" သွားသွား လာလာ"(ဆာသော်ဒိုး)

၂ဝ၁၃ ခုနှစ် ဇူလိုင်လ ၁၈ ရက် ည။ ‘ကာလသားကြည်စိုး’ ၏ ဖိတ်ကြားချက်အရ ကျွန်ုပ်နှင့် အဓိပတိချုပ်မှူးကြီး ကဗျာဆရာစောဝေတို့ နှစ်ဦးသားမှာ ‘လမ်းမတော်ဖိုးတုတ်’ ၏ အပိုင်စားနယ်မြေ မြို့တော် ရန်ကုန် ၉ လမ်းရှိ ‘ရွှေပြည်’ အမည်ရ ‘ကြက်ကာလသားချက်ဆိုင်’ သို့ ကြွလှမ်းခဲ့ကြရပါပေ၏။

‘ဆာသော်ဒိုးရေ..ညနေ ၆ နာရီမှာ မြေနီကုန်း City Mart ရှေ့မှာ ဆုံမယ်’
‘ဟုတ်ပါပြီ ကိုစောဝေရော…ကျွန်ုပ် တိတိကျကျ စောင့်နေပါ့မယ်’

7 Day Daily မနက်ဖြန် အာဇာနည်နေ့ အထူးထုတ်အတွက်ဆောင်းပါး သရုပ်ဖော်ပုံများကိုထုံးစံအတိုင်း သေသေချာချာတွေး၍ သေသေရပ်ရပ်ရေးကာပုံများကို Scan ဖတ်အရောင်ခြယ်ဒီဇိုင်း ဆင်ပြီးတာနှင့် ထုံးစံအတိုင်းသာ အီးမေးလ်ဖြင့်ပို့ပေးလိုက်ပါ၏။ ညနေ၅ နာရီခွဲခန့်မှာ မေးလ်ပို့ခြင်းလုပ် ငန်းအောင်မြင်စွာပြီးမြောက်သွား သည့် အတွက် ကျွန်ုပ်နေအိမ်မှ စမ်းချောင်းလမ်းထိပ်ပြည်လမ်းဘက်သို့ အညောင်းပြေလျှောက်ခဲ့ကာ City Mart အရှေ့မှာ အဓိပတိကဗျာဆရာ၏ကားကို မိုးလေးဖွဲဖွဲကြား မှာ စောင့်စားနေလိုက်ပါပေ၏။

များမကြာမီ သူရောက်လာပြီးနောက် ကျွန်ုပ်တို့နှစ်ဦးသားမှာ ပြည်သရေခေတ္တရာမြို့တော်မှ နာမည်ကျော် ကြက်ကာလသားဆိုင်ခွဲသစ်ဖွင့်လှစ်ထားရာ ရွှေပုစွန်ရှေ့ ၉ လမ်းထဲမှ ‘ရွှေပြည်’ဆိုင်သို့ ဆက်လက်လို့ထွက်ခွာခဲ့ကြပါပေရာ ၁ဝမိနစ်အတွင်း မှာပင် ဆိုင်သို့ဝင်ရောက်ခဲ့ကြပါပေ၏။ ‘အဓိပတိချုပ်မှူးကြီး ကဗျာဆရာ’မှာ အနှီကြက်သောက်ဆမ်း ဆိုင်မဟာ၏ အတွင်းဒဂရေးရှင်း အပြင်အဆင်ကို စိတ်နှလုံးတွေ့စွာ ခံစားနေပြီးသကာလ ကျွန်ုပ်တို့ ညီနောင် ၃ဦးသားမှာ အပေါ်ထပ်သို့ ဆက်၍ တက်လာခဲ့ကြပါပေ၏။

စင်စစ်…အနှီ ‘ကာလသားချက် သောက် ဆမ်း’ဆိုတာမျိုးဟာ ထမင်းနှင့်သာမကဘဲ သူရာယမကာ ဘာညာနှင့်တွဲဖက်မြည်းစမ်းလျှင်လည်း အလွန်တစ်ရာမှပဲ လိုက်ဖက်လှပါပေသော်ငြား ဤယခုဆိုင်မှာကား ‘ဥပဒေလိုက်နာဘေးကင်းကွာ’ ကာ မည်သည့်ယမကာ အဖြူအနီ အပြင်း ရောင်းချ ခြင်းအ လျဉ်းမရှိပါပေ။

သို့ပေသော်ငြား ယခုလို လူရှင်းသည့် ညဘက် ညဘက်များမှာတော့ဖြင့် ယခင့် ယခင် သူငယ်ချင်းမိတ်ရင်း ဘော်ဘော်အပေါင်းတို့မှာ ‘ကိုယ့်ဥစ္စာကိုယ်ဆွဲ’ တွဲလွဲ သယ်ဆောင်ခဲ့ကြကာ အနှီကြက်အရည်သောက် အရသာ ကို ‘စကော့တလန် စမ်းရေ’ ဖြင့် မျှောမျှောချကာ မိမိတို့၏ ကိုယ်ပိုင်လျှာများပေါ်မှာ အရသာခံကြပါပေ၏။ ဤသည်နှင့် တစ်ပြိုင်နက် ဘော်ဒါဘော်ချက် အနုပညာစာသမားတို့မှာ အနုပညာ အကြောင်းအရာမှအစ မြန်မာ့ရေးရာ၊ ကမ္ဘာ့ရေးရာ၊ စကြာဝဠာရေးရာ အထိ ပြောကြည့် ဆိုကြည့် ဆွေးနွေးမိကြကာ အကျိုးရှိရာရှိကြောင်းများကိုသာရွေး၍ ပြောဆိုငြင်းခုန်လျက် အစဉ်အလာမပျက် အရင်တကာထက် ပိုမိုပြီးသောက်မျိုပြီး သကာလ အချစ်ကြီး ချစ်ခဲ့ကြပါပေလေတော့၏။

‘ဟယ်လို..ကိုတောက်..ဘယ်လိုလဲ..အေး..ဒီမှာဗျာ..ကျုပ်ဆိုင်ကို ဒီ ည သူပုန် ၂ ယောက် ဓာတ်ကျပြီး ဝင်စီးနေလို့..အဲဒါ..အဲဒါ..ရော့ ရော့..’

‘ဟယ်လို..ကိုတောက်..ကျွန်ုပ် ဆာသော်ဒိုးပါ’
‘အေးပါ..နင့်အသံကြားကတည်းက ‘ဆာသော်ဒိုး’မှန်း တန်းသိပါတယ်’
‘အေးဗျာ..ဒီမှာတော့ ကျုပ်တို့ ၃ ယောက်ထဲ ‘ကျွန်တော်တို့ ဆွဲဖွင့်မိသော ပုလင်းများ’ အစီအစဉ် စတင်နေပြီခင်ဗျ..၊ ဘေးမှာ သူပုန်တစ်ယောက်ပြည့်ပြည့်ကြီး ပြုံးနေတယ် ဗျ..ရော့..ရော့..ကဗျာဆရာ’ ‘ကိုနေဇော်နိုင်..ကဗျာဆရာ စောဝေပါ..မဆုံကြတာ ကြာလှပါပြီကော’

သို့ဖြင့် ‘ကိုတောက်’ ခေါ် DVB မှ နာမည်ကျော် သတင်းတင်ဆက်သူ ‘သံလမ်းမဲ့ရထား ကဗျာဆရာနေဇော်နိုင်’ ဆိုတာနှင့်နောက်တစ်ပတ်တွေ့ဆုံကြမည့်ရက်ကို ချိန်းကြချက်ကြကာ ကျွန်ုပ်တို့ သူပုန် ၂ ယောက်နှင့် ရွာခံကာလ သားပေါင်း ၃ ယောက်သားမှာ ဆက်လက်၍ ‘ပွား’နေကြပါပေ၏။

‘ကာလသားကြည်စိုး’၏ ကြက်သောက်ဆမ်း’မှာ စားပွဲပေါ်ရှိ ‘ဟန်ပါပါ လမ်းလျှောက်သွားနေသည့် ကိုဂျော်နီ’နှင့် လိုက်ဖက်လှပေရာ ကျွန်ုပ်တို့မှာ ရှေးဟောင်း နှောင်းဖြစ်ချစ်စရာစာပေလောကမှ ‘စာပေအာဇာနည်’ လူပုဂ္ဂိုလ် ဆရာသမား များနှင့်တကွ နိုင်ငံ့လွတ်လပ်ရေး အာဇာနည်ပုဂ္ဂိုလ်များအကြောင်းအထိပကတိ စိတ်ရင်းရှင်းရှင်းဖြင့် ချစ်ကြည်မြတ်နိုးစွာ တမ်းတမ်းတတ မှန်းမှန်းဆဆ လွမ်းလွမ်း ခခ ပြောဆိုကြရင်း ဝိုင်းသိမ်းကြကာ လမ်းခွဲနှုတ်ဆက်ခဲ့ကြပါပေ၏။ မနက်ဖြန်ဆိုလျှင်ကား ကျဆုံးသွားကြ သည့် ကျွန်ုပ်တို့ နိုင်ငံတော်အာဇာနည် ပုဂ္ဂိုလ်ကြီးများ၏ (၆၆) နှစ်မြောက် နှစ်ပတ်လည်နေ့သာ ဖြစ်ပါပေတော့၏။

(၂)

၂ဝ၁၃ ခုနှစ် ဇူလိုင်လ ၁၉ ရက် မနက်မှာကား အိပ်ရာမှ စောစောထကာ TV မှ လွှင့်မည်ဆိုသည့် ယခုနှစ် အာဇာနည်နေ့ အခမ်းအနား အစီအစဉ်များကို ရင်ခုန် စွာ စောင့်မျှော်နေပါ၏။ အကြောင်းရင်းကား ဗိုလ်ချုပ်၏ မိန့်ခွန်းများ မှတ်တမ်းရုပ်ရှင်များကို ဘယ်လို ဘယ်ပုံဆက်၍ ဘယ်မျှလောက်အထိများ တင်ဆက် ပြသ သွားမလဲ ဆိုတာကို မျှော်လင့်နေတာ ဖြစ်ပါ၏။ ညက အိမ်ပြန်ရောက်စဉ်မှာပင် ချစ်ဇနီး ချစ်သမီးနှင့်တကွ ပြည်မှ ခေတ္တ ရောက်ရှိနေသည့် မိခင်တို့ကို ကျွန်ုပ်တွေးတောမိတာ၊ မှန်းဆမိတာကို ပြောပြဖြစ် ခဲ့ပါပေ၏။

‘မနက်ဖြန် မနက်တော့ အာဇာနည်နေ့ကို ဒုတိယသမ္မတ ဒေါက်တာစိုင်း မောက်ခမ်းလောက်တော့ တက်ရောက်ဂါရဝပြုလိမ့်မယ်လို့ ထင်တယ်’ တိုက်ရိုက် ထုတ် လွှင့်ရာ မြန်မာ့ရုပ်မြင်သံကြား ဖန်သားပြင်ပေါ်မှာကား ရှမ်း ရိုးရာဝတ်စုံ သားသားနားနား သေသေသပ်သပ်ဖြင့် ဒုတိယသမ္မတကြီးမှာ ခန့်ခန့် ညားညားဖြင့် နဂိုဟန်အ တိုင်း တည်ငြိမ်စွာ အလေးဂါရဝပြုတာ တွေ့ရပါလေ၏။ ဒုသမ္မတပြီးသည့်အခါ ‘ပြည်သူ့ဒီမိုကရေစီရှေ့ဆောင်’ ဒေါ်အောင်ဆန်းစုကြည် မှာ တည်ငြိမ်အေးဆေးစွာ ခန့်ခန့်ညားညား ရှိခိုဦးချပါပေ၏။

ပြီးသည်နှင့် ပြန်၍ မတ်တတ်ရပ်ကာ ဦးညွှတ်အလေးပြုပါလေ၏။ ဒေါ်စုပြီးသည့်နောက် အစ်ကိုဖြစ်သူ ဦးအောင်ဆန်းဦး၏ ကိုယ်စား ပုဂ္ဂိုလ် တစ်ဦး တက်ရောက်ဂါရဝပြုကာ နောက်ထပ်ဆက်တိုက်ဆက်တိုက်ဖြင့်ကား အာဇာနည် ပုဂ္ဂိုလ်ကြီးများ၏ မိသားစုဝင်များ အသီးသီး အလှည့်ကျ ဂါရဝပြုကြ ပါလေ၏။ သား သမီးများမှသည် မြေးများမြစ်များအထိ ဂါရဝပြုနေကြသည့် မြင်ကွင်းပုံရိပ်ကား ရင်ထဲမှာ တစ်စုံတစ်ရာ ခံစားရပါပေ၏။

မိသားစုဝင်များပြီးသည့်နောက်မှာ လွှတ်တော် အသီးသီး လူကြီးမင်းများ၊ ရန်ကုန်တိုင်းဒေသကြီးမှ လူကြီးမင်းများ တက်ရောက်ဂါရဝပြုတာ မြင်ရပါပေ၏။ သည့်နောက်မှာ လွတ်လပ်ရေး ကြိုးပမ်းစဉ် သတင်းမှတ်တမ်းရုပ်ရှင်အပိုင်းအစ လေးများကို သတင်းနှင့် သမအောင် ရောမွှေကာ တင်ဆက်ပြသလေရာ ကျွန်ုပ် တို့၏ အာဇာ နည် ခေါင်းဆောင် စတုတ္ထ မြန်မာနိုင်ငံတော်ကို စည်းရုံးတည်ထောင်ပေးခဲ့သူ ဗိုလ်ချုပ်အောင်ဆန်း၏ ပကတိ ကြည်လင်ပြတ်သားသည့် ချစ်စဖွယ် လှုပ်ရှားမှု များ နှင့်တကွ ပကတိ တိကျသေချာသည့် မိန့်ခွန်းမဟာများကို မြင်ရကြားရပေရာ ကျွန်ုပ်မှာ ကြက်သီးတွေ ထလာကာ မျက် လုံးအိမ်ထဲမှာ မျက်ရည်ဥတွေပါ ခိုတွဲလာ ပါပေတော့၏။

၃၂ နှစ်သား သာသာ ရှိသေးသည့် ဗိုလ်ချုပ်၏ လှုပ်ရှားမှုပုံရိပ်များကို သေသေချာချာခံစားကြည့်ရှုနေရင်း ပင် ဗိုလ်ချုပ်၏အသွင်ဟန်ပန်မှာ ‘တိုင်းပြည်ခေါင်းဆောင်’ ဆိုတာ ‘ဒါမျိုးမှ’ ပါလားလို့ကို ရင်ထဲမှာ စွဲထင်လာပါပေ၏။ လူ့ဘောင်လောကမှာ ၃၂ နှစ်သာ နေသွားရ ရှာသည့် ကျွန်ုပ်တို့၏ ‘ကိုအောင်ဆန်း’ မှာ တိုင်းပြည်နှင့် လူထုအပေါ် ရာသက်ပန် အဆုံးစွန်တာဝန်ကျေခဲ့ပါပေ၏။

သတင်းတင်ဆက်မှုထဲမှာ ၁၉၄၇ ခုနှစ် ဇူလိုင်လ ၁၃ ရက်နေ့ ရန်ကုန်မြို့တော်ခန်းမပေါ်မှ လူထုအားြ>ွမက် ကြားသည့် မိန့်ခွန်းတစ်ပိုင်းကို လွှင့်ပေးခဲ့ပေရာ ထုတ်လွှင့် ပြသပေးခဲ့ကြသည့် တာဝန်ရှိသူ..တာဝန်သိသူ လူကြီးမင်း များအား အနာဂတ်သားကောင်း ရတနာလူငယ်များကိုယ်စား ကျွန်ုပ်တို့က ကျေးဇူးအထူးကို တင်လှပါပေ၏။ ‘

တစ်ချောင်းတည်းသောစိတ်’ ဖြင့် ဦးတည်ကြိုး ပမ်းလှုပ်ရှားနေသည့် ပုံရိပ်တို့မှာ ဗိုလ်ချုပ်၏ ရိုးဖြောင့်ကြည် လင်သောမျက်နှာပေါ်တွင် လုံးဝကို သေ ချာစွာ မြင်ရပါပေ ၏။ ကြည့်နေရင်းကြည့်နေရင်းမှာပင် ဗိုလ်ချုပ်၏ ပုဆိုး တမမ ရွှင်ပျပျမျက်နှာအမူအရာကလေးများကို ဖျက်ခနဲ ဖျက်ခနဲ မြင်ရပြီး သဘောကျ ပြုံးရယ်မိ လျက်က မျက်လုံး အိမ်ထဲက မျက်ရည်စတို့ ထပ်မံလို့ စို့လာပြန်ပါ၏။

ဗိုလ်ချုပ်လို လူမျိုးကား ရှာမှရှားသည့် အာဂသမား ကမ္ဘာ့အာဇာနည်များ စာရင်းဝင် ပုဂ္ဂိုလ်မျိုးပါပေ။ တည်ကြည်သောစိတ်ဓာတ် ရုပ်လက္ခဏာ ပိုင်ရှင်တစ် ဦးထံမှ တိကျသောအယူအဆနှင့် တိကျပြတ်သားစွာ စေတနာ ရှေ့ထားမြွက်ကြား သွားသည့် မိန့်ခွန်းစကားလုံးတို့မှာ ရင်ထဲလှိုက်လာအောင်သာ တကယ့်ကို ခံစား ရပါပေ၏။ ‘တိုင်းပြည်လွတ်လပ်ရေးရတဲ့အခါ ကိုယ့်နိုင်ငံတာဝန်ကို ကိုယ်ပဲယူရမည်။ ဒါကြောင့် စည်းလုံးရမည်။ ညီညွတ်ရမည်။

သူများတကာ နိုင်ငံတွေထက် လေးငါး ဆယ်ဆ ကြိုးစားပါမှတန်ကာကျမည်။ လွတ်လပ်ပြီဆိုပြီး စည်းမဲ့ကမ်းမဲ့လုပ် ချင်ရာ လျှောက်လုပ်နေလို့ ဖြစ်မှာမဟုတ်ဘူး။ သုံးတာဖြုန်းတာ ဗုံးပေါလအော ကိစ္စတွေ လျှော့ကြ။ အလုပ်ဘာမှ မလုပ်ဘဲ ထိုင်နေလို့ကတော့ ‘ပဒေသာပင်’ မြေကပေါက် လာမှာ မဟုတ်ဘူး’ ဆိုတာတွေကို ဒေါင်းတင်မောင်းတင် တိတိကျကျ ပြတ်ပြတ်သား သားဂျောင်းဂျောင်းပြေး ပြောသွားလိုက်တာများ တကယ့်ကို ကြက်သီးထစွာ ခံစားရပါ၏။ ပြီးတော့ ပြောသေး၏။

‘ဟိုလူလာ မျက်နှာချိုသွေးရ၊ ဒီလူလာ မျက်နှာချိုသွေးရနဲ့ဆိုရင် ကြာလာတဲ့ အခါ ‘ဖာသည်’ လိုနိုင်ငံဖြစ်မယ်’ ဗိုလ်ချုပ်ကား တကယ့်ကို ပြတ်သား လှပါပေ ၏။ ခေတ်ရှေ့ပြေးလွန်းလှပါပေ ၏။ အမြော်အမြင် ရှိလှပါပေ၏။ ကြိုမြင်နိုင်စွမ်းအား ကြီးမားလှပါပေ၏။

(၃)

ဟိုလူ ‘လာ’၊ ဒီလူ ‘လာ’ မှရယ် မဟုတ်ပါ။ ဟိုလူ့ ‘သွား’ မျက်နှာချို သွေးရ၊ ဒီလူ့ ‘သွား’ မျက်နှာချိုသွေးနေရပြီဆိုလျှင်လည်း ‘ဖာသည်’ ထက်တော့ အဆင့် မလျော့နည်းမှာ သိပ်ကို သေချာလှပါပေ၏။ ဒါကြောင့်မို့လေ.. ဗိုလ်ချုပ်၏ စကားလုံးဝါကျဖြင့်သာ အနားသတ်ချင် ပါပေ၏ခင်ဗျာ..။ ‘ခင်ဗျားတို့ စောက်ကျင့်တွေကို ပြင်ကြပါ’

 https://www.facebook.com/PopularNewsJournal