အလွယ်တွေးခဲ့ကြတဲ့ မလွယ်ရေးချ မလွယ်ပုံတစ်ခု(-မောင်သာချို-)

(တစ်)
    မိုးခပ်ဖွဲဖွဲရွာ၍နေသော နေ့ တစ်နေ့၌ တောသူတောင်သား လင်မယား နှစ်ယောက်တို့ သူ
တို့သားကလေး၏ ကြွင်းကျန်ရစ်သောအလောင်းကို ဆေးရုံ ရေခဲတိုက်ထဲ၌ထားရစ်ခဲ့ကာ ပစ္စည်း ပစ္စယမျိုးစုံကို သိမ်းဆည်းပြီး နောက် ယောက်ျားဖြစ်သူက သားငယ်ခွ၍ခွ၍ အိပ်လေ့အိပ်ထရှိသော ဖက်ခေါင်းအုံးကလေးကို ပိုက်လျက်  မိန်းမဖြစ်သူက ကလေးငယ်ဆော့ကစားနေကျ မွေးပွဝက်ဝံရုပ်ကလေးကို ပွေ့ချီ လျက်မျက်ရည်တို့ကို လက်ဖမိုး ကလေးနှင့်သုတ်ကာသုတ်ကာ ကျောခိုင်းထွက်ခွာသွားကြသော မြင်ကွင်းကို ကျွန်တော့်ဘ၀၌ မေ့ ပျောက်နိုင်တော့မည်မဟုတ်ပါ။
    ကလေးက အသက်သုံးနှစ် ၀န်းကျင်အရွယ် ပြေးလွှားဆော့ ကစားတတ်ခါစ၊ နှိုက်နှိုက်ချွတ် ချွတ်မေးခွန်းများကို မေးတတ် ခါစ အရွယ်ကလေးဖြစ်ပါသည်။
မိဘများက တောသူတောင်သား (သို့မဟုတ်) နယ်သူ နယ်သားများဖြစ်ဟန်တူပါရဲ့။ ရန်ကုန်မြို့နေ အသိမိတ်ဆွေတစ်ဦးဦး၏အိမ်ကို ခေတ္တတည်းခိုကာ သည်ကလေးကို ဆေးလာကုခြင်း ဟုနားလည်ရပါသည်။

    ကလေး သေဆုံးသွားရခြင်း ၏ အဓိကအကြောင်းကို စာဖတ်သူတို့သိလျှင် ဘယ်လောက်များ အံ့သြသွားကြမှာပါလိမ့်ဆိုသည်ကို ကျွန်တော်
မခန့်မှန်းတတ်နိုင်ပါ။ သို့သော် ကျွန်တော်ကတော့ အံ့သြပါသည်။ အံ့သြရုံမျှမက အသည်း တယားယားလည်းဖြစ်ရ၊ မချင့်မရဲလည်း ခံစားရ၊ ဒေါသ လည်းနည်းနည်းတော့ထွက်ရပါ သည်။
    Coffee Mix တဲ့။ ဘယ်လိုမှ ကုသလို့မရတော့လောက်အောင် ကလေး၏နှလုံးကို အပြင်းအထန် ထိုးနှက်တိုက်ခိုက်လိုက်သည်မှာ Coffee Mix ဆိုပါ့လား။
    အမှတ်တံဆိပ်ကို ကျွန်တော် မပြောလိုပါ။ ယခုကိစ္စက အမှတ် တံဆိပ်ကိစ္စလည်းမဟုတ်ပါ။ မြန်မာ့ စားသောက်နေထိုင်မှုဘ၀ထဲသို့
ထိုးဖောက်ဝင်ရောက်နေရာယူလာရာက အန္တရာယ်ဖြစ်မှန်းမသိဖြစ်ဖြစ်လာရသည့် အဆင်သင့်ကော်ဖီ၏ အသက်အန္တရာယ်ထိုးနှက်ချက်တစ်ရပ်ကို ပြောလိုရင်းမျှသာဖြစ်ပါသည်။

(နှစ်)
    သေဆုံးရှာသူ ကလေးငယ် က တောနယ်ဘက်က။  သူက   Coffee Mix   တော်တော်ကြိုက် သည်။ မိဘများကလည်း အသိ အမြင် ဗဟုသုတဆွံ့အရှားပါးသူများဖြစ်လေရာ သားက ““ကော် ကော်””ဟု အော်လိုက်သည်နှင့် ရေနွေးထဲ အထုပ်ဖောက်သည့်၊ ““ဂလောက် ဂလောက်”” ဟု တစ် ချက်နှစ်ချက် ခေါက်ကာ သားကိုတိုက်ကြစမြဲဟုဆိုပါသည်။ နောက် တော့ သည်ကလေးက  Coffee Mix   အမှုန့်၏ အရသာကိုကြိုက် လာပါသည်။ သည်တော့ အမှုန့် ကို  လျက်ပါလေသတဲ့။  ဘယ်လောက်များ ကြိုက်လာပါသလဲ ဟုဆိုလျှင် အိပ်ရာကနိုးလာသည် နှင့် ““ကော်ကော်””၊ ဗိုက်နည်းနည်း ဆာလာသည်နှင့် ““ကော်ကော်””၊ ကစားလို့ဝသည်နှင့်““ကော်ကော်””။
     သည်တော့ ဘယ်နားက ဆိုင်မှာ ပြေးဆွဲဆွဲ တိုးလိုးတန်း လန်းနှင့်ချိတ်ဆွဲထားသည့် Coffee Mix အထုပ်တွေက ငွေက လေးတစ်ရာ၊ တစ်ရာ့ငါးဆယ်ပေးရုံနှင့် ခပ်လွယ်လွယ်ရနိုင်ပေရာ ကလေးက ““ကော်ကော်”” ဟု ဆို သည်နှင့် အခုဝယ် အခုဖောက် ပန်းကန်ထဲထည့်ပေး၊ သတင်းစာ စက္ကူပေါ်ပုံပေး သားကလေးစိတ်တိုင်းကျ တစ်ဝလျက်ပေတော့။ တစ်ကြိမ်နှစ်ကြိမ်မဟုတ်။ တစ် ရက်နှစ်ရက်မဟုတ်။ တစ်လနှစ်လမဟုတ်။ နှစ်ပေါက်လေတော့ ကလေးငယ်၏ နှလုံးဖောက်ပြန်ခဲ့ပါပြီဖြစ်လေရာ သမားတို့ လက် မြှောက်ခဲ့ကြရပါလေပြီ။
    ယောက်ျားက ဖက်ခေါင်း အုံးကလေးကို ပိုက်လို့။ မိန်းမက ၀က်ဝံရုပ်ကလေးကို ပွေ့လို့။ သား ရေ..တဲ့။ အော်..ဆေးရုံအ ထွက် လမ်းကလေးပေါ်မှာ။

(သုံး)
    ကျွန်တော်တို့ဆီ၌ သူများ ဓလေ့ကို ကိုယ့်ဓလေ့ဖြစ်အောင် လုပ်ယူကြသည့်အရာများထဲ၌ ကော်ဖီဓလေ့သည်လည်း တစ်ခု အပါအ၀င်ဖြစ်လိမ့်မည်ဟုထင်ပါသည်။ အထူးသဖြင့် ခပ်လွယ် လွယ်နှင့် ကိစ္စပြတ်သော   Coffee Mix   ဓလေ့။ ဟုတ်ပါသည်။ သူက ချက်ချင်း မဟုတ်လား။
    အင်္ဂလိပ်စာအလွယ်လမ်း၊ ခုနစ်ရက်နှင့်အရပ်ရှည်နည်း၊ အောင်မြင်မှုအတွက် ဖြတ်လမ်း များ၊ နိဗာန်မဂ်ဖိုလ်ရက်တိုတိုနှင့် ရောက်နည်း စသည်စသည်ဖြင့်နောင်ခါလာ နောင်ခါဈေး ချက် ချင်းကို သဘောကျသော လူသား တို့၏ သဘောကျ   Instant Coffee Mix   တွေက   Instant    ဆို သည့်စကားနှင့်အညီ တကယ့်ကိုချက်ချင်းဖြစ်လေရာ ကျွန်တော် တို့ဆီက လူများ သဘောကျသည် မှာ ဘာမှမဆန်းကြယ်လှပါ။
     ပကာသန အဆောင်အ ယောင်များနှင့် မြို့ပြ ဧည့်ခန်း ဆောင်များသည် ချောင်းစပ် မြောင်းစပ် လယ်ကွင်းပြင်နံဘေး ကန်သင်းရိုးဘေးက မိုးတိုးမတ် တတ်တောလက်ဖက်ရည်ဆိုင်ကလေးများအထိ ကော်ဖီမစ်ကို အလွယ်တကူ သောက်၍ရပါ သည်။
    အထုပ်ကို ဆွဲဖြဲ၊ ရေနွေးပူပူ ထဲလောင်းထည့်၊ ဇွန်းနဲ့ သုံးလေးချက်မွှေပြီးသည်နှင့် သောက်သုံး၍ ရပါပြီ။
    သည်ဓလေ့ ကျွန်တော်တို့ဆီ မှာ ထွန်းကားလာတာ နှစ်အစိပ် လောက်ရှိပြီ။ ၁၉၈၈ အပြီးဟု ကျွန် တော်အမှတ်အသားရှိပါသည်။

(လေး)
    Coffee Mix    က ချက်ချင်း ပျော်ဝင်သွားစေရန်အလို့ငှာ ဓာ တုပစ္စည်းနှင့် ပေါင်းခံရပါသည်။ ထိုဓာတုပစ္စည်းက ရင်တုန်စေခြင်း ဖြစ်ပါသည်။ ကော်ဖီထဲမှာကကဖင်းဓာတ်ပါပါသည်။ ယင်းက ကတုန်ကယင်ဖြစ်စေ၊ ဂနာမငြိမ် ဖြစ်စေ၊ သွေးပေါင်ချိန်မြင့်စေပါ သည်။ ကော်ဖီမစ်ထဲရှိ သကြားပါ ၀င်မှုက ဆီးချိုသမားများနှင့်ဘယ်
လိုမှမဖြစ်အောင်ပါဝင်နေပါသည်။ထုိ့ပြင် ကော်ဖီမစ်ထဲ၌ နို့တုပါပါသည်။
    Non-Diary Creamer  ခေါ်နို့တုကို စားအုန်းဆီ၊ အုန်းဆီတို့နှင့်လုပ်ရပါသည်။ ယင်းတို့က နှလုံးသွေးကြောကျဉ်းစေ၊ ဆီးချို ရောဂါကို ဖြစ်စေပါသည်။
      ကော်ဖီထဲ၌ အက်ဆစ် လည်းပါဝင်ကာ ထိုအက်ဆစ်ကို ဘက်တီးရီးယားပိုးမွှားကကြိုက်၊ ထိုဘက်တီးရီးယားနှင့် ပါးစပ်ထဲ က စားကြင်းစားကျန်တို့ပေါင်း ကာဆာလဖာခေါ် ကန့်ဖြစ်၊ ထို ဆာလဖာနှင့် ပလပ်-   Plaque   ခေါ် အဖပ်ကလေးများပေါင်းကာ အနံ့ဆိုးဖြစ်၊ ခံတွင်းနံ့ အပုပ်အ သိုးတွေက တထောင်းထောင်း။
    ကျွန်တော် အခုလို ဆက် တိုက်ကြီး ချရေးပစ်လိုက်လေ သောအခါ တချို့က ကျွန်တော့်အ
ပေါ် အမြင်တိမ်းစောင်းနိုင်ပါ သည်။ သည်လူက သူတစ်ပါး စီး ပွားရေး သူတစ်ပါး လုပ်ငန်းပျက် စီးရာပျက်စီးကြောင်း လုပ်နေတာ လား စသည် စသည်ဖြင့်။ မဟုတ်ရလေပါ။ ကျွန်တော်ကိုယ်တိုင် လည်း   Coffee Mix   နှင့်မကင်းပါ။ သောက်ပါသည်။ တံဆိပ်မျိုးစုံ အောင်ကိုပင်လျှင် သောက်ဖူးပါ သည်။ သောက်နေဆဲလည်းဖြစ်ပါသည်။ သို့သော် သတိကလေးနှင့်။ အထိန်းအကွပ်ကလေးနှင့်။ တစ် ခွက်စ နှစ်ခွက်စ စသည်ဖြင့်။
     သို့သော် အခါခပ်သိမ်း သောက်၊ နေရာမရွေး သောက်၊ အရွယ်မရွေး သောက်၊ အပြစ်အ နာအဆာ  ဘာမှမရှိသည့်  နတ်တို့ဖန်တီးသည့် ဧရာမအာဟာရ ဆေးတစ်ပါးသဖွယ် သုံးဆောင်နေ ကြခြင်းကမူ အန္တရာယ်ကြီးမားလှ ပါသည်။ နားအေးရင် ပြီးတာပဲ ဟူသည့်သဘောထားဖြင့် ကော်ဖီမစ်အထုပ်ကို ဖောက်ချကာ““လျက်ပေတော့ငါ့သား”” ဟူ၍ လျက်ဆားသဖွယ် သုံးဆောင်ခိုင်းနေသောမြင်ကွင်းကို ကျေးလက်နယ်ပယ်
ဒေသများ၌ မကြာခဏ တွေ့ရလေ့ရှိပါသည်။ သားက၊ သမီးက ကော်ဖီမစ် သိပ်ကြိုက်တာ ပဲဟူသည့် အတွေးဖြင့် ဂုဏ်ယူကာ မိန့်
မိန့်ကြီးပြုံးနေသော အသိ ဆွံ့အရှားပါးသူ မိဘများကို ကျွန် တော် အသည်းယားလှပါဘိ။
    အော်...သားအလောင်း ကို ထားရစ်ခဲ့ကာ ဖခင်က ဖက် ခေါင်းအုံးကလေးကို ပိုက်၊ မိခင် က ၀က်ဝံရုပ်ကလေးကိုပွေ့ပြီး ဇနီး မောင်နှံနှစ်ယောက် မျက်ရည်ကိုယ်စီနှင့် ပြန်သွားလိုက်ကြတာ။ ကျန်နေရစ်ခဲ့တဲ့ ၀ိညာဉ်မဲ့ကလေး လေးဟာ ကော်ဖီမစ်အထုပ်ပေါင်းများစွာကို ဖောက်ဖောက်ပြီးလျက်နေခဲ့ဖူးတဲ့ ကလေးလေးပေါ့။     ။
7Day News Journal