အထပ် ၃၀ ဟိုတယ်ကို တရုတ်တို့ ၁၅ ရက်နှင့် အပြီးဆောက်

တရုတ်ပြည်၊ Hunan ပြည်နယ်၊ Dongting lake အနီးမှာ ရှိတဲ့ အထပ်မြင့် ဟိုတယ် တစ်ခု ဖြစ်ပါတယ်။

တည်ဆောက်တဲ့အဖွဲ့ကတော့ Broad Group ဖြစ်ပြီ အားလုံး ပြီးစီးဖို့ ၁၅ ရက်ပဲ ကြာပါတယ်။ နာရီနဲ့တွက်ရင် နာရီပေါင်း ၃၆၀ ပဲ ကြာပါတယ်။ အချိန်တိုအတွင်း ရရှိတဲ့ လူအင်အား၊ ငွေအင်အား၊ ကုန်ကြမ်းကို ခပ်မြန်မြန် အသုံးပြုလို့ တည်ဆောက်လိုက်ခြင်း ဖြစ်ပါတယ်။ တစ်ရက်ကို ၂ ထပ်နှုန်းနဲ့ အပေါ်တက်သွားတာ ဆိုတော့ အံ့မခန့်ပါပဲ။ တစ်ရက်ကို ၂ ထပ်တောင် မပါဘူး။ ဖောင်ဒေးရှင်းအတွက်လည်း အချိန်ပေးရသေးတော့ အပေါ် ပိုင်း တည်ဆောက်မှုက အတော်လေး မြန်ပုံရပါတယ်။

နေ့မအား၊ ညမအားကို တည်ဆောက်ပြီး ပုံမှာ မြင်တွေ့ရတဲ့အတိုင်း ဟိုတယ်ကြီး ဖြစ်သွားပါတယ်။ ကြံ့ ခိုင်မှု အပိုင်းကိုလည်း သေချာ စစ်ဆေးထားပြီး မြေငလျင် မဂ္ဂနီကျု အဆင့် ၉ လောက်ထိကို ခံနိုင်ရည် ရှိတယ်လို့ အတည်ပြုပေးထားပါတယ်။

ဒီတော့ အဆင့်မှီ အဆောက်အအုံ တစ်ခုပဲ ဖြစ်ပါတယ်။ သို့ပေမယ့် ၁၅ ရက်နဲ့ အထပ် ၃၀ ဟိုတယ် တစ်ခုဆောက်လိုက်တာတော့ မြင်ရသူ အတွက် အံ့သြစရာ အဖြစ် ကျန်ရှိနေဆဲ ဖြစ်တယ်လို့ သိရပါတယ်။
--
Ref: asia-weird
ရိုးရာလေး သတင်း

http://www.yoyarlay.com/international-news/asia/33790-30-story-hotel-in-15-days

  YoYarLay