အသည်း နှလုံး ရှိသူတိုင်း လွမ်းတတ် ကြသည်။ အချစ်နှင့် မကင်း သူတိုင်း လွမ်းဖူး ကြသည်။ ကျွန်တော့်မှာ အသည်းနှလုံး လည်း ရှိသည်။
အချစ် နှင့်လည်း မကင်း ဖြစ်ဖူးသည်။
အချစ်နှင့် မကင်း တာမှ ယခင် လည်း မကင်း၊ ယခုလည်း မကင်းသေး၊ နောင်လည်း မကင်း
ဖြစ်နေ ဦးမည်။ အို...မရှက် မကြောက် ပြောမည်။ သေတော့ မှသာ အချစ်နှင့် ကင်း
မည် ဖြစ် သည်။ ဒါပေမဲ့ ကျွန်တော် မလွမ်းဖူး သေး ဖြစ်နေသည်။ သူများ တွေလို
အချစ်နှင့် ပတ်သက်ပြီး ၀တ္ထုထဲ ကလို လွမ်းကြည့် ချင်သည်။
ကျွန်တော့်
ဇနီး မဖြူတုတ် နှင့် အိမ်ထောင် သက် နှစ်ပေါင်း လေးဆယ် ကျော် ပါပြီ။
သားသမီး တွေတောင် ဘွဲ့ရ အရွယ်တွေ ရောက်နေ ပါပြီ။ မဖြူတုတ် နှင့် ပတ်သက်ပြီး
တစ်ခါမျှ မလွမ်း ခဲ့ရ၊ မဆွေးခဲ့ ရလို့ နှလုံးသား ခြောက် ကပ်ကပ်ကြီး ဖြစ်နေ
သည်။ မဖြူတုတ် ကြောင့်ဖြစ်ဖြစ်၊ ဘယ်အမျိုး သမီး ကြောင့်ဖြစ် ဖြစ် တစ်ခါ
တလေ လွမ်းဖူးတယ် ရှိအောင် လွမ်းကြည့် ချင်သည်။ အချစ် ဝေဒနာ ကြောင့် အသည်း
ကွဲနေသူ အဖြစ်ဖြင့် မိုးကလေး ညို့လာ လျှင် လွမ်းကြည့် ချင်သည်။ နွေရာ သီမှာ
ဥသြငှက် ကလေး မြည်လျှင် ဆွေး ကြည့် ချင် သည်။ ရွက်ဝါလေး ပြုတ် ကျ လွှင့်ပါ
သွားတာ မြင်လျှင် ငိုကြည့် ချင်သည်။
မဖြူတုတ် နှင့် ကျွန်တော်
ဘ၀ခရီး ဖော်ဖြစ် ရတာက ဇာတ်လမ်း အလွန် ရိုးစင်း သည်။ မဖြူတုတ် ကို မမြင်
ဖူးမီ မှာ အမေက ကျွန်တော့်ကို ခေါ်ပြော သည်။
“နင့်ဆီကို စာရေးပြီး
ဆက်သွယ် နေတဲ့ ကလေးမ တွေနဲ့ နင်နဲ့ ဘယ် အခြေ အနေ ရောက် နေလဲ။ သူတို့
အထဲမှာ နင် လက်ထပ် ယူဖို့ ရည်ရွယ် ထားသူ ရှိသလား”
“ဘယ်အခြေ အနေမှ မရောက်၊ ရည်ရွယ် ထားသူ တစ်ယောက် မှ မရှိ” “ဒါဆိုရင် အဲဒါတွေနဲ့ အဆက် ဖြတ်လိုက်၊ ငါ့မှာ နင့်အတွက် ရည်ရွယ် ထားသူ ရှိ တယ်” “ဖြတ်စရာ မလို၊ သူတို့ ဟာသူတို့ အလိုလို ပြတ်သွား ကြလိမ့်မယ်”
အမေက သူ ရည်ရွယ် ထားသူ မဖြူတုတ် အကြောင်း ပြောပြသည်။ ကျွန်တော့် အမေနှင့်
မဖြူတုတ် ၏ အမေ သည် ညီအစ်မ တစ်ဝမ်းကွဲ ဖြစ်လို့ မဖြူတုတ် နှင့် ကျွန်တော်
သည် မောင်နှမ နှစ်ဝမ်းကွဲ ဖြစ်နေ သည်။ မဖြူတုတ် ၏ အဘွားနှင့် ကျွန်တော့်
အဘွားသည် ညီ အစ်မအရင်း ဖြစ်သည်။ အမေ ရည်ရွယ် ထားသည့် နှမ၀မ်း ကွဲ မဖြူတုတ်
ကို လက်ထပ် ယူရမည် ဖြစ်လို့ ရည်းစားစာ လည်း ရေးစရာ မလို၊ ရည်း စားစကား
လည်း လိုက် ပြောစရာ မလို ဖြစ်သွားသည်။ အဲဒီတော့ မိုးပဲ ညိုညို၊ နွေ ဥသြပဲ
ငိုငို၊ ရွက်ဝါ ကြွေ လို့ မက အပင် ပါ လဲကျသွား လည်း လွမ်းစရာ မလို ဖြစ်ခဲ့
ရသည်။ လူပျို ဘ၀မှာ ရည်း စားပူမိပြီး မလွမ်းဖူး၊ မဆွေး ဖူးခဲ့ရလို့ ဘ၀အတွေ့
အကြုံ မပြည့်စုံ သလိုဖြစ်ပြီး ဘ၀မှာ ဟာတာတာ ကြီးဖြစ် နေသည်။ သူများတွေ
လွမ်းသလို လွမ်း ဖူးတယ်ရှိ အောင် တစ်ခါတလေ လွမ်းကြည့် ချင်သည်။
ယခုနှစ် စာဆိုတော် ရာသီမှာ မြစ်ဝကျွန်း ပေါ်မြို့တစ် မြို့က ကျွန်တော့်ကို
စာပေ ဟောပြော ပွဲဖိတ် သည်။ ကျွန်တော် ၀မ်းသာ ရင်ခုန် သွားသည်။ အဲဒီမြို့မှာ
ကျွန်တော် နှလုံးသား ဇာတ် လမ်းရှိ ခဲ့ဖူးသည်။ ကျွန်တော် လူပျို ဘ၀တုန်းက
ကျွန်တော့် အတွက် စာတိုက်က လာတဲ့ စာတွေ အားလုံးကို အမေက ဖောက် ဖတ် တာမှာ
အဲဒီမြို့က အပျို မဗေဒါ ဆီက စာတစ် စောင် အမြဲ ပါသည်။ မဗေဒါ ဆိုတာ
နာမည်ရင်း မဟုတ် ပါ။ ကျွန်တော် ပေးခဲ့သည့် နာမည် ဖြစ်သည်။
မဗေဒါ
တို့မြို့သည် ချောင်းကမ်း နဖူးတွင် တည်ဆောက် ထားသော မြို့ဖြစ် သည်။
အဲဒီချောင်းက ဒီရေ အတက် အကျမှာ ဗေဒါပင်တွေ အုပ်ဖွဲ့ မျောပါလာ လေ့ရှိသည်။
ကျွန်တော်က ဗေဒါပင်နှင့် ဗေဒါပန်း ကိုချစ်လို့ သူ့ကို လည်း မဗေဒါလို့ နာ
မည်ပေးခဲ့တာ ဖြစ်သည်။ သူကလည်း အဲဒီနာမည် ကို သဘော ကျသည်။ ကျွန်တော် က
ပေးသည့် နာမည်ဖြစ်လို့ နှစ်သက်မြတ် နိုးစွာ လက်ခံခဲ့ သည်။ ကျွန်တော်နှင့်
စကား ပြောလျှင် အဲဒီ နာမည်နဲ့ပဲ ပြောသည်။
“အစ်ကိုတို့ ရေတပ် သင်္ဘော
ရန်ကုန် ကို ပြန်သွား ရင် မဗေဒါ အစ်ကို့ကို လွမ်း ကျန်ရစ် တော့မယ် အစ်ကို
ရယ်၊ မဗေဒါ ဆီကို အစ်ကို ပြန်လာခဲ့ ပါနော်...အစ်ကို နော်...”
“ပြန်လာ မှာပေါ့ မဗေဒါ ရယ်...အစ်ကိုလည်း မဗေဒါ ကို လွမ်းနေ မှာပါကွယ်”
ကျွန်တော် သင်္ဘော သား မဖြစ်မီ ရေတပ်သား ဘ၀မှာ အဲဒီမြို့သူ မဗေဒါ နှင့်
အဲဒီလို ဇာတ်လမ်း ရှိခဲ့ ဖူးသည်။ ယခုတော့ စာရေး ဆရာ ဘ၀ဖြင့် စာပေ ဟော
ပြောရန် မဗေဒါ ရှိရာ အဲဒီ မြို့ကို သွားရ တော့မည်။ မဗေဒါ ဘ၀ ဘာတွေ ဖြစ်နေ
သည် မသိ၊ ခွဲခွာလို့ ကွဲ ကွာခဲ့ကြတာ နှစ်ပေါင်း လေး ဆယ်ကျော် ပြီဆိုတော့
အပြောင်း အလဲတွေ အများ ကြီး ဖြစ်နေ ရော့မည်။ လင် သားရလို့ သား သမီးအိမ်
ထောင် သည်တွေပင် ရှိရော့ မည်။ ကျွန်တော် မဖြူတုတ် နှင့် လက်ထပ်ပြီး သည်အထိ
မဗေဒါဆီက စာတွေကို ရနေ ခဲ့သေးသည်။ မဗေဒါ စာထဲ မှာ အမြဲပါသည့် စာတစ် ကြောင်း
ရှိသည်။
“ရွာချောင်း ရေမှာ ဗေ ဒါပန်းက လန်း လျက်ပါ အစ်ကို...”
မြို့ အစွန်မှာ ရှိသည့် သူ တို့ရွာဘေးက ချောင်းက လေးမှာ ဗေဒါပန်း တွေ စုန်
ဆန်မျော နေဆဲပါ အစ်ကိုလို့ ပြောတယ် ဆိုလျှင် မှန်ပါ သည်။ သို့သော်
ပြည့်စုံစွာ မှန်ကန်မှု မရှိပါ။ မဗေဒါ သည် နိမိတ် ပုံဖြင့် သူ့ဘ၀ကို တင်စား
လိုက်တာ ဖြစ်သည်။ မဗေဒါဟာ အပျိုစင် ဘ၀ဖြင့် အစ်ကို့ကို စောင့်မျှော် နေဆဲ
ပါလို့ ပြောလိုတာ ဖြစ်မည်။ ကျွန်တော် တို့ချင်းသာ သိသည့် ဥပမာ ဖြစ်သည်။
နှစ်ပေါင်း လေးဆယ် ကျော်ကြာ ပြီးနောက် စာရေး ဆရာ ဘ၀ဖြင့် မဗေဒါရှိရာ
မြို့ကို သွားရ တော့မည် ဆို သည့်အခါ ရင်ခုန် သွားသည်။ အဲဒီမြို့ကို
ရောက်လို့ မဗေဒါ နှင့် တွေ့လျှင် ၀တ္ထု တွေထဲ ကလို လွမ်းကြည့် မည်ဟု ရည်
ရွယ်သည်။ ဆရာ တက္ကသိုလ် ဘုန်းနိုင်ရဲ့ လေသံဖြင့်(ညီမလေး လို့ပဲ ဆက်၍ ခေါ်မည်
မဗေဒါ) ဟူ၍ လည်းကောင်း၊ ဆရာ ဗန်းမော် တင်အောင်၏ လေသံဖြင့် (ချစ်ပါ လျက်
မဆုံစည်း နိုင်တော့ ကာပဲရယ်နဲ့) ဟူ၍ လည်းကောင်း ရုပ် ရှင်သရုပ်ဆောင်
ဦးမြတ်လေး ၏ အမူအရာဖြင့် လွမ်းပစ် လိုက်မည်ဟု ရည်ရွယ်သည်။ မဗေဒါကို
ချစ်ပါလျက်နဲ့ ကံကြမ္မာ၏ လှည့်စား မှုခံ လိုက်ရလို့ အမေ ပေးစားသည့်
မဖြူတုတ်ကို လက် ထပ်ယူ လိုက်ရသည့် အပြော မျိုးတွေ ပြောပြီး လွမ်းပြလိုက်
မည်ဟု ရည်ရွယ် သည်။
ခရီးထွက် ရမည့်နေ့ နံနက်မှာ မဖြူတုတ်က လို
အပ်မည် ထင်သည့် ခရီးဆောင် ပစ္စည်းတွေ နှင့်အတူ လိုလို မည်မည် ခရီးဆောင်
ပိုက်ဆံ ငါးသောင်း ထည့်ပေး သည်။
“စာပေ ဟောပြောပွဲ သွားတာ ပိုက်ဆံ
များများ ယူ သွားစရာ မလိုဘူး။ စာပေ ဟောပြော ပွဲ ဖိတ်သူ တွေရဲ့ စရိတ်နဲ့
သွားရတာ။ စာပေ ဟောပြောပွဲ ပြီးရင် ဒေသခံ တွေက ပိုက်ဆံ နှင့် လက် ဆောင်တွေ
ပေးကြဦး မယ်။ ရတာ တွေကို အလျော့ အပေါ့ မရှိအောင် သယ်ယူ ပြီး ပြန် လာခဲ့”
မဖြူတုတ်၏ တစ်ချက် လွတ် အမိန့် ဖြစ်သည်။ သူ ပြောပုံ အရဆိုလျှင် ဒေသခံ
တွေပေးသည့် လက်ဆောင် ပစ္စည်းတွေ နှင့် ပိုက်ဆံ အပြင် အိမ်က ယူသွား သည့်
ပိုက်ဆံ ငါးသောင်းပါ အလျော့ အပေါ့ မရှိ စေဘဲ ပြန်ပါလာရ မည်ဆိုသည့် သဘော
ဖြစ်နေ သည်။
နံနက် ၇ နာရီမှာ လှိုင် သာယာဂိတ် က ထွက်သည့် အဝေးပြေး
ကားကြီးဖြင့် ခရီး ထွက်ကြသည်။ မဗေဒါတို့ မြို့ကို ရောက်လျှင် စာပေ အတူ
ဟောကြ ရမည့်ဆရာ တွေက တော့ စာပေဟော ပြောပွဲ သွားရိုး သွားစဉ် အတိုင်းပင်
တည်ငြိမ် အေးဆေးစွာ လိုက် ပါလာကြသည်။ ကျွန်တော် သာ ဂနာ မငြိမ် ဖြစ်နေသည်။
မဗေဒါ တို့မြို့ ကိုရောက်လျှင် မဗေဒါနှင့် ပြန်တွေ့ရတော့ မည်ဆို သည့်အတွေး
ဖြင့် ဂနာမငြိမ် ဖြစ်နေ သည်။ မဗေဒါ နှင့် ပြန်တွေ့လျှင် ဘိုဘိုဟန်
သီချင်းထဲ ကလို (ဘိုင်စကုတ် ထဲကလို ချစ်ကြ မယ်ဟေ့) လုပ်လို့တော့ မရပြီ။
ဝတ္ထုတွေ ထဲကလို (မုန်း ရစ်တော့ သက် လယ်၊ လွမ်းရစ်တော့ အချစ် ရယ်) အိုက်တင်
မျိုးဖြင့် လွမ်း ပြလိုက် မည်ဆိုသည့် အတွေး ဖြင့် ရင်ခုန် နေသည်။
မဗေဒါတို့ မြို့ကို ညနေ စောင်း ၃ နာရီ လောက်မှာ ရောက်သွား ကြပါသည်။
မြို့လယ် ကောင် တစ်နေရာ က စာ ပေကော် မတီဝင် ပုဂ္ဂိုလ် တစ်ဦး ပိုင်အိမ်ကြီး
တစ်အိမ်၏ အပေါ် ထပ်မှာ နေရာချ ထားပေးခြင်း ခံရ သည်။ ယနေ့ညပင် စာပေ ဟောပြော
ကြရမည် ဖြစ်သည်။ မနက်ဖြန် နံနက် စောစောမှာ အဆာပြေ စားပြီးတာနှင့် ပြန် ကြ
ရမည်ဖြစ် သည်။ ဒီအစီ အစဉ် အတိုင်း ဆိုလျှင် မဗေဒါ ကိုတွေ့ပြီး လွမ်းဖို့
ကိစ္စ အချိန် မရ ဖြစ်နေ သည်။ ယနေ့ ညနေ မှာ အချိန် ရသေးသည်။ မဗေဒါ
တို့အိမ်ရှိရာ မြို့အစွန် က သင်္ဘော ဆိပ်ကို သွားမည် ဟု ဆုံးဖြတ် လိုက်သည်။
မဗေဒါ တို့မြို့၏ အခြေ အနေနှင့် ပုံသဏ္ဌာန် သည် လွန်ခဲ့သည့် နှစ်ပေါင်း ၄၀
လောက်ကနဲ့ မတူတော့ ဘဲ အများကြီး ပြောင်းလဲနေ သည်။ မြို့ဈေး လမ်းကနေ
တောင်ဘက် ကို လျှောက် သွားပါက ဧရာဝတီ သင်္ဘော တွေနှင့် ရေတပ် သင်္ဘောတွေ
ဆိုက်ကပ် သည့် သင်္ဘောဆိပ် ကို ရောက်သည်။ သင်္ဘော ဆိပ်အလွန် က ရုပ်ပွား တော်
တစ်ဆူ ရှိသည့် ဘုရားတန် ဆောင်းနှင့် မျက်နှာ ချင်းဆိုင် အိမ်သည် မဗေဒါ
တို့အိမ်ဖြစ် သည်ဆိုတာ ကို မှတ်မိနေ သည်။ လမ်းလျှောက် ဟန် ဆောင်ပြီး
တစ်ယောက် တည်း သွားမည်ဟု ဆုံးဖြတ် လိုက်သည်။
“ဆရာတို့ အနားယူကြ ဦး၊ ကျွန်တော် လမ်းလျှောက်ရင်း မိတ်ဟောင်း ဆွေဟောင်း တွေကို သွား တွေ့နှုတ် ဆက် လိုက်ဦးမယ်”
“ဒီမြို့မှာ ဘယ်တုန်းက မိတ်ဟောင်း ဆွေဟောင်း ရှိနေ ပြန်တာလဲ”
“သင်္ဘော သားမဖြစ်မီ ရေတပ်သား ဘ၀တုန်းက ပေါ့ ဆရာရယ်၊ မြစ်ဝ ကျွန်းပေါ်
တစ်ဝိုက်က မြို့တွေ ရွာတွေမှာ မေတ္တာ ခလုတ်တိုက် ခဲ့တာလေး တွေက နေရာ
အနှံ့မှာ ရှိခဲ့ တယ်လေ” “သွား သွား၊ ကျန်းကျန်း မာမာ ပြန်လာ နိုင်ပါစေ”
“ပိုင်ပါ တယ် ဆရာရယ်”
နှစ်ပေါင်း လေးဆယ် ကျော် ဆိုသည့် ကာလ ယန္တရား သည် ဒီမြို့က လမ်းတွေ၊ သစ်ပင်
တွေနှင့် အဆောက် အအုံ တွေ၏ ပုံသဏ္ဌာန် တွေကို အများကြီး ပြောင်းလဲ စေ
ခဲ့ပြီပဲလို့ သတိထား လိုက်မိ သည်။ ဒီမြို့က ရုပ်ဝတ္ထု တွေ အများအပြား
ပုံသဏ္ဌာန် ပြောင်းလဲခဲ့ ပြီဆိုတော့ ဒီမြို့က မဗေဒါ၏ ရုပ်ရည် ရူပါ အသွင်
သဏ္ဌာန် သာမက ဘ၀ပါ ပြောင်းလဲ နေပေရော့ မည်ဟု တွေးမိ ပါသည်။ မဗေဒါတို့
အိမ်နောက် က ချောင်းကမ်း နားဘေး က ကုက္ကို ပင်ကြီး ရှိ သေးသလား၊ ရေတိုက်
စားလို့ လဲကျ သွားပြီလား၊ ရှိနေ သေး တယ်ဆိုလျှင် လွမ်းလို့ သိပ်ကောင်း မည်။
မဗေဒါနှင့် ကျွန်တော်တို့ ကုက္ကိုပင် ကြီးရဲ့ အရိပ်မှာ အတူထိုင်ပြီး
ချောင်းထဲမှာ စုန်ဆန် မျောနေ ကြသည့် ဗေဒါပင် လေးတွေ ကို ကြည့်နေခဲ့
ဖူးသည်လေ။
“ဗေဒါပင် စိမ်းစိုစို တွေ နဲ့ ဗေဒါပန်း ခရမ်းရောင် လေး
တွေက လှလိုက်တာ မဗေဒါ ရယ်၊ မဗေဒါနဲ့ အလှချင်း ပြိုင်ချင်လို့
အစ်ကို့ရှေ့မှာ စုန် ဆန် လုပ်ပြနေရ ကြသလားလို့ အစ်ကို ထင်မိတယ်၊ အစ်ကို့
အဖို့တော့ လေ ဟောဒီက မဗေဒါရဲ့ အလှကို ဘယ်ပန်းနဲ့ ဘယ်မိန်းမ မှ ပြိုင်လို့
မနိုင်ဘူး လို့ ထင်တယ်” “အစ်ကို ဟာလေ အရမ်း စကားတတ် တာပဲ”
မဗေဒါက ရယ်ရယ်ပြုံး ပြုံးပြောပြီး လက်သီး ဆုပ်က လေးဖြင့် ကျွန်တော့်
ပခုံးကို ခပ်ဖွဖွ ထုသည်။ ပြီးတော့ ကျွန်တော့် ပခုံးမှာ ဦးခေါင်းမှီ ပြီး
ကျွန်တော့် မျက်နှာကို မော့ကြည့်နေသည်။ ချစ်တယ် အစ်ကိုရယ်...၊ ဘ၀ ကြင်ဖော်
အဖြစ် လက်တွဲ လျှောက်ကြရ အောင်နော် အစ် ကိုလို့ စိတ်ထဲက ပြောနေ သယောင်
ရှိတော့ သည်။ အဲဒီ တော့ ကျွန်တော်က မဗေဒါ ၏ အချိုးအဆစ် ပြေပြစ် သည့်
ကိုယ်လုံးကို ဆွဲယူပြီး ခပ်တင်း တင်း လေး ဖက်ထား လိုက်သည်။ အဲဒီတော့ မဗေဒါ၏
တစ်ကိုယ်လုံး သည် ကျွန်တော့် ရင်ခွင်ထဲကို ရောက်လာပြီး ကျွန်တော့် ရင်
ဘတ်မှာ မျက်နှာ အပ်ထား သည်။ ကျွန်တော့်ကို လက်နှစ်ဖက် ဖြင့် အားပါး တရဖက်
ထားသည်။ သင်းသင်းလေး မွှေးနေ သည့် မဗေဒါ၏ ဆံပင်လေး တွေကို ကျွန်တော်က
ပွတ်သပ် ပေးနေမိ သည်။ အဲဒါဟာ ကျွန်တော် ရေတပ် သား ဘ၀ကို ဟိုလွန်ခဲ့ သည့်
နှစ်ပေါင်း လေး ဆယ် ကျော် က ဖြစ်သည်။
ဧရာဝတီ သင်္ဘောဆိပ် ကို
ရောက်ပြီ။ ရှေ့ကို နည်း နည်း ဆက်လျှောက် လိုက်လျှင် မဗေဒါ တို့ရပ်ကွက် ကို
ရောက် ပြီဖြစ် သည်။ သင်္ဘောဆိပ် တစ်ဝိုက် ကတော့ အစိုး ရပိုင် နယ်မြေ ဖြစ်လို့
အပြောင်း အလဲ သိပ်မရှိ တာကို သတိ ထားမိသည်။ သင်္ဘော ဆိပ်ရုံး နှင့်
ကုန်ပစ္စည်း သိုလှောင် ရုံတွေ အသစ် ဆောက်ထား တာ တွေ့ရ သည်။ ကျန်တာ ဘာမျှ
ကြီးကြီး မားမား အပြောင်း အလဲ မရှိသည့် အတွက် မဗေဒါ တို့အိမ်ကို မှတ်မိ
နိုင်သည်။ ပြည်လုံး ချမ်းသာ ဆုတောင်း ပြည့်ဘုရား ကြီး တန်ဆောင်း
ကိုတွေ့လိုက် သည်နှင့် မဗေဒါ တို့အိမ်ကို တွေ့ပါ တော့သည်။ ဘာမျှ ထူးထူးခြား
ခြား မပြောင်းလဲ သေးပါ။ ဟို တုန်းက အတိုင်းပင် သစ်သား အိမ်ပြားပြား
နိမ့်နိမ့်ပဲ ရှိသေး သည်။ ထူးခြား ပြောင်းလဲနေ တာကတော့ ဟိုတုန်း ကလို
မိသားစု မများဘဲ လူမရှိ သလောက် နည်းနေ တာကို သတိထား မိသည်။
ဟိုတုန်းက ဆိုလျှင် မဗေ ဒါတို့အိမ်မှာ မိသားစုရှစ် ယောက်လောက် ရှိသည်။
မဗေဒါ တို့ညီအစ်မ အပျို တွေချည်း ငါးယောက် ရှိသည်။ မောင်အငယ် ကောင်လေး ရှိ
သည်။ ကျွန်တော် သူတို့အိမ် ကို လာပြီ ဆိုလျှင် မိသားစု တွေပျော်နေ ကြသည်။
အငယ် တွေက ကျွန်တော့် အနီးမှာ လာထိုင်ကြသည်။ မုန့်ဖိုး တစ်ကျပ် စီပေး
လိုက်လျှင် ၀မ်းသာ ပြီးမုန့်ဝယ် စားဖို့ ပြေးသွားကြ တော့သည်။ ကျွန်တော်၏
ရေတပ်သား လစာ ၁၂၀ ကျပ် သာရသော ခေတ် ဖြစ်သည်။
ကျွန်တော်
အိမ်ခြံထဲကို မ၀ံ့မရဲ ၀င်သွားသည်။ အာ ဟာရချို့ တဲ့ပြီး ပိန်နေလို့ သတ္တိ
ပင်မရှိသည့် ခွေးအိုတစ် ကောင်က အသံတိုး တိုးဖြင့် ၀တ်ကျေ တမ်းကျေ ဟောင်
သည်။ ကျွန်တော်က မကြောက် သည့် ဟန်ဖြင့် အိမ် အနီးသို့ ချဉ်းကပ် လာသည့် အခါ
ခွေးအိုကြီး သည် သူ့နေ ရာ အိပ်နေရာ ကထပြီး အိမ်နောက် ဘက်ကို ၀င်သွားတာ
မြင်လိုက် ရသည်။ ခွေး ဟောင် သံကြားတော့ အိမ်ထဲ က အမျိုးသမီး တစ်ယောက် ထွက်
လာသည်။
အိမ်ထဲက ထွက်လာပြီး ကျွန်တော့်ကို တွေ့သည့် အမျိုး သမီးသည်
ကျွန်တော့်ကို မြင်လိုက်တော့ အံ့သြ သလို၊ ၀မ်းသာ သလို အမူအရာ ဖြစ်သွား
တာကို သတိထား လိုက်မိ သည်။ မ၀ံ့မရဲ မေးသည်။ “ဘယ်သူနဲ့ တွေ့ချင်လို့ ပါလဲရှင်”
“....နဲ့ တွေ့ချင်လို့ပါ”
ကျွန်တော်က မဗေဒါ၏ နာမည်ရင်း ကို ပြောလိုက် သည်။ မဗေဒါနဲ့ တွေ့ချင်ပါ
တယ်လို့ ပြောပြီးတာ တောင် အိမ်ရှင် အမျိုးသမီး သည် ကျွန်တော့်ကို
အိမ်ပေါ်တက် ခွင့်ပြုရမည် ကို အားနာနေသ လိုလို၊ စိုးရိမ် နေ သလိုလို အမူအရာ
ပြနေသည်။ ကျွန်တော် က ကျွန်တော်ဟာ ဘယ်သူ ဘယ်ဝါ ဖြစ်တယ် ဆိုတာ ပြောပြပြီး
မဗေဒါကို တွေ့ခွင့် တောင်းသည်။
“ကျွန်တော် စာရေး ဆရာ အဏ္ဏ၀ါ စိုးမိုးပါ။ ဒီည ဒီမြို့မှာ စာပေဟော ဖို့ လာ တာတာပါ။ ...ရဲ့ မိတ်ဆွေ ဟောင်းပါ”
“အန်ကယ့်ကို စာရေး ဆရာဆိုတာ မြင်လိုက် တာနဲ့ သိတယ်။ ဈေးရှေ့က ပိ
တောက်ပင်မှာ အန်ကယ် တို့ ဓာတ်ပုံ တွေနဲ့ စာပေ ဟောပြော ပွဲကြော်ငြာ ကပ်ထားတာ
တွေ့ ပါတယ်။ မမကြီးက ကျန်းမာရေး မကောင်း ဘူး၊ အိပ်ရာ ထဲ လဲနေတာ တစ်နှစ
်လောက်ရှိပြီ”
“သြော်...” ကျွန်တော် စိတ်မ ကောင်း ဖြစ်သွားသည်။
ကျန်းမာရေး မကောင်းသည့် မဗေဒါကို မတွေ့ဘဲ လှည့် ပြန်သွား မလား၊ တွေ့ပြီး
အား ပေးစကား ပြောမလား၊ အိပ် ရာထဲမှာ လဲနေတာ တစ်နှစ် လောက်ရှိပြီ ဆိုတော့ လေ
ဖြတ်နေတာ ဖြစ်နိုင်သည်။ ဘာပဲဖြစ်ဖြစ် မဗေဒါကို ကျွန်တော် တွေ့ပြီး
နှုတ်ဆက် သင့် သည်လို့ ဆုံးဖြတ်လိုက်သည်။ “ကျွန်တော် တွေ့ချင် တယ်ဗျာ၊ တွေ့ပါရစေ”
အိမ်ရှင် အမျိုးသမီး သည် ကျွန်တော့်ကို အားနာ ပါးနာ လက်ခံ ကြိုဆိုသည်။
အိမ်ဦး ခန်းမှာ ဖျာချောခင်း ပေးပြီး ထိုင်စေသည်။ ကျန်း မာရေး မကောင်းသည့်
မဗေဒါ အခန်းထဲကို ဧည့်သည်ဝင် လျှင် မမြင်သင့်၊ မတွေ့ သင့် တာတွေကို မမြင်
မတွေ့နိုင် အောင် အပြေးအလွှား သွား ရောက်ရှင်း လင်းပြီး ကျွန်တော့် အနီးမှာ
လာပြန် ထိုင်သည်။ “ဒီက ညီမက ဘယ်သူ လဲ၊ ...နဲ့ ဘာတော်လဲ” “ကျွန်မက ကို...ရဲ့ဇနီး ပါ”
မဗေဒါမှာ မောင် အငယ်တစ်ယောက်သာ ရှိ သည်။ ကျွန်တော် ဒီအိမ်ကို ၀င်ထွက်
သွားလာ နေစဉ်က အဲဒီကောင် လေးဟာ ၅ နှစ် မပြည့် သေးလို့ ကျောင်းမအပ်
ရသေးတာကို မှတ်မိသေး သည်။ အခုတော့ သူ့ဇနီး တောင် အသက် ၃၀ ကျော် အရွယ် ဖြစ်
နေသည်။ ဒီအမျိုး သမီးသည် မဗေဒါ ၏ယောက် မဖြစ်သည်။ မဗေဒါကို သူ့ ခင်ပွန်းခေါ်
သလို မမကြီးလို့ ခေါ်တာ ဖြစ်မည်။ သူ ပြော ပြလို့ သူတို့ မိသားစု အကြောင်း
သိရသည်။
မဗေဒါ၏ အဖေနှင့် အမေတို့ ကွယ်လွန်ခဲ့ ကြပြီ။ မဗေဒါ၏ အောက်က
ညီမ တွေ အိမ်ထောင် အသီးသီး ကျ ပြီး တစ်ရပ် တစ်ကျေးမှာ နေ ကြသည်။ ဒီအိမ်မှာ
အငယ် ကောင်၏ မိသားစုသာ လူ မမာ မဗေဒါ ကို ပြုစုစောင့် ရှောက်ပြီး နေကြသည်။
သူ့ ခင်ပွန်းက ဒီမြို့နှင့် ရန်ကုန်ကို ပြေးဆွဲသည့် မော်တော် တစ်စင်း မှာ
အလုပ်လုပ် သည့်အတွက် မော်တော်ဖြင့် ခရီးထွက်နေ သည်ဟု ပြောသည်။ မဗေဒါ၏
အကြောင်း ကို တိုးတိုး မေး ကြည့်သည်။
“...က အိမ်ထောင် မ ကျဘူးလား”
“မကျဘူး၊ အပျိုကြီး။ သူ့ကို ကြိုက်တဲ့ သူတွေ ရှိခဲ့ တယ်လို့ ပြောတယ်။ သူက
လက်မခံဘူး။ သူ့ရည်းစား ရေတပ်သား မောင်စိုး ဆိုတဲ့ လူကို စောင့်ရင်း
အပျိုကြီး ဖြစ်သွားတာ”
ဟာ ဒုက္ခပဲလို့ သတိရ လိုက်သည်။ မဗေဒါ အပျို
ကြီး ဖြစ်ရတာ၊ အိပ်ရာထဲ လဲပြီး လူမမာ ဖြစ်ရတာ ကျွန်တော့် ပယောဂ မကင်းဖြစ်
နေရော သလားလို့ တွေးမိပြီး စိတ်ထိခိုက် သွားသည်။ ၀တ္ထုတွေ ထဲကလို စိတ်ကူး
ယဉ် လွမ်းဖူးတယ် ရှိအောင် ဟန် ဆောင်ပန် ဆောင်လုပ်ကြည့် တာ တကယ့် ပြဿနာနဲ့
လာတိုး နေတော့ သည်။ မဗေဒါ ကို သနား သွားသည်။ မဗေဒါကို တွေ့ချင်သည်။
ပွေ့ဖက်ပြီး ချော့ချင် သည်။ “ကျွန်တော် တွေ့ချင် တယ်ဗျာ၊ နှုတ်ဆက်ချင် တယ်”
“ဘယ်သူနဲ့မှ စကားမ ပြောတာ ကြာပြီ၊ မျက်စိမှိတ် ပြီး အမြဲမှိန်း နေတယ်။
အိပ် နေတာ လည်း ဖြစ်နိုင် တယ်။ တစ်ခါတလေ သတိ လစ်နေ သလား လို့ ထင်ရတယ်” “သြော်...၊ မစား မသောက် ဘူးလား၊ ဆီးဝမ်း ဘယ်လိုလဲ”
“အားဖြည့် အာဟာရ မှုန့်ကို ဖျော်တိုက် တယ်။ ဇွန်း နဲ့ တိုက်ပေးရတယ်။
ဆီးဝမ်း ကတော့ အိပ်ရာ ထဲမှာပဲ ထွက် ကျရင် သန့်ရှင်း ရေးလုပ်ပေး နေရတယ်”
သြော်...မဗေဒါရယ် လို့ ကျွန်တော် စိတ်ထဲက ကရုဏာ ဖြစ်လိုက်မိ ပါသည်။
မဗေဒါကို ကျွန်တော် တွေ့ မှဖြစ်မည်။ တွေ့ပြီး အားပေး စကားပြောမည်။ အခြေအနေ
ပေးပါက ဆေးဝါး ကုသပေး မည်ဟု ဆုံးဖြတ် လိုက် သည်။ ကျွန်တော် ထိုင်ရာက ထပြီး
မဗေဒါရှိ မည်လို့ ထင်ရသည့် အိပ်ခန်း ဘက်ကို သွားမည့် ဟန်ပြင်လိုက် သည့်အခါ
အမျိုးသမီးက ရှေ့က အလျင် သွားသည်။ အိပ်ခန်း တံခါး ကို ဖွင့်ပေးသည်။ အလင်း
ရောင် ရအောင် ခေါင်းရင်းက ပြတင်း ပေါက်ကို ဖွင့်ပေး သည်။ နှစ်ပေါင်း
များစွာ မဖွင့်ဘဲ ထားဟန် တူသည့် ပြတင်း ပေါက်သည် ဖွင့် သည့်အခါ သံချေး
တက်နေ သည့် ပတ္တာတွေ ကျပ်နေတာ သတိ ထားမိသည်။
အိပ်ခန်းထဲ ၀င်လိုက်
သည့်အခါ အိပ်ခန်း ၏လက် ၀ဲဘက် နံရံနှင့် ကပ်လျက် ခင်း ထားသည့် မွေ့ရာ ညစ်ထေး
ထေးပေါ်မှာ တစောင်းလဲ လျောင်းနေသည့် လူမမာ အမျိုး သမီးကို တွေ့လိုက်ရ
ပါသည်။ ဖြူဖျော့ပြီး အရိုး နှင့် အရေသာ ရှိတော့အောင် ပိန်လှီနေသည့် လူမမာ၏
မျက်နှာကို ကြည့်လိုက်သော အခါ မဗေဒါပါ။ သူ့ အသက် ၁၈ နှစ်အရွယ်က စိုစိုပြည်
ပြည်၊ ပြည့်ပြည့်ဖောင်း ဖောင်း၊ ချစ်စရာ ကောင်း အောင်လှ ခဲ့သည့်
ကျွန်တော့် ချစ်သူ မဗေဒါပါ။
မဗေဒါနှင့် အနီးဆုံးနေ ရာမှာ ကျွန်တော်
ထိုင်ချ လိုက်ပါသည်။ သူ နိုးလာလို့ မျက် စိဖွင့်ကြည့် လျှင်
မြင်နိုင်စေရန် အလင်းရောင် အများဆုံး ရသည့် ပြတင်းပေါက် ကို မျက်နှာ
မူပေးထား လိုက် သည်။ မဗေဒါ၏ ကိုယ်ပေါ်မှ လျှောကျပြီး မွေ့ရာညစ် ထေးထေး
ပေါ်မှာ ငြိမ်သက် စွာ ကျနေသည့် ဘယ်ဘက် လက်ချောင်း တွေကို ကျွန်တော် က အသာဆွဲ
ယူဆုပ် နယ်ပေး လိုက်ပါသည်။ မဗေဒါသည် အိပ်ပျော် နေတာ မဟုတ်၊ သတိလစ်
နေတာမဟုတ် မှိန်း နေတာ ဖြစ်သည်။ သူ ဖြတ် သန်းခဲ့ သည့် နှစ်ပေါင်း ၆၀ ကာလ၏
အတိတ်၊ ပစ္စုပ္ပန် နှင့် အနာဂတ် ကာလတွေ ကို စိတ် ဖြင့် လျှောက်သွား နေတာ လည်း
ဖြစ်နိုင် သည်။ကျွန်တော်က မဗေဒါကို ခေါ် ပြီး နှိုးကြည့် သည်။
“မဗေဒါ... မဗေဒါ... မျက်စိဖွင့် ကြည့်ပါဦး၊ အစ် ကိုလေ...အစ်ကိုစိုးလေ... မဗေဒါကို တွေ့ချင်လို့ လာ တယ်၊ မျက်စိ ဖွင့်ကြည့် ပါဦး”
မဗေဒါသည် မျက်စိ မဖွင့်သေး သော်လည်း ကျွန်တော် ကိုင်ထားသည့် လက်ချောင်း
ပိန်ပိန် လေးတွေက ကျွန်တော် ပြောတာကို သူ ကြားတယ် ဆို သည့် သင်္ကေတဖြင့်
အချက်ပြ သည်ဟု ယူဆရသည်။ သူ့ မှာ ရှိသမျှ ခွန်အား ဖြင့် ကျွန်တော့် လက်ကို
ပြန် ညှစ်သည်။ ကျွန်တော် ၀မ်း သာသွားသည်။
“မဗေဒါ၊ မဗေဒါ၊ အစ်ကိုလေ၊ အစ်ကို စိုးလေ မဗေဒါကို တွေ့ချင်လို့လာ တယ်၊ မျက်စိဖွင့် ကြည့်ပါဦး”
မဗေဒါ၏ လက်ချောင်း တွေက ကျွန်တော့် လက်ကို ဖွဖွညှစ် နေလျက်မှ ရှိသမျှ
ခွန်အားဖြင့် ငိုရှိုက် သည်ဟု ယူဆ ရသည်။ ပြားချပ်ချပ် ရင်ဘတ်က ဖုတ်လိုက်
ဖုတ် လိုက် ဖြစ်နေတာ မြင်ရသည်။ မှိတ်ထား သည့် မျက်စိတွေက မျက်ရည်တွေ
စို့ထွက် စီးကျ လာသည်။ ၀မ်းသာ သည့် မျက်ရည် ဖြစ်မည်။ ကျွန်တော် က လက်ကိုင်
ပ၀ါဖြင့် အသာ အယာတို့ ယူသုတ် ပေးရင်း ခေါ်သည်။ မျက်စိဖွင့်ပြီး ကြည့်ပါဦးဟု
ပြောသည်။ မဗေဒါ၏ မျက်ခွံတွေ လှုပ် လာသည်။ မျက်စိ ဖွင့်ကြည့် ဖို့ ကြိုးစား
နေတာ ဖြစ်မည်။
လက်ကို ကိုင်လှုပ်ပြီး အဆက် မပြတ် ခေါ်နေသည့်
ကျွန်တော့် အသံကို ကြားလို့ ဖြစ်မည်။ ကျွန်တော် တစ်ဦး တည်းက သာခေါ်သည့်
မဗေဒါ ဆိုသည့် နာမည်ကို ခေါ်သံ ကြားလို့လည်း ဖြစ်မည်။ မျက်စိကို အားယူ
ဖွင့်ကြည့်သည်။ ကျွန်တော် ၀မ်းသာ သွားသည်။ ဖွင့်မကြည့် တာ ကြာပြီ ဖြစ်လို့
အရောင် အဆင်း ကင်းမဲ့နေ သည့် မျက်လုံးတွေ သည် ကျွန်တော့်ကို ပီပြင်၊
ကြည်လင် ထင်ရှားစွာမှ မြင် ပါလေစ လို့စိုးရိမ်မိ သေးသည်။
“မဗေဒါ အစ်ကိုလေ၊ အစ်ကို စိုးလေ၊ မဗေဒါကို တွေ့ချင်လို့ လာတယ်”
မဗေဒါသည် အားယူ ဖွင့်ထား သည့်မျက်လုံး တွေမှာ မျက်ရည် စတွေနှင့်
ကျွန်တော့် ကို မျက်တောင် မခတ်ဘဲ ကြည့်နေ သည်။ ကြည့်ချင်ပါ သော်လည်း
နှစ်ပေါင်း ၄၀ ကျော်ကြာ အောင် မြင်ခွင့် ရခဲ့သည့် ကျွန်တော့် မျက်နှာကို
အားရ အောင် ကြည့်နေ သည် လို့ ယူဆ ရသည်။
“မဗေဒါ အားမငယ် နဲ့ နော်၊ အစ်ကို့ ကို မှတ်မိတယ် မဟုတ်လား”
မဗေဒါ သည် ကျွန်တော့်ကို မှတ်မိ တယ်လို့ အသိအမှတ် ပြုသည် အနေဖြင့်
ဖြည်းဖြည်း လေး ခေါင်းတ ဆတ်ဆတ် ညိတ်ပြ နေသည်။ တစ်စုံ တစ်ခုကို ပြောချင်ဟန်
တူသည်။ ပါးစပ် လှုပ်နေ သည်။ စကား ပြောချင်လို့ အားယူ နေသည် လို့ ယူဆရ သည်။
“မဗေဒါ ဘာပြောချင် လဲ ပြောလေ၊ အစ်ကို နား ထောင် နေတယ်” “အစ်ကို မဗေဒါ ဆီကို လာသေး တယ်နော်”
မဗေဒါ၏ ပါးစပ်ကို ကျွန်တော် ကြည့်ပြီး နား ထောင်နေ လို့လားမသိ အလွန်
တိုးညင်း သည့် အသံကို ကျွန်တော် ကြည်လင် ပြတ် သားစွာ ကြားလိုက် သည်။ အသံဆယ်
ခုမျှသာ ပါဝင် သော စကားစုကို ကျွန်တော် အကုန်လုံး ကြားလိုက် သည်။ ကမန်း
ကတန်း ပြန်ဖြေလိုက် သည်။
“လာရတာပေါ့ မဗေဒါ ရယ်...၊ မဗေဒါကို အစ်ကို ဘယ်တော့မှ မမေ့ပါဘူး”
ကျွန်တော့် စကားကို ကြားတော့ မဗေဒါ မျက်စိ ပြန်မှိတ် သွားသည်။ မျက်နှာ မှာ
ပြုံးယောင် တစ်ချက် သန်းသွားတာ မြင်လိုက် ရသည်။ အသက် မှန်မှန် ရှူနေသော်
လည်း မျက်စိကို ပြန်မဖွင့် တော့ဘဲ အိပ်မော ကျသွား သလို မိန်းမော သွားသည်။
ကျွန်တော့် လက်ကို တစ်ချိန် လုံး ဖျစ်ညှစ် နေခဲ့သည့် သူ့ လက်ကို လည်း
ဖြည်းဖြည်း ချင်း ဖြေလျော့ သွားတော့ သည်။ ကျွန်တော် လှုပ်နှိုး ခေါ်ကြည့်
သော်လည်း ပြန်မ ထူးတော့ ဘဲ အိပ်မော ကျနေ တော့သည်။ အိမ်ရှင် အမျိုး သမီးက
ပြောသည်။
“နှစ်ပေါင်း နှစ်ဆယ် ကျော် အတွင်းမှာ ဒါဟာ ပထမဦးဆုံး စကား ပြောတာ ပဲ”
မဗေဒါ အိပ်မော ကျနေ ပြီဖြစ်လို့ ကျွန်တော် အခန်းထဲ မှာ နေဖို့ မလို
တော့ဖြစ်သွား သည်။ အတော် မိုးချုပ် သွားပြီ ဖြစ်သည်။ စာပေ ဟောပြောပွဲ
စတင်ဖို့ အချိန်အလွန် နီးနေ ပြီဖြစ်သည်။ အိမ်ရှင် အမျိုး သမီးကို
ကမန်းကတန်း နှုတ် ဆက်ပြီး ပြန်ခဲ့ ပါသည်။ မနက်ဖြန် စောစော ပြန်ကြရ မည်
ဖြစ်လို့ မဗေဒါကို နောက် တစ်ကြိမ် တွေ့ရဖို့ အရေး မစဉ်း စားတတ် အောင်ဖြစ်
နေသည်။
စာပေဟော ပြောပွဲမှာ ကျွန်တော်က နောက်ပိတ် ဟော ရမည်။
ကျွန်တော် ဟောပြီးလို့ စင်ပေါ်က ဆင်း တော့ ည သန်းခေါင် ၁၂ နာရီ ကျော်နေပြီ
ဖြစ်သည်။ ဒေသ ခံစာ ပေကော် မတီက ကျွေးကြ၊ တိုက်ကြ သေးလို့ စား ကြ၊
သောက်ကြနဲ့ ကြာသွား ပြန်သည်။ အိပ်ရာ ၀င်တော့ အရုဏ်တက် ချိန်တောင် ဖြစ်
နေသည်။ မဗေဒါ အကြောင်း ကိုတွေးရင်း တော်တော်နဲ့ အိပ်မပျော် ဖြစ်နေ သည်။
လွန်ခဲ့သည့် နှစ်ပေါင်း ၄၀ ကျော် က မဗေဒါနှင့် ပတ်သက်ခဲ့ သည့်
အကြောင်းတွေကို ပြန် လည်သတိ ရလာသည်။
ဧရာဝတီ တိုင်းက စစ်
တိုင်းမှူး၏ ကွပ်ကဲမှုဖြင့် ရေ တပ် သင်္ဘောတွေ နှင့် ခြေလျင် တပ်တွေ
ပူးပေါင်းပြီး ပြည် တွင်း သောင်းကျန်း မှု နှိမ်နင်း ရေး၊ စစ်ဆင်ရေး
ဆင်နွဲနေစဉ် ကာလမှာ မဗေဒါနှင့် ကျွန်တော် မေတ္တာ မျှခဲ့တာ ဖြစ်သည်။
ကျွန်တော်တို့ စစ် သင်္ဘောသည် စစ်ဆင်ရေး ပြီးလျှင် မဗေဒါတို့ မြို့ကို ပြန်
နားရ သည်။ မဗေဒါတို့ အိမ် အနီးက သင်္ဘောဆိပ် မှာ ရပ် နားထားရသည်။ သင်္ဘော
ဆိပ်နားက အိမ်တွေကို ရေ တပ်သား တွေက သွားလည် ကြသည်။ ကျွန်တော်က လည်း
မဗေဒါတို့ အိမ်ကို သွား လည်ရာမှ မျက်လုံး ချင်းဆုံ ပြီး ရင်ခုန်ခဲ့ ကြတာ
ဖြစ် သည်။ မဗေဒါတို့ အိမ်နောက် က ချောင်းကမ်း စပ်ရှိ ကုက္ကိုပင်
ကြီးအောက်မှာ အတူထိုင် ပြီး ချောင်းရေမှာ မျောပါလာ ကြသည့် ဗေဒါပင်နှင့်
ဗေဒါ ပန်း ကလေး တွေကို ကြည့်နေ ခဲ့ကြ သည်။ ကျွန်တော်က မဗေဒါ ၏ပခုံးကို
အသာဆွဲ ယူလိုက်လျှင် မဗေဒါက ကျွန်တော့် ရင်ခွင်မှာ မျက်နှာ အပ်ပြီး
ကျွန်တော့် မျက်နှာကို မော့ကြည့် နေတော့သည်။
“ချစ်တယ် မဗေဒါ ရယ်၊ အစ်ကို့ကို ချစ်ရဲ့လား ဟင်” “ဒီချောင်း ရေမှာ ဗေဒါ တွေ စုန်ဆန် နေသေးသမျှ အစ်ကို့ကို မဗေဒါ ချစ်နေဦး မယ်”
ပြောတတ် လိုက်တာ မဗေဒါရယ်...။ ဒီချောင်းရေ မှာ ဗေဒါတွေ ထာဝစဉ် စုန်
ဆန်မျော နေကြမယ် ဆိုတာ သိလို့ ပြောတာ ဖြစ်သည်။ မဗေဒါ ရေးပို့ခဲ့ သည့်စာတွေ
ထဲမှာ (ရွာချောင်းရေမှာ ဗေဒါ ပန်းက လန်းလျက်ပါ အစ်ကို လို့)ရေးတာ မှတ်မိသေး
သည်။ သြော်...အခုတော့ မဗေဒါ ကျန်းမာရေး မကောင်း တော့လို့ အိပ်ရာထဲ မှာလဲနေ
ရှာပါ ရောလား။
ကျွန်တော် အိပ်ရာက နိုး လာတော့ ဧည့်သည် အမျိုး သမီး
တစ်ယောက်က ကျွန်တော့် ကို တွေ့ချင်လို့ လာ စောင့်နေ သည်ဆိုတာ ကို သိ
လိုက်ရသည်။ ဆရာတွေ ကတော့ နံနက်စာ အဆာပြေ စားပြီး တာနဲ့ ရန်ကုန် ကို
ပြန်ကြရန် အသင့်ပြင် နေကြ သည်။ ကျွန်တော့်ကို တွေ့ ချင်သည့် ဧည့်သည် အမျိုး
သမီးကိုတွေ့ရန် တည်းခိုနေသည့် အိမ်၏ အောက်ထပ်ကို ဆင်းသွားတွေ့ လိုက်သည်။
မဗေဒါ၏ အိမ်က အမျိုးသမီး ဖြစ်နေသည်။ မျက်စိမျက်နှာ အတော်ပျက် နေသည်။
ကျွန်တော် ရင်ထိတ်သွား သည်။ ကျွန်တော့်ကို မြင်တာနဲ့ ပြောတော့ သည်။ “အန်ကယ်၊ မမကြီး ဆုံးသွားပြီ”
“ဟယ်...ဘယ်အချိန် က ဆုံးတာလဲ” “မသိဘူး၊ ညကတည်း က ဆုံးတာ ဖြစ်လိမ့်မယ်၊ အခုမနက် မျက်နှာ သစ်ပေးဖို့၊ ရေဖတ် တိုက်ပေးဖို့ သွား ကြည့်တော့ အသက် မရှိတော့ ဘူး” “အဲဒီတော့ ဘယ်လို လုပ်မလဲ”
“ကျွန်မလည်း ဘာမှ မလုပ် တတ်ဘူး။ ပိုက်ဆံ လည်း တစ်ပြားမှ မရှိဘူး။
ကျွန်မအမျိုး သားတော့ ဒီနေ့ ညနေ ရောက်မယ်။ သူ ရောက် အောင် စောင့်နေရ
တော့မှာပဲ”
ကျွန်တော် စဉ်းစားရ တော့သည်။ ကျွန်တော့်ကို ချစ်ခဲ့သည့်
မဗေဒါ ကွယ် လွန်သွားပြီ။ ကျွန်တော့် ကို သစ္စာ ရှိစွာ စောင့်ရင်း သူ့ဘ၀ ကို
စတေး သွားခဲ့သည့် မဗေ ဒါ၊ ကျွန်တော့်ကို တွေ့ပြီး နှုတ်ဆက် သွားခဲ့သည့်
မဗေဒါ ကွယ်လွန် သွားရှာပြီ။ ကျွန် တော် ဘာလုပ်မလဲ။ မိသားစု ရဲ့လက်ထဲမှာ
ပိုက်ဆံ တစ်ပြားမှ မရှိပါဟု ပြောနေ သည်။ ကျွန်တော့်ကို ချစ်သည့် မဗေ ဒါ၏
နောက်ဆုံး ခရီးကို လိုက် ပို့ပြီးမှ ကျွန်တော် ဒီမြို့က ပြန်သင့် သည်။
မဗေဒါ၏ ဈာပန ကုန်ကျစရိတ် ကို ကျွန် တော် တာဝန်ယူ မည်ဟု ဆုံး ဖြတ်လိုက်
သည်။ ရန်ကုန်က အတူ လာခဲ့ကြသည့် ဆရာ တွေကို နှုတ်ဆက် လိုက်သည်။
“ဆရာတို့ ပြန်ကြ ပေတော့၊ ကျွန်တော် နာရေးကူ ညီမှုတစ်ခု လုပ်ပြီးမှ ပြန်ခဲ့ တော့မယ်” “သာဓု သာဓု သာဓုပါဗျာ၊ ပြန်လာရင်သာ ဒေါ်ဖြူ တုတ်နဲ့ နောင်ဂျိန် မချနဲ့”
ကျွန်တော် သည် ဒီနေ့နံနက် မပြန်ဖြစ် တော့သည့် အတွက် ကျွန်တော့် ခရီးဆောင်
အိတ်ကို ယူပြီး တည်းခို အိမ်က ဆင်းကာ အမျိုးသမီး နောက် က လိုက်ခဲ့ ပါသည်။
မဗေဒါ ကို နောက်ဆုံး နှုတ်ဆက်သည့် အကြည့်ဖြင့် ကြည့်လိုက် မည်။ မဗေဒါ၏
နောက်ဆုံး ခရီးကို လိုက်ပို့လိုက် ဦးမည်။ မဗေဒါ အတွက် ရည်စူး၍ ပြု
လုပ်မည့် ဆွမ်းသွတ် အလှူကို တာဝန်ယူ လိုက်မည်။ ကျွန်တော့်ကို ချစ်သည်စိတ်၊
သစ္စာရှိ သည့်ဆန္ဒ တစ်ခုတည်း ဖြင့် သူ့ဘ၀ တစ်ခုလုံး စွန့်လွှတ် အနစ်နာ ခံသွား
ခဲ့သည့် မဗေဒါ အတွက် ကျွန်တော့် ဘက်က ဒါလောက် တော့ လုပ်ပေးသင့် သည်ဟု ထင်
သည်။ အိမ်က ပါလာသည့် ပိုက်ဆံ ငါးသောင်း ကျပ်နှင့် စာပေဟော ပြောကြေး ဂါရ၀
လက်ဆောင် ရသည့် ပညာပူ ဇော်ခငွေ တစ်သိန်းကိုပါ မဗေဒါအတွက် သုံးလိုက် တော့
မည်ဟု ဆုံးဖြတ်လိုက် သည်။
ရန်ကုန်ကို ပြန်ရောက် လျှင် ရသုံး
ငွေစာရင်း စစ်ဆေးမည့် မဖြူတုတ်နှင့် နောင်ဂျိန် ချလျှင် လည်း ချမည်။ အိမ်က
မောင်းချ လျှင်လည်း ဆင်းမည်ဟု စိတ်ဆုံးဖြတ် လိုက်သည်။
အဏ္ဏ၀ါစိုးမိုး (ရွှေအမြုတေ မဂ္ဂဇင်း မေ ၂၀၁၃)
|
No comments:
Post a Comment