ပါကစ္စတန် အမြန်ရထားသစ် အတွင်းပိုင်းမြင်ကွင်း။
ဓာတ်ပုံ - အေအက်ဖ်ပီ
ရထားတွဲ ၁၃ တွဲကို လှပသေသပ်သော အိပ်စင်ပါ ရထားတွဲများအဖြစ် ပါကစ္စတန်၏ အကြီးဆုံးမြို့ကြီး နှစ်မြို့ ဖြစ်သော လာဟိုးနှင့် ကရာချိ မြို့နှစ်မြို့ ကြား ကီလိုမီတာ ၁,၂၀၀ (မိုင် ၈၀၀) ကို စုန်ဆန်ပြေးဆွဲ ရန်အတွက် သေသပ်လှပ်စွာ ပြန်လည်တပ်ဆင်ထားသည်။
ယခင်က နာရီ ၃၀ ထက်မနည်း ကြာမြင့်ခဲ့သော ခရီးစဉ်မှာ ၁၈ နာရီကြာ ခရီးစဉ် တစ်ခုဖြစ်လာသည်။
ရူပီး ၅,၀၀၀ (ဒေါ်လာ ၅၅ )ရှိသော ခရီးစဉ်တစ်ခု၊ သို့မဟုတ် ရူပီး ၉,၀၀၀ ပေး ရသော အသွားအပြန် ခရီးစဉ်အတွက် ဂရုတစိုက် ဆောင်ရွက်ပေးနေကြသော ရထားဝန်ထမ်းတစ်စု၏ စောင့်ရှောက်မှု များဖြင့် ခရီးသည်များသည် တီဗီမှ ပြသနေသော ရုပ်ရှင်များ ကြည့်လျင်ကြည့်၊ သို့မဟုတ် လက်ဆွဲကွန်ပျူတာများ သုံး၍ အေးဆေး ငြိမ်သက်စွာ လိုက်ပါလာကြသည်။
ညနေစောင်းသို့ ရောက်သောအခါ လက်ဖက်ရည်နှင့် အငွေ့တထောင်းထောင်းနှင့် ညနေစာကို ရထားကော်ရစ်ဒါတွင် ရိုင်ဖယ် သေနတ်များကိုင်ဆောင် ထားကြသော ယူနီဖောင်းဝတ် လုံခြုံရေး ၀န်ထမ်းများ၏ အစောင့်အရှောက်ဖြင့် ကြယ်ငါးပွင့် အဆင့် ဟိုတယ်များရှိ စားဖို မှူးများက ရထားအခန်းများဆီသို့ ယူဆောင်လာကြသည်။
ထိုဖြစ်ရပ်မှာ ပြန်ပေးဆွဲမှုများ၊ တာလီဘန်နှင့် အယ်လ်ကေဒါ အကြမ်းဖက်မှုများရှိသော နိုင်ငံတစ်နိုင်ငံ၏ သတိပေးချက် တစ်ခု ဖြစ်သည်။
ထို့နောက် ညအချိန်သို့ရောက်သော အခါ ရထားဝန်ထမ်းများက အနည်းငယ် မာကျောသော အစိမ်းရောင်နံရံကပ် အိပ်စင်များကို အိပ်ချင်စဖွယ် မွေ့ရာများအဖြစ် ပြောင်းပေးရန် ခပ်မာမာ အိမ်ရာ ခင်းစများကိုသယ်ဆောင်၍ ရထားအခန်း ငယ်များသို့ ရောက်ရှိ လာကြသည်။
၎င်းမှာ ယိမ်းယိုင်နေသော နိုင်ငံပိုင် မီရထားလုပ်ငန်းအတွင်း ရူးပီး သန်းပေါင်းများစွာရှိသော ပထမဆုံး ပုဂ္ဂလိက ရင်းနှီးမြှုပ်နှံမှုတစ်ခု ဖြစ်ပြီး ကျဆင်း ယိုယွင်းလာသော ဗြိတိသျှခေတ် အမွေ အနှစ်ကို ထိန်းသိမ်းရန် ရည်ရွယ်ချက် ဖြစ်ကြောင်း ပြသလျှက်ရှိသည်။
အကျင့်ပျက်လာဘ်စားမှု၊ စီမံခန့်ခွဲမှု ညံ့ဖျင်းမှုနှင့် လျစ်လျူရှုထားမှုတို့က ပါကစ္စတန်၏ ရထားလုပ်ငန်းများကို ဆုံးရှုံးမှုများဆီသို့ တွန်းပို့ခဲ့သည်။ ၂၀၀၈ ခုနှစ် ဂီလာနီအစိုးရ အာဏာရရှိခဲ့ချိန် မှစ၍ နိုင်ငံအတွင်းရှိ ရထား ၂၀၄ စီးတွင် ၁၀၄ စီးကို ရပ်နားခဲ့သည်။
ပါကစ္စတန် ရှိ ရထားအရေအတွက်သည် ဗြိတိန်နှင့် ဂျာမနီ နှစ်ခုပေါင်းထက် ပိုများသည်။ L'Oreal အလှကုန်ကုမ္ပဏီမှ အကြံပေး အရာရှိ မာရီယမ် အီမန်၏ အမူအရာမှာ သဘောကျ နှစ်ခြိုက်နေသည့်ပုံ ဖြစ်သည်။
သူသည် မကြာခဏ ခရီးသွား နေရသူတစ်ဦးဖြစ်ပြီး မကြာသေးမီက ဖျက်သိမ်းခံရလုနီးပါးရှိနေသော နိုင်ငံပိုင် လေကြောင်းလိုင်း PIA နှင့် ခရီး သွားစဉ်က အရေးပေါ်ဆင်းသက်မှုနှင့် ကြုံတွေ့၍ ထိတ်လန့်ခဲ့ရသူဖြစ်သည်။
သူသည် ထိုသို့ ရထားဝန်ဆောင်မှုများ ပြောင်းလဲလာမှုကို သဘောကျ နှစ်ခြိုက်စွာဖြင့် ပြောခဲ့သည်။
"အခုရထားက အရင်ရထားတွေနဲ့ ယှဉ်ရင် လှပပြီး သက်သောင့်သက်သာ ရှိတယ်။ ဒါကြောင့် ကျွန်မ အရမ်းပျော်တယ်။ အရမ်းလည်း သက်သောင့်သက် သာရှိတယ်။ ၀န်ထမ်းတွေကလည်း ဖော်ရွေကြတယ်။ တကယ့် ခမ်းနားထည်ဝါတဲ့ ရထားပါပဲ"ဟု အသက် ၂၂ နှစ် အရွယ် မိခင်တစ်ဦးဖြစ်သူ သူက အေအက်ဖ်ပီသို့ပြောခဲ့သည်။
သူနှင့်အတူ စီးပွားရေးသမားတစ်ဦး ဖြစ်သူ ခင်ပွန်းသည် အသက် သုံးနှစ် အရွယ် သမီးငယ်နှင့် ယောက်မဖြစ်သူတို့ က ဖေဖော်ဝါရီ ၁၄ ရက် ချစ်သူများနေ့ ပါတီကို လာဟိုးရှိ ၎င်းတို့အိမ်တွင် ပြန်၍ မကျင်းပမီ ကရာချီသို့ ခရီးတိုလေး တစ်ခုအတွက် သွားရောက်ခြင်း ဖြစ်သည်။
" PIA ကိုတော့ ကျွန်မ မုန်းတယ်။ အဲဒီ အရေးပေါ်ဆင်းသက်မှုက အမယ်လေး ကြောက်ဖို့ကောင်းလိုက်တာ။ PIA လေယာဉ်နဲ့ ယှဉ်ရင်တော့ အခုရထားက အကောင်းဆုံးပဲ။ ၀န်ဆောင်မှုက အရမ်းကောင်းတယ်"ဟု သူက ပြောသည်။
ဝန်ကြီးချုပ် ဂီလာနီသည် ၎င်းက 'ခမ်းနားပြီး အဆင့်မြင့်ဆုံး' ဟု ခေါ်သော ရထားပေါ်ရှိဝန်ထမ်းများကို ၀မ်းမြောက်ကြောင်း နှုတ်ဆက်၍ အဆိုပါရထား ၀န်ဆောင်မှုသည် အနာဂတ် ပုဂ္ဂလိက နှင့် အများပိုင် အကျိုးတူပူးပေါင်းမှုများ အတွက် လမ်းစသစ် တစ်ခုအဖြစ် ဆောင်ရွက်ပေးပြီး ပါကစ္စတန်၏ ကျဆင်းနေသောစီးပွားရေးကို ဦးမော့လာရန် ဆောင်ရွက်နိုင်မည်ဖြစ်ကြောင်း ပြောကြားသည်။
"ပုဂ္ဂလိကကဏ္ဍအတွက် ကြီးမားတဲ့ ပဏာမခြေလှမ်းတစ်ခုပါပဲ။ ဒီလို လုပ်ငန်းမျိုးတွေကို ကျွန်တော်တို့ လှိုက်လှိုက်လှဲလှဲနဲ့ကို ကြိုဆိုနေ ပါတယ်"ဟု ပါကစ္စတန်မီးရထားဌာန၏ဥက္ကဋ္ဌ အာရစ်ဖ်အဇင်က အေအက်ဖ်ပီသို့ ပြောကြားသည်။
ယခင်နှစ်များစွာအတွင်းက ခရီးသည်များသည် လေကြောင်းလိုင်းများနှင့် အဆင့်မြင့် ဇိမ်ခံအဝေးပြေးကားများကိုသာ ရွေးချယ်၍ ခရီးသွားလာခဲ့ကြသောကြောင့် ရထားလုပ်ငန်းမှာ နှစ်ပေါင်းများစွာ ကျဆင်းခဲ့သည်ကို တွေ့ခဲ့ရသည်။
အဇင်က အထက်တန်း အမြန်ရထား နှင့်အလားတူ ၀န်ဆောင်မှုတစ်ခုကို လာဟိုးနှင့် ကရာချိမြို့များကြား ဖေဖော်ဝါရီ ၂၀ တွင် စတင် ဆောင်ရွက်နိုင်ရန် မျှော်လင့်နေပြီး ရင်းနှီးမြှုပ်နှံသူများက ရထားလုပ်ငန်းအား ကယ်တင်ရန် နောက်ထပ် ငွေသန်းပေါင်းများစွာ ထည့်ဝင်လာကြလျှင် အောင်မြင်နိုင်မည်ဖြစ်သည်။
"ကျွန်တော်တို့ ရထားလုပ်ငန်းက တော်တော်ကို အခြေအနေဆိုးရွားနေတဲ့အတွက် ရင်းနှီးမြှုပ်နှံမှုတွေက အများကြီးလိုပါတယ်။ ရထားတွဲစု အသစ်တစ်ခု နီးပါးကို လိုအပ်နေပါတယ်။ ကျွန်တော်တို့ ရထားတွဲတွေရဲ့ ၇၅ ရာခိုင်နှုန်း က ၁၉၁၉ နဲ့ ၁၉၃၀ ကြားက Vintage အမျိုးအစားတွေ ဖြစ်ပါတယ်"ဟု ၎င်းက ပြောသည်။
Myanmar Times
No comments:
Post a Comment