Android OS ဖုန်းတွေထဲမှာ
ထည့်သွင်းအသုံးပြုနိုင်တဲ့ All Backup ဆိုတဲ့ ဆော့ဖ်ဝဲအသုံးပြုပုံကို
ဖော်ပြပေးမှာဖြစ်ပါတယ်။ ဒီဆော့ဖ်ဝဲကတော့ ဖုန်းထဲမှာရှိနေတဲ့
အရာတွေကိုပျက်သွားခြင်း၊ ပျောက်သွားခြင်းတွေကနေ ကာကွယ်နိုင်ဖို့အတွက်
အသုံးပြုတဲ့ဆော့ဖ်ဝဲပဲ ဖြစ်ပါတယ်။
ဖုန်းထဲကအရာတွေကို Backup လုပ်ထားနိုင်တဲ့ဆော့ဖ်ဝဲပါပဲ။ ဒီဆော့ဖ်ဝဲကို
အသုံးပြုချင်တယ်ဆိုရင်တော့ Android OS ဖုန်းတွေထဲမှာ အလွယ်တကူ
ထည့်သွင်းအသုံးပြုနိုင်ပါတယ်။ ဒါ့အပြင် တခြားဖုန်းတွေဖြစ်တဲ့ Apple
ဖုန်းတွေနဲ့ Windows Mobile ဖုန်းအစရှိတဲ့ တခြား OS စနစ်တွေအတွက်လည်း
ဒီလိုမျိုး Backup ဆော့ဖ်ဝဲတွေရှိပါတယ်။ အခုဖော်ပြပေးသွားမှာကတော့ Android
OS ဖုန်းတွေမှာအသုံးပြုတဲ့ All Backup ဆော့ဖ်ဝဲအသုံးပြုပုံကို
ဖော်ပြပေးသွားမှာဖြစ်ပါတယ်။ All Backup ဆော့ဖ်ဝဲ အသုံးပြုပုံကတော့
ပထမဆုံးဆော့ဖ်ဝဲ Icon ကိုဖွင့်လိုက်ပါ။ ဒါဆိုရင်တော့ Backup
ဆော့ဖ်ဝဲဖိုင်ပွင့်လာမှာဖြစ်ပြီး ဆော့ဖ်ဝဲရဲ့ Interface တစ်ခုကို
မြင်တွေ့ကြရမှာဖြစ်ပါတယ်။ ဒီမှာတော့ Backup to SD, Restore From SD, Quick
Backup, Schedule Backup, Cloud Services, Application အစရှိတဲ့အရာတွေကို
မြင်တွေ့ရမှာဖြစ်ပါတယ်။ ဒါတွေကတော့ ဆော့ဖ်ဝဲထဲမှာ အသုံးပြုနိုင်မယ့်
စနစ်တွေပဲဖြစ်ပါတယ်။ ပထမဆုံးစနစ်တစ်ခုဖြစ်တဲ့ Backup to SD ဆိုတာကတော့
ကိုယ့်ဖုန်းထဲမှာရှိနေတဲ့အရာတွေကို SD Card ထဲမှာသွားပြီး Backup
လုပ်ထားမလားဆိုတဲ့ စနစ်ပဲဖြစ်ပါတယ်။ တကယ်တမ်းပြောရမယ်ဆိုရင်တော့ ဒီစနစ်က
ကောင်းမွန်တယ်လို့ဆိုရမှာပါပဲ။ ဘာကြောင့်လဲဆိုတော့
ဖုန်းထဲမှာရှိနေတဲ့အရာတွေကို ကိုယ့်ဖုန်းရဲ့ SD Memory Card
ထဲမှာသွားပြီးတော့ Backup လုပ်ပြီး သိမ်းဆည်းထားမယ်ဆိုရင်တော့ မတော်တဆ
ဖုန်းပျက်သွားရင်ပဲဖြစ်ဖြစ်၊ Firmware ကျသွားတဲ့အခါမျိုး၊ Firmware
ပျက်သွားတဲ့အခါမျိုးတွေမှာဆိုရင် ဖုန်းထဲမှာရှိနေတဲ့
အချက်အလက်တွေပျက်မသွားအောင် ဆုံးရှုံးမသွားအောင် ကာကွယ်ထားနိုင်ပါတယ်။
ဖုန်းတစ်ခုခုဖြစ်သွားခဲ့တယ်ဆိုရင်တောင် SD Card ကိုထုတ်ပြီး
ပြန်လည်အသုံးပြုနိုင်ပါတယ်။ Backup to SD ဆိုတဲ့ထဲကို ၀င်လိုက်တာနဲ့ Phone
Contact, SMS, Call Logs, System Settings, Alarm, Bookmarks, Email
Account, Calendars, Notepad, Richpad အစရှိတာတွေကို
မြင်တွေ့ရမှာဖြစ်ပါတယ်။ ဒါ့အပြင် ဒီထဲမှာမှ Contact ဆိုရင်လည်း ဘယ်လို
Contact အမျိုးအစားကို ရွေးချယ်မယ်၊ Calendar ဆိုရင်လည်း
ဘယ်လိုအမျိုးအစားကိုရွေးချယ်ပြီး Backup လုပ်မယ် အစရှိသဖြင့်
ရွေးချယ်နိုင်ပါသေးတယ်။ ကိုယ်က Backup လုပ်ချင်တဲ့အရာကို Select လုပ်ပြီး
အမှတ်ကလေးတွေပေးပြီး ဘယ်ဟာကိုလုပ်မယ်၊ ဘယ်ဟာကိုမလုပ်ဘူး အစရှိသဖြင့်
ရွေးချယ်နိုင်ပါတယ်။ အားလုံးပြီးသွားရင်တော့ အောက်ဘက်မှာ Backup, Deselect
All, Cancle အစရှိတဲ့ သုံးခုကိုမြင်တွေ့ရမှာဖြစ်ပါတယ်။ ကိုယ်မှတ်သားထားတဲ့
အမှတ်အသားတွေကို ဖျက်ချင်တယ်ဆိုရင်တော့ Deselect All
ကိုအသုံးပြုနိုင်ပါတယ်။ Backup လုပ်မယ်ဆိုရင်တော့ Backup
ကိုအသုံးပြုနိုင်ပါတယ်။ စနစ်ထဲကနေ ပြန်ထွက်ချင်တယ်ဆိုရင်တော့ Cancle
ကိုအသုံးပြုနိုင်ပါတယ်။ နောက်ထပ်စနစ်တစ်ခုကတော့ Restore From SD
ဆိုတဲ့စနစ်ပဲဖြစ်ပါတယ်။ ဒီစနစ်ကတော့ ကိုယ်ကဖုန်းရဲ့ SD Card
ထဲမှာအချက်အလက်တွေကို Backup လုပ်ထားတယ်ဆိုရင် SD Card ထဲကနေပြန်ယူပြီး
အသုံးပြုနိုင်တဲ့စနစ်ပဲဖြစ်ပါတယ်။ Restore From SD ဆိုတဲ့စနစ်ကို
နှိပ်လိုက်တာနဲ့ကိုယ် Backup လုပ်ထားတဲ့ဖိုင်တွေကို မြင်တွေ့ရမှာဖြစ်ပါတယ်။
အဲဒီထဲကမှ ကိုယ်က ပြန်ပြီးအသုံးပြုလိုတဲ့၊ ထည့်သွင်းလိုတဲ့စနစ်ကို
ရွေးချယ်အသုံးပြုရမှာပါ။ ဒီထဲမှာလည်း ခုနကအပေါ်မှာပြောပြခဲ့တဲ့ Backup
စနစ်လိုပဲ မြင်ကွင်းမျိုးကို မြင်တွေ့ရမှာဖြစ်ပါတယ်။ Phone Contact, SMS,
Call Logs, System Settings, Alarm, Bookmarks, Email Account, Calendars,
Notepad, Richpad အစရှိတဲ့စနစ်တွေကို မြင်တွေ့ရမှာဖြစ်ပါတယ်။ ဒီထဲကမှကိုယ်က
Contact ကိုပြန်လိုချင်တယ်၊ SMS ကိုပြန်လိုချင်တယ် အစရှိတဲ့
ကိုယ်လိုချင်တာတွေကို အမှတ်အသားပြန်ပေးပြီး Restore
ပြန်လည်ပြုလုပ်နိုင်ပါတယ်။ ဒါဆိုရင်တော့ Backup စနစ်တွေကို
ပြန်လည်ရရှိနိုင်မှာဖြစ်ပါတယ်။ ကျန်ရှိတဲ့အချက်အလက်တွေကို နောက်တစ်ပတ်မှာ
ဆက်လက်ဖော်ပြပေးသွားပါမယ်။
ရေးသားသူ - ကိုသက်
Internet Journal |
No comments:
Post a Comment