Monday 23 December 2013
ထောင်ခုနစ်ရက်ကျအကျဉ်းသား အင်းစိန်ထောင်ရောက်ပြီး ၂၄ နာရီအတွင်း သေဆုံးသွား
အင်းစိန်ဗဟိုအကျဉ်းထောင်တွင် ထောင်ခုနစ်ရက်ကျသည့် အကျဉ်းသားတစ်ဦးထောင်ထဲရောက်ပြီး ၂၄ နာရီအတွင်းထောင်ဆေးရုံ၌ သေဆုံးသွားကြောင်း သတင်းရရှိသည်။ သာကေတမြို့နယ်အတွင်းနေအမျိုးသားတစ်ဦးသည် ရန်ကုန်ရဲအက်ပုဒ်မ-၄၁(၁၄)ဖြင့် သာကေတမြို့နယ်တရားရုံးက ဒီဇင်ဘာ ၁၉ ရက်တွင် ထောင်ဒဏ်ခုနစ်ရက်စီရင်ချက်ချမှတ်ခံခဲ့ရသည်။
ထို့ကြောင့်အင်းစိန်ဗဟိုအကျဉ်းထောင် အိပ်ဆောင်အမှတ် (၁) အခန်း ၅ ၌ ညဘက်တွင်ချုပ်နှောင်ထားစဉ် အသည်းနှင့် အူအတက်ရောဂါဖြစ်ပွားသောကြောင့် ၎င်းအကျဉ်းသားကို ထောင်ဆေးရုံသို့ ပို့ကာ ဆေးကုပေးခဲ့သည်။ ထိုသို့ ထောင်ဆေးရုံတွင်ဆေးကုပေးနေစဉ် နောက်တစ်နေ့ဒီဇင်ဘာ ၂၀ ရက် ညနေအချိန်၌ အကျဉ်းသားမှာသေဆုံးသွားခဲ့ခြင်းဖြစ်သည်။
သေဆုံးသူ၏အလောင်းကို စစ်ဆေးကြည့်ရာ ပြင်ပဒဏ်ရာမတွေ့ဘဲ ယင်းသေဆုံးမှုမှာ ဓမ္မတာအတိုင်း သေဆုံးခြင်းဟုတ်၊ မဟုတ်စစ်ဆေးနိုင်ရန်အင်းစိန်မြို့မရဲစခန်းကသေမှု သေခင်းဖြင့်အမှုဖွင့်ပြီး အင်းစိန်မြို့မစခန်းမှူးကိုယ်တိုင် စစ်ဆေးနေကြောင်း ရဲစခန်းမှ တာဝန်ရှိသူတစ်ဦးက ဒီဇင်ဘာ ၂၁ ရက် တွင်ပြောသည်။
7Day Daily
Subscribe to:
Post Comments (Atom)
No comments:
Post a Comment