Houla မြို့တွင် လူ ၉၀ ကျော် အသတ်ခံရအပြီး အစိုးရတပ်များကို လက်တုံ့ပြန်ရန် ဆီးရီးယားအတိုက်အခံ တိုက်ခိုက်ရေးသမားများက တိုက်တွန်း



နိုင်ငံမြောက်ပိုင်းရှိ ဘင်နစ်ရ်ှမြို့တွင် ဆီးရီးယားအတိုက်အခံတို့က 'မိမိတို့သည် အကြမ်းဖက်သမားများ မဟုတ်'ဆိုသော စာတမ်းကိုင်ဆောင်ကာ မေလ ၂၅ ရက်က ဆန္ဒပြနေစဉ် ဆီးရီးယားနိုင်ငံ အလယ်ပိုင်းရှိ Houla မြို့တွင် လူ ၉၀ ကျော် အသတ်ခံရသည့် ဖြစ်စဉ်အပြီး အစိုးရတပ်များကို လက်တုံ့ပြန်တိုက်ခိုက်မှု လုပ်ဆောင်ရန် ဆီးရီးယားစစ်တပ်မှ ဘက်ပြောင်းသူများဖြင့် ဖွဲ့စည်းထားသော ဆီးရီးယားလွတ်မြောက်ရေး တပ်မတော် Free Syrian Army (FSA)မှ ခေါင်းဆောင်တစ်ဦးက တိုက်တွန်းခဲ့သည်။ ကုလ အတွင်းရေးမှူးချုပ်ဟောင်း ကိုဖီအာနန် အဆိုပြုခဲ့သော ငြိမ်းချမ်းရေးအစီအစဉ်မှာလည်း ယင်းအသတ်ခံရမှု ဖြစ်စဉ်အပြီး ပျက်ပြားသွားပြီဖြစ်ကြောင်း FSA အဖွဲ့ဝင်များက ပြောကြားခဲ့သည်။ မေလ ၂၅ ရက်တွင် Houla မြို့၌ အနည်းဆုံးကလေး ၃၂ ဦးနှင့် မိသားစုအစုလိုက် အပါအ၀င် လူ ၉၀ ကျော် အသတ်ခံခဲ့ရခြင်းဖြစ်ကြောင်း သိရသည်။ ဆီးရီးယားအစိုးရသည် ကိုဖီအာနန်၏ ငြိမ်းချမ်းရေး အစီအစဉ်ကို အခွင့်ကောင်းယူ၍ လက်နက်မဲ့ အရပ်သားများအား အစုလိုက် သတ်ဖြတ်မှု ပြုလုပ်နေသည့်အတွက် ကိုဖီအာနန်၏ ငြိမ်းချမ်းရေးအစီအစဉ်အတိုင်း လိုက်နာလုပ်ဆောင်ရန် မဖြစ်နိုင်တော့ဟု FSA မှ ပြောခွင့်ရ ပုဂ္ဂိုလ်ဗိုလ်မှူးကြီး ကာဆင်ဆာ့ဒ်အက်နီ၏ ပြောကြားချက်ပါသည့် ဗီဒီယိုကို မေလ ၂၆ ရက်တွင် လွှင့်တင်ခဲ့သည်။ ကိုဖီအာနန်၏ အပစ်အခတ် ရပ်စဲရေးအဆိုပြုချက်ကို အစိုးရနှင့် အတိုက်အခံတို့က သဘောတူကြောင်း ဧပြီလလယ်က ကြေညာခဲ့အပြီး နောက်ပိုင်းတွင် အနည်းဆုံးလူ ၁၆၃၅ ဦး အသတ်ခံခဲ့ရကြောင်း သိရသည်။ ဆီးရီးယားနိုင်ငံ၊ ဆီးရီးယားပြည်သူနှင့် ဒေသတွင်းတစ်ခုလုံးကို ကယ်တင်နိုင်ရန်အတွက် ကုလလုံခြုံရေးကောင်စီ၏ လမ်းညွှန်မှုဖြင့် နိုင်ငံစုံ တပ်ဖွဲ့စည်းကာ ဆီးရီးယားအစိုးရတပ်များနှင့် မဟာဗျူဟာမြောက်နေရာများကို လေကြောင်းမှ တိုက်ခိုက်သင့်ကြောင်း အက်နီက တိုက်တွန်းပြောကြားခဲ့သည်။ ယင်းလူအစုလိုက် အသတ်ခံရမှုမှာ ဒေသတွင်းနှင့် အနောက်နိုင်ငံများမှ ရန်သူများ၏ လက်ချက်ဖြစ်ကြောင်း ဆီးရီးယားအစိုးရက အပြစ်တင်ခဲ့သည်။ ဆီးရီးယားအပေါ် စိတ်ဓာတ်ရေးရာ စစ်ပွဲဆင်နွှဲခဲ့ခြင်းဖြစ်ကြောင်း ဒမတ်စကတ်တက္ကသိုလ်မှ နိုင်ငံရေး သိပ္ပံဌာနမှ ဂျာမယ်အယ်မာမွတ်က ပြောကြားခဲ့သည်။ ယင်းလူအစုလိုက် အသတ်ခံရမှုအပြီး ဆီးရီးယားတွင် ပြည်တွင်းစစ်အန္တရာယ် ကျရောက်နိုင်ကြောင်း နိုင်ငံတွင်းရောက်ရှိနေသော ကုလစောင့်ကြည့်အဖွဲ့ခေါင်းဆောင်က သတိပေးခဲ့သည်။ ယင်းဖြစ်စဉ်အပြီး ဆီးရီးယားအပေါ် နိုင်ငံတကာက ပြင်းပြင်းထန်ထန် အရေးယူရန် ဗြိတိန်က ၎င်း၏ မဟာမိတ်များကို မေလ ၂၆ ရက်တွင် တိုက်တွန်းခဲ့သည်။ လာမည့်ရက်ပိုင်းအတွင်း လုံခြုံရေးကောင်စီအတွင်း အရေးပေါ်ဆွေးနွေးပွဲ ပြုလုပ်နိုင်ရန် တိုက်တွန်းသွားမည်ဟု ဗြိတိန်နိုင်ငံ ခြားရေးဝန်ကြီး ၀ီလျံဟိတ်ဂ်က ပြောကြားခဲ့သည်။ Ref:CNN;AFP EMG