတတ်နိုင်သေးလဲ”ဟူသော အကြည့်မျိုးဖြင့် မကြာခဏ ကြည့်လေ့ရှိပါသည်။ သို့
သော် ကျွန်တော့်အဘိုးက မထိ တထိ ပြုံးနေတတ်ပါသည်။ ထိုအပြုံးထဲတွင် အဘွားကို
လှောင်သလိုလို ထီမထင် သလိုလို သဘောမျိုးပင် ရိုး တိုးရိပ်တိတ်ပါနေခဲ့သည်ဟု
ကျွန်တော်ထင်ခဲ့သည်။
ထင်သည့်အတိုင်းပင် ကျွန်တော့်အဘိုးမှာ
အာဂအဘိုးပင်ဖြစ်ပါတော့သည်။ သူကိုယ်တိုင်က မလှုပ်နိုင်၊ မရှားနိုင်
ဖြစ်နေသည်မှန် သော်လည်း မသာအိမ်တိုင်း က သူ့ကိုလာခေါ်ကြတုန်းရှိ သေးသည်။
ထို့နည်းတူ အဘိုးကိုယ်တိုင်ကလည်း မညည်းမညူ လိုက်ပါနေ တုန်းရှိသေးသည်။
ဟိုနား ဒီနားဆိုလျှင် အဘိုးကို တစ် ယောက်ယောက်က လာ ရောက်တွဲငင်ကာ ခေါ်ဆောင်
တတ်ကြပြီး အနည်းငယ်ခရီး ဝေးလျှင် ဆိုက်ကားနှင့် ခေါ် တတ်ကြသည်။
ထိုအခါ သူဝါသနာကြီး လှသည့် လုပ်ငန်းကို အဘိုး ဘယ်လိုလုပ်မလဲဟု ကျွန်တော်
တို့စဉ်းစားမိတော့ အဘိုး အတွက် လွယ်ကူ လွန်းနေသည်။ အဘိုးက အရှေ့ အနောက်
ဆင်ခြင်တွေးခေါ် ပြီး သန်းအောင်ဆိုသည့် လူငယ် တစ်ယောက်ကို စနစ်တကျ
သင်ပြပေးရင်း သူ၏ ပညာအမွေကို ဆက်ခံစေခဲ့သည်။ သန်းအောင်ကလည်း
အဘိုးကဲ့သို့ပင် ဘယ်မသာကို ဖြစ်ဖြစ် မညည်းမညူ ကူညီ လုပ်ကိုင်ပေးလေ့ ရှိသည်။
ထိုအချိန်မျိုးတွင် အဘိုး က သန်းအောင်၏ လက်ကျ လက်နကိုကြည့်ရင်း မကြာ ခဏဆိုသလို စကားတစ်ခွန်း ကို မပီမသ ပြောတတ်လေ့ ရှိသည်။
“အဘက သိပ်ကြာ တော့မှာ မဟုတ်ဘူးကွ။ သေ တော့မှာ။ မသေသေးလည်း ဘာမှ
လုပ်နိုင်တော့တာ မဟုတ်ဘူး။ ရှေ့လျှောက် သန်းအောင်ကိုပဲ အားကိုးရ တော့မှာ”
ထိုသို့ အဘိုးပြောပြီး သိပ်မကြာမီမှာပင် လူတစ် ယောက် သေဆုံးသွားခဲ့သည်။
သေဆုံးသွားသူက ကျွန်တော့် အဘိုး မဟုတ်ဘဲ သန်းအောင် ဖြစ်နေသည်က အနည်းငယ်
အံချော်နေသည့် ပြက်လုံး တစ်ခုဖြစ်နေခဲ့ရပါသည်။ ဖြစ်ပုံမှာ သန်းအောင်သည်
အရက်သောက်ပြန်လာခဲ့ပြီး နောက်တစ်နေ့တွင် နှိုး၍ မရ တော့ခြင်းဖြစ်သည်။ သေချာ
သည်က အဘိုးကိုယ်တိုင် သန်းအောင်အိမ်သို့ လိမ်ဖည် လိမ်ဖည်နှင့်သွားကာ မျက်
ရည်တ၀ဲဝဲဖြင့် လမ်းညွှန် ပြောဆိုပြီး ခုနစ်ရက်စေ့မှ အိမ် သို့ပြန်လာခဲ့သည်။
သို့သော် အဘိုး၏ မျက်နှာက သိသိသာသာ မကောင်းတော့။ အသုဘနှင့် ပတ်သက်သော
ပညာအမွေ ကို သူ့ဆီက ဆက်ခံမည့်သူ မရှိတော့သဖြင့် မျက်နှာ ပျက်ယွင်းနေခြင်း၊
စိတ်မကောင်း ဖြစ်နေခြင်း ဖြစ်လိမ့်မည်ဟု ကျွန်တော်တို့မိသားစုက ယုံ
ကြည်ကြသည်။
အဘိုးသည် နောက် ထပ်တပည့်တစ်ယောက်မွေး အပြီးတွင်
သေဆုံးခဲ့သည်။ ထိုအခါ အဘိုး၏ဈာပနကို သူ၏ ဒုတိယမြောက်တပည့် ဖြစ်သည့်
ကိုလှဝင်းက တာဝန်ယူသည်။ အစစ အရာရာ ချောမောအောင်မြင် သည့်အပြင်
အဘိုးဆုံးပြီကြား သဖြင့် တစ်လမ်းလုံး တစ်ရပ် ကွက်လုံးရှိလူတွေအားလုံးနီး
ပါး လာရောက်ကြသည်။ ထို့ ကြောင့် ကျွန်တော်တို့အိမ် သည် ပွဲတော်တမျှ စည်ကား
နေခဲ့သည်။
ပို၍ သေချာသည်က အဘိုး၏ ဈာပနနှင့် ပတ်သက်၍ မသာစရိတ် ဟူ၍
တစ်ပြား တစ်ချပ်မှ ကုန်ကျခြင်း မရှိခဲ့ ပါ။ သင်္ချိုင်းမှ ခေါင်းတလားမှ စ၍၊
မြေမြှုပ်သည့်ကျင်း၊ သယ်ယူပေးမည့်ကားခ၊ ယုတ်စွအဆုံး ပန်းဖိုးပင် မကုန်
ကျခဲ့ပါ။ လာလိုက်ကြသည့် လူတွေမှာလည်း မုန့်ဟင်းခါး အချိန်နှစ်ရာကျော်ကို
မနက် ဆယ်နာရီလောက်မှာတင် ကုန်သွားခဲ့သည်။ ဝေယျာ ၀စ္စကိစ္စများနှင့် ပတ်သက်၍
လည်း ကျွန်တော်တို့မိသားစု ထဲက တစ်ဦး တစ်ယောက်မှ နှီးတစ်ချက်
မချည်လိုက်ရပါ။ ရေတစ်ပုံး မခပ်လိုက်ရပါ။ ဟင်းအိုးပင် တစ်ချက်မမွှေ လိုက်ရပါ။
မှတ်မှတ်ရရ အဘိုးမြေ ချသည့်နေ့က အဖြစ်အပျက် တို့သည် ယုံနိုင်စရာမရှိအောင်
အံ့သြစရာ ကောင်းနေတော့ သည်။ ထိုနေ့က အဘိုးကို မြေချမည့်အချိန်မှာ ညနေသုံး
နာရီဖြစ်သည်။ သို့သော် အသုဘယာဉ်က သုံးနာရီ ကျော်သည် အထိ ရောက် မလာသေး။
ထို့ကြောင့် သင်္ချိုင်းသို့ ကျွန်တော်က လိုက်သွားရသည်။ ထိုအခါ အဘိုးကို
တင်ဆောင်မည့် အသုဘယာဉ်၏ ခေါင်းခန်း တွင် ထိုင်လျက်လိုက်ပါလာ ခဲ့ရသည်။
ဒီတော့မှ ကျွန်တော်စဉ်းစားမိသည်က လက်ရှိ ကျွန်တော် ထိုင်နေသော ထိုင်ခုံတွင်
ကျွန်တော့်အဘိုး သည် အကြိမ်ပေါင်းများစွာ ထိုင်ခဲ့ဖူးသည်။ အခေါက်
ပေါင်းများစွာ စီးနင်းခဲ့ဖူးသည်။
အနားပတ်လည်ကို ကြည့်လိုက်မိတော့၊
ကားက အတော့်ကို ဟောင်းနွမ်း ပျက်စီးနေခဲ့ပြီဖြစ်သည်။ တံခါးချက်တွေက မကောင်း
တော့သဖြင့် သွပ်နန်းကြိုးနှင့် ချည်နှောင်ထားရသည်။ ကူ ရှင်တွေလည်း မရှိ။
ထိုကား ၏အခြေအနေမှာ ဟွန်းမှလွဲ လျှင် ကျန်သည့်အရာဝတ္ထုတွေအားလုံးက
မြိုင်မြိုင်ဆိုင် ဆိုင် အသံတွေ မြည်နေကြသည်။ ကျွန်တော်က ထို ကားကြီးကို
စီးလာတော့ အသုဘ ပို့မည့်သူတွေထဲက ထောမနာပြုသံ တစ်ချက် ကြားလိုက်ရသေးသည်။
“ပုံစံကတော့ ဘကြီးဘိုးသီး အတိုင်းပဲ” တဲ့။
ကျွန်တော်က ချိုင့်တွေ၊
ဗွက်တွေမှ နည်းနိုင်သမျှ နည်းသည့်လမ်းမှ မောင်းစေ ရသည်။ ဒရိုင်ဘာဖြစ်သူက
လည်း အနည်းငယ် စိတ်မြန် ပုံရသည်။ ဂီယာ အနုတ်အသိမ်း ကြမ်းသည်။ ကလပ်
အလွှတ်အပြု ညင်သာမှုမရှိ။ ထို့ကြောင့် ကားမှာ စုတ်ရ သည့်အထဲ သွားရင်းလာရင်း
တစ်စစီ ပြုတ်ကျပျက်စီးသွား မည်ကိုပင် စိုးရိမ်နေရသေး သည်။
တစ်လမ်းလုံးပြဿနာ မရှိခဲ့သော ဤကားသည် ကျွန်တော်တို့လမ်းထိပ်ရောက် မှ
စိတ်ညစ်ရတော့သည်။ အသုဘပို့မည့် ပရိသတ်မှာ လည်း တစ်ရပ်ကွက်လုံးရှိလူ တွေ
စုံစုံစေ့စေ့ ရောက်ရှိနေ သလိုပင် ထင်မှတ်ရအောင် ညို့နေတော့သည်။ ဖြတ်သွား
ဖြတ်လာကြသူတို့ကလည်း စိတ်ဝင်တစားဖြင့် အမှတ်တမဲ့လှမ်းကြည့်ရင်း ကျွန်တော့်
အဘိုးမှန်းသိသွားသဖြင့် ချက် ချင်းလိုက်ပို့ရန် စောင့်ဆိုင်းနေ
သူတွေလည်းပါသည်။
ထိုလူအုပ်ကြားတွင် ဖြစ် သည့်ပြဿနာက အသုဘ ယာဉ်
ဗွက်နစ်ခြင်းပင်ဖြစ် သည်။ ပထမတော့ ကိုရွှေ ဒရိုင်ဘာက ဗွက်ကိုရုန်းကြည့်
သေးသည်။ မရ။ ပို၍ပင် နစ် နေသေးသည်။ နောက်ဆုံး တွင် ဘယ်လိုမှ ရုန်းမရတော့
သည့်အဆုံး မသာပို့ပရိသတ် တွေထဲက ယောက်ျားတွေ လေးငါးဆယ်ယောက်ခန့် ၀ိုင်းလာကာ
တွန်းကြသော် လည်း ထူးမလာ။ နောက်ဆုံး တစ်ယောက်တစ်လက် ညီညီ ညာညာဖြင့်
ထိုကားကြီးကို ညာသံပေးဝိုင်းမကာ ဗွက် လွတ်ရာသို့ တရွေ့ရွေ့ ရွှေ့
ပေးလိုက်ကြရတော့သည်။
ထိုအချိန်မှစ၍ အဘိုး၏ စေတနာအလှကို ကျွန်တော်
နားလည်သဘောပေါက်လာ ပြီး၊ မသေခင်ဖြတ်သန်းခဲ့ သော လုံ့လကြောင့် အဘိုး၏
သေပန်းပွင့်ပုံကိုလည်း ကြည် နူးပီတိ ဖြစ်ခဲ့ရပါသည်။ ထို့ပြင် အဘိုး၏ဘ၀တစ်
လျှောက်လုံး ဘယ်တုန်းကမျှ မထောက်ခံခဲ့ဖူးသော အဘွား ကပင် ဆေးပေါ့လိပ်ကြီးကို
ငေါ့ရင်းကနေ ၀မ်းပန်းတနည်း ထ၍ ကြွေးကြော်သည်။
“ရှင်သေတာ ကျွန်မ စိတ်မကောင်းဖြစ်ရမယ့် အစား၊ ၀မ်းသာလိုက်တာ ကိုဘိုးသီးရယ် ဟီး ဟီး” တဲ့။ ယခုဆိုလျှင် ကျွန်တော့် အဘိုးဆုံးခဲ့သည်မှာ နှစ် ပေါင်း နှစ်ဆယ်နှစ်ကျော် ကြာခဲ့ပါပြီ။
အရွယ်ရောက်လာခဲ့ပြီ ဖြစ်သော ကျွန်တော့်အနေနဲ့ လည်း ယခုအချိန်တွင်
တစ်ယောက်ယောက်က ကျွန်တော့်ကို “မင်း ဦးဘိုးသီး ရဲ့မြေးလား”ဟု မေးလာခဲ့
လျှင် ကျွန်တော်အရင်လို မရှက်တော့ပါ။ သိမ်ငယ်ခြင်း လည်းမဖြစ်တော့ပါ။ အဘိုး၏
ဂုဏ်ကို ချီးမြှောက်ခြင်း၊ အဘိုး၏ ပရဟိတစိတ်နှင့် စေတနာကို မမေ့မလျော့
အသိအမှတ်ပြုခြင်းဟု နားလည်လာပြီဖြစ်သည်။
ထို့ကြောင့် မေးလာသူ
ရှေ့တွင် ကျွန်တော့်ရင်ကို သိသိသာသာ ကော့ပြီး ဟုတ်မှန်ကြောင်း
ဝန်ခံတတ်ပါသည်။ သေချာသည်က လူ တစ်ယောက်၏ ထင်ကျန်ရစ် ခဲ့သော နာမည်တစ်လုံးမှာ
နှစ် ပေါင်းများစွာ ကြာသည်အထိ၊ လတ်ဆတ်စွာ ကျန်ရစ်နေခဲ့ သည်မှာ
အံ့သြစရာကောင်း လွန်းလှပါသည်။
၎။ သေချာသည်က အချို့
သောသူများသည် လူဆင်းရဲ သော်လည်း အများကောင်း ကျိုးအတွက် မိမိကိုယ်ကျိုးကို
မကြည့်ဘဲ စွမ်းစွမ်းတမံ ဆောင်ရွက်ခဲ့ကြသည်။ အချို့သော သူတွေကတော့ မည်သူ
တစ်ဦး တစ်ယောက်ကိုမျှ ဂရု မစိုက်ဘဲ မိမိအတ္တ တံခွန်ထူဖို့ ကိုသာ
အားသွန်ခွန်စိုက် ကြိုးစား နေတတ်ကြပါသည်။ ခက်သည်က ကျွန်တော်တို့
လူ့လောကကြီးတွင် ဒီလို လူမျိုးတွေလည်း အထိုက် အလျောက်တော့ လိုအပ်နေ
လိမ့်မည်ဟု ကျွန်တော်ထင် ပါသည်။ သို့သော် ထိုသူမျိုး တွေ
သိပ်များနေလျှင်တော့ လောကအတွက်မကောင်း။
နောက်ဖေးလမ်းဆီမှ
သံဝေဂလင်္ကာများကို ရွတ် ဆိုသွားသံ ကြားလိုက်ရပြန် သည်။ ကျွန်တော့်စိတ်ထဲ
တွင် “သွားပြန်ပြီ တစ် ယောက်” ဟု မြည်တမ်းမိ ပြန်ပါသည်။ ထို့ပြင် “သူ့ဆီ
မှာ ဘာများ ပါသွား ပါလိမ့်၊ ဒါမှမဟုတ် သူ ဘာတွေများ ထားခဲ့ပါလိမ့်”ဟု
တွေးနေမိ ပါသည်။
မောင်နှင်းပန်း (ရွှေအမြုတေ မဂ္ဂဇင်း၊ဧပြီလ ၂၀၁၂)
|
No comments:
Post a Comment