ဆော်ဒီအာရေးဗီးယားမှာ အမျိုးသမီးတွေ ကားမမောင်းရဘူးလို့ မူဝါဒ ချထားတာကို ဆော်ဒီလူရွှင်တော် ဂီတသမားတွေက သရော်ထားတဲ့ သီချင်းတစ်ပုဒ် စပ်ဆို ထုတ်ပြန်ခဲ့တာကို You Tube ပေါ် တင်လိုက်ရာက ရက်အနည်းငယ်အတွင်း ကြည့်ရှုသူ ခုနစ်သန်း ကျော်သွားခဲ့တယ်လို့ Sky News သတင်းတစ်ပုဒ်မှာ ဖော်ပြထားပါတယ်။
ဂျမေကာ နာမည်ကြီး ရက်ဂေးအဆိုတော် ဘော့မာလေရဲ့ No Woman, No Cry ဆိုတဲ့ သီချင်းရဲ့ အလိုက်ကို ယူထား ပြီး No Woman, No Drive ဆိုပြီး သီဆိုထားတာ ဖြစ်ပါတယ်။
အာရပ်အမေရိကန် လူရွှင်တော် ဟီရှန်ဖာဂီးက ဒီရုပ်သံသီချင်းကို ပြုလုပ်ခဲ့တာ ဖြစ်ပြီးတော့ နောက်ခံတေးဂီတ မပါဘဲ အနုပညာရှင်တွေက ပါးစပ်နဲ့ တီးမှုတ်တဲ့ အသံကိုသာ အသုံးပြုထား ပါတယ်။
သီချင်းဟာ အလွန် ဟာသမြောက်ပြီး ဆော်ဒီလူ့အဖွဲ့အစည်းက အမျိုးသမီးတွေကို နောက်တန်း ပို့ထားပုံကို ထိထိမိမိသရော် ထားတဲ့ စာသားတွေနဲ့ ဖော်ပြထားတာပါ။
ဘာသာရေး အယူသည်းသူတွေ ကတော့ ဒီအနုပညာရှင် ပြုလုပ်တဲ့ သရော်မှု ကို သိပ်မကြိုက် ကြပါဘူး။
မိန်းမတွေ ကားမမောင်းဘူး ဆိုရင် သူတို့ မျိုးဥအိမ်လည်း ကျန်းမာပြီး ကလေးများများ မွေးနိုင်လိမ့်မယ်လို့ ဆော်ဒီဘာသာရေးဆရာ တစ်ဦးက မှတ်ချက်ပြုထားတာ ကိုလည်း သီချင်းထဲ ထည့်လှောင် ထားပါသေးတယ်။
http://www.youtube.com/watch?v=aZMbTFNp4wI တွင်ကြည့်နိုင်ပါသည်။
The Voice Weekly
No comments:
Post a Comment