ကိုယ်ဝန်ဆောင်ချိန် စိတ်ဖိစီးမှု များပါက မိန်းမလျာ မွေးဖွားနိုင်

Thursday, January 23, 2014

အမျိုးသမီး များသည် ကိုယ်ဝန် ဆောင်စဉ် ကာလအတွင်း စိတ်ဖိစီးမှု ခံစားရပါက မွေးဖွားလာသည့် ကလေး သည် မိန်းမလျာ ဖြစ်နိုင်ခြေ များကြောင်း အငြင်းပွားလျက် ရှိသော စာအုပ်တစ် အုပ်၏ ဖော်ပြချက် အရ သိရသည်။

ကိုယ်ဝန်ဆောင် မိခင်၏ ဘဝ နေထိုင်မှု ပုံစံသည် ဟော်မုန်း၊ ဦးနှောက် အချိုးအစား အား ပြောင်းလဲစေကာ မွေးဖွား လာမည့် ကလေးအား အကျိုး သက်ရောက်မှု ရှိစေကြောင်း သိရသည်။

ထို့အပြင် ဆေးလိပ် သောက်သုံးခြင်း (သို့မဟုတ်) မူးယစ်ဆေးဝါးသုံး စွဲခြင်းကြောင့်လည်း မိန်းမလျာလေး မွေးဖွားစေနိုင်ကြောင်း နှင့် လိင်တူ စုံမက် သူဖြစ်စေနိုင်ကြောင်း ဒတ်ခ်ျအာရုံကြော ဆိုင်ရာ သိပ္ပံပညာရှင် ဒစ်က်ဆွက်ဘ်က အဆိုပါ စာအုပ်၌ ဖော်ပြထားပြီး နောက် စာမျက်နှာ တစ်ခု၌ မိခင်၏ ဘဝနေထိုင် မှု ပုံစံကြောင့်လည်း လိင်တူ စုံမက်သူ မွေးနိုင်ကြောင်း ဆိုထားသည်။

ရေနွေးကြမ်း သောက်ခြင်းဖြင့် လေဖြတ် ရော ဂါကို ကာကွယ် ကြစို့

ရေသောက်ခြင်းသည် ကျန်းမာရေးကို အထောက်အကူ ပြုသည်ကို ပညာရှင်များက ပြောဆို ထားသည်။

မြန်မာ့ရိုးရာ ဓလေ့ထုံးစံ အရ နေ့စဉ် သောက်သုံးနေသော လက်ဖက်ခြောက် ခပ်ထားသည့် ရေနွေးကြမ်းသည် ဆေးတစ်ခွက် ဖြစ်သည်ဟု ဆိုလျှင် မှားမည် မထင်ပေ။ ယနေ့ သုတေသန ပြုလုပ်မှု အရ လေဖြတ်မှု အန္တရာယ်ကို ကာကွယ်ရန် အတွက် နေ့စဉ် ရေနွေးကြမ်း အနည်းဆုံး လေးခွက် သောက်သုံး သင့်ကြောင်း တွေ့ရှိခဲ့သည်။

နေ့စဉ် ရေနွေးကြမ်း လေးခွက်နှင့် အထက် သောက်သုံးသူသည် ရေနွေးကြမ်း လုံးဝ မသောက်သော သူများထက် လေဖြတ်မှု အန္တရာယ် ၂၁ ရာခိုင်နှုန်း လျော့နည်း သည်ကို လေ့လာ တွေ့ရှိရသည်။ သို့သော် ရေနွေးကြမ်း လေးခွက်ထက် လျော့နည်းစွာ သောက်သော သူများတွင် ထိထိရောက်ရောက် အကျိုးမရှိကြောင်း တွေ့ရသည်။ နေ့စဉ် ရေနွေးကြမ်း လေးခွက်နှင့် အထက် သောက်သော သူများသည် ဦးနှောက် အတွင်း သွေးခဲနိုင်မှု ၂၁ ရာခိုင် နှုန်း လျော့နည်းကာ လေဖြတ်မှု အန္တရာယ် လျော့ပါးမှုနှင့် ဆက်စပ် နေသည်ကို သုတေသန ပြုလုပ် ရှာဖွေ တွေ့ ရှိ ခဲ့ကြသည်။

ဆွီဒင်နိုင်ငံ စတော့ဟုမ်း မြို့ရှိ ကာရို လင်စကာ တက္ကသိုလ်မှ သိပ္ပံ ပညာရှင်များက အမျိုးသား၊ အမျိုးသမီး ၇၅ဝဝဝ ခန့်ကို လေ့လာခဲ့ရာမှ အဆိုပါ တွေ့ရှိ ချက်ကို တွေ့ရှိခဲ့ခြင်း ဖြစ်သည်။

ကမ္ဘာ့နာမည်ကြီး ဖိနပ်ကုမ္ပဏီ ICON Shoes ရဲ့ အငြင်းပွားဖွယ်ဒီဇိုင်းသစ်

ထက်ဆု on 2014-01-23 13:47

      
    အမေရိကန်အခြေစိုက် နာမည်ကြီးဖိနပ်ကုမ္ပဏီတစ်ခု ဖြစ်တဲ့ Icon Shoes ဟာ ဗုဒ္ဓဘုရားရဲ့ ရုပ်ပုံတော်တွေနဲ့ ကနုတ်ပန်းဒီဇိုင်းတွေကို အသုံးပြုပြီးတော့ သစ်သားဖိနပ် အနိမ့် ၊ အမြင့်ဒီဇိုင်းမျိုးစုံကို ထုတ်လုပ်လိုက်ပါတယ်။ ဒီရှူးဖိနပ်ဒီဇိုင်းတွေကိုတော့ www.iconshoes.comမှာ ၀င်ရောက်ကြည့်ရှုနိုင်ပါတယ်။
          ဗုဒ္ဓရဲ့ရုပ်ပုံတော်ဟာ ကမ္ဘာနဲ့အ၀ှမ်း လူအများသက်ဝင်ယုံကြည်တဲ့ ပုံရိပ်တစ်ခုဖြစ်တာကြောင့် ဒီကိစ္စနဲ့ပတ်သက်ပြီး ကန့်ကွက်သူများစွာရှိနေပါတယ်။ ဗုဒ္ဓရဲ့ရုပ်ပုံ ၊ ဗုဒ္ဓနဲ့ဆက်စပ်နေတဲ့ မည်သည့်အရာမဆို ဖိနပ်မှာတန်ဆာဆင်ခြင်းဟာ ဗုဒ္ဓဘာသာဝင်များ အတွက်တော့ လုံးလုံးလျားလျား သင့်တော်မှုမရှိတဲ့ ကိစ္စဖြစ်တယ်လို့ဆိုပါတယ်။ ဒါဟာ ရိုင်းစိုင်းမှုကို ဖော်ပြတာ၊ အရိုအသေတန်တာဖြစ်ပါတယ်။ ဗုဒ္ဓသာသနာနဲ့ ကမ္ဘာတ၀ှမ်းမှာရှိတဲ့ ဗုဒ္ဓဘာသာဝင်အားလုံးကို ရိုင်းပြစွာစော်ကားတာ ဖြစ်တယ်ပါတယ်။
          Icon အနေနဲ့ ကမ္ဘာနဲ့အ၀ှမ်းအသုံးပြုနေတဲ့ သူ့ရဲ့ တံဆိပ်အပေါ် ကွဲပြားတဲ့ဘာသာဝင်တွေ အနေနဲ့ ဘာသာအရေးရှုထောင့်အရ ဘယ်လိုအမြင်ရှိကြမယ်ဆိုတာကို လုံးဝလျစ်လျူရှုပြီး ထုတ်လုပ်လိုက်တာပါ။

ဆိုးလ်မြို့မှာ ကျင်းပခဲ့တဲ့ ၂၀၁၄ Asia New Star Models ပြိုင်ပွဲမှာ Myanmar Model Star Awardဆုကို ရရှိခဲ့တဲ့ မော်ဒယ်အွန်ဆိုင်း

စန္ဒီ on 2014-01-23 12:11

ကိုရီးယားနိုင်ငံ ဆိုးလ်မြို့မှာ ဇန်နဝါရီ၁၅ရက်နေ့နှင့်၁၆ရက်နေ့တွေက ကျင်းပပြုလုပ်ခဲ့တဲ့ ၂၀၁၄ Asia New Star Models ပြိုင်ပွဲကို အွန်ဆိုင်းနဲ့ တွေ့ဆုံခိုက် ပွဲအတွေ့အကြုံတွေနဲ့ ပတ်သက်ပြီးတော့ရော ပြိုင်ပွဲမှာ၂၀၁၄ Asia Model Festival Award က ချီးမြှင့်တဲ့ Myanmar Model Star Award ဆုကိုရရှိခဲ့တဲ့အကြောင်းတွေကို မေးမြန်းကြည့်တဲ့အခါ ‘အဲဒီပွဲမှာ အာရှမှာရှိတဲ့ မျက်နှာသစ် မော်ဒယ်တွေ၊ နိုင်ငံတကာက မော်ဒယ်တွေကို တွေ့ခဲ့ရပါတယ်။ သူတို့တွေနဲ့ ခင်မင်ရင်းနှီး ကျွမ်းဝင်ခွင့်တွေ ရရှိခဲ့သလို အတွေ့အကြုံကောင်းတွေ ရခဲ့ရပါတယ်။ ပြီးတော့ ကိုရီးယား Celebrityတွေနဲ့လည်း အနီးကပ် တွေ့ခွင့်လည်း ရခဲ့တယ်။ နိုင်ငံတကာက လာကြတဲ့ မော်ဒယ်လ်တွေနဲ့အတူ သွားလာခင်မင်ခွင့်ရှိခဲ့သလို အွန်ဆိုင်းအတွက် မိတ်ဆွေသစ်တွေလည်း တိုးခဲ့ပါတယ်။

အရောင်မပြယ်သေးသည့် အစိမ်းရင့်ရင့်

  ရေးသားသူ- သီဟ

မြန်မာ့နိုင်ငံရေးအခန်းကဏ္ဍတွင် တပ်မတော်ပါဝင်ပတ်သက်နေခြင်းမှာ အရပ်သားအစိုးရလက်ထက် သုံးနှစ်ကျော်လာသည့်တိုင် ဒီမိုကရေစီအမှန်တကယ်လိုလားသူတို့ကြား မေးခွန်းထုတ်စရာ အဖြစ်ရှိနေဆဲပင်ဖြစ်သည်။

ဖွဲ့စည်းပုံအခြေခံဥပဒေ၏ အခြေခံမူများအခန်းတွင် “နိုင်ငံတော်၏ အမျိုးသားနိုင်ငံရေးဦးဆောင်မှုအခန်းကဏ္ဍတွင် တပ်မတော်မှပါဝင်ထမ်းဆောင်နိုင်ရေးကို အစဉ်တစိုက်ဦးတည်သည်” ဟု အတိအလင်းပါရှိနေခြင်းက လက်ရှိလျှောက်လှမ်းနေသည့် မြန်မာနိုင်ငံ၏ ဒီမိုကရေစီလမ်းကြောင်းကို တပ်မတော်က လမ်းပြနေသယောင်ပင်။

ပြီးခဲ့သည့်နှစ်ကုန်ပိုင်းက တပ်မတော်ကာကွယ်ရေးဦးစီးချုပ်က အရှေ့တောင်တိုင်းစစ်ဌာနချုပ်တစ်နေရာတွင် တပ်မိသားစုများနှင့် တွေ့ဆုံရာ၌ ဖွဲ့စည်းပုံအခြေခံဥပဒေတွင် ပြဋ္ဌာန်းထားသည့်အတိုင်း အမျိုးသားနိုင်ငံရေးအခန်းကဏ္ဍတွင် တပ်မတော်ပါဝင်နေရခြင်းမှာလည်း နိုင်ငံရေးတည်ငြိမ်မှုရင့်ကျက်စေရန်၊ ပြည်သူပြည်သားများ၏ ဒီမိုကရေစီကျင့်စဉ်များ၊ ဥပဒေနှင့်အညီ ကျင့်ကြံနေထိုင်ခြင်းများအတွက် ၀ိုင်းဝန်းထိန်းသိမ်းရန်ဖြစ်သည်ဟု ပြောကြားခဲ့ရာ ယခုနှစ်ပိုင်းများအတွင်း ကာချုပ်က တပ်မတော်၏အခန်းကဏ္ဍ တဖြည်းဖြည်းနောက်ဆုတ်သွားမည်ဟု ပြောကြားခဲ့သည်များနှင့် ကွဲလွဲနေသည်ကို တွေ့ရသည်။

မီးအိမ်ရှင်အိပ်မက်

ရေးသားသူ- အိဖြူလွင်

တောင်ခြေရွာတစ်ရွာတွင် ကျင်းပနေသည့် မူလတန်းလွန်ကျောင်းဖွင့်ပွဲ အခမ်းအနားတစ်ခုဖြစ်သည်။ ထိုအခမ်းအနားတွင် အသက်(၃၀)အရွယ် လူငယ်တစ်ဦးက မိုးပေါ်ပျံတက်သွားသည့် မိုးပျံပူဖောင်းများကို စိတ်ဝင်တစား ဓာတ်ပုံရိုက်နေသည်။

ဘေးနားမှ ကျောင်းအုပ်ဆရာကြီးက “အဲဒါ ကျွန်တော်တို့ဆီက တစ်ဦးတည်းသော ဗမာကျောင်းဆရာပဲ”ဟု ဆိုသည်။ နှင်းနှင့်ဖုန်မှုန့်တို့ဖြင့် ခပ်ညစ်ညစ်အ၀တ်အစားများနှင့် ထိုလူငယ်ကို တွေ့ရသည်မှာ ကျောင်းအုပ်ဆရာကြီးစကားနှင့် ဆက်စပ်ကြည့်ရန် ခပ်ခက်ခက်။

“ဒီနေရာတွေက လမ်းပန်းဆက်သွယ်ရေး ခက်တယ်လေ။ ဒါကြောင့် မြေပြန့်က ဆရာတွေတော့ သိပ်မရှိဘူး။ စစ်ကိုင်းတိုင်းဘက်က ဆရာတွေလောက်ပဲရှိတယ်”ဟု တောင်တန်းထူထပ်သောဒေသ၏ အလယ်တန်းကျောင်းအုပ်ကြီးက ၎င်းတို့ဒေသတွင် လာရောက်တာဝန်ထမ်းဆောင်နေသည့် ၀န်ထမ်းများတွင် မြေပြန့်ဒေသမှလာသူများ နည်းပါးပုံကိုပြောသည်။

ချင်းတောင်တန်းတွင် ရှားရှားပါးပါး ဗမာလူမျိုးကျောင်းဆရာဖြစ်နေသည့် ကိုကျော်ဇင်ဦးသည် စစ်ကိုင်းတိုင်းဒေသကြီး မြောင်မြို့နယ်မှ လာရောက်၍ ချင်းပြည်နယ်တီးတိန်မြို့နယ်ရှိ အနီးဆုံးမြို့မှ ၃၈ မိုင်ဝေးသော တွီးဗြဲရွာတွင် အလယ်တန်းပြဆရာအဖြစ် တာဝန်ထမ်းဆောင်နေခြင်းဖြစ်သည်။

လက်နှစ်ဖက်မဲ့ ရေကူးချန်ပီယံ

ရေးသားသူ- ဥက္ကာကိုကို၊ ချစ်ဝိုင်း

လက်နှစ်ဖက်မရှိသည့် ကိုအောင်ငြိမ်းဦးတစ်ယောက် ရေကူးကန်ထိပ်မှ သတ်မှတ်နေရာတွင် အသင့်ပြင်လိုက်ချိန်မှာတော့ အားကစားရုံတစ်ခုလုံး လက်ခုပ်သံနှင့် အော်ဟစ်အားပေးသံများ ဆူညံပွက်လောရိုက်သွားသည်။ ရေကူးကန်ထောင့်တစ်နေရာမှာ စုဝေးနေသော မြန်မာအသင်းနှင့် ပွဲကြည့်စင်ပေါ်မှ ပရိသတ်တို့ အားပေးသံများဖြစ်သည်။

“အောင်ငြိမ်းဦး”ဟူသည့်အမည်ကို အော်ဟစ်လျက်အားပေးနေသူများမှာ အများစုက ၀ှီးချဲပေါ်တွင်ဖြစ်ပြီး မတ်တတ်ရပ်နေသူတချို့ကတော့ ခြေလက်တစ်ခုခု မသန်စွမ်းသူများဖြစ်ကြသည်။

အသက်(၂၆)နှစ်အရွယ် ကိုအောင်ငြိမ်းဦးမှာ လက်နှစ်ဖက်လုံးမရှိ။ သို့သော် သူ့မှာ စိတ်ဓာတ်နှင့် ယုံကြည်ချက်ရှိသည်။ အခြားနိုင်ငံမှ မသန်စွမ်းသူများနှင့် ယှဉ်ပြိုင်ရာတွင် မြန်မာနိုင်ငံမှ မသန်စွမ်းအဖွဲ့များအနေဖြင့် နည်းစနစ်ပိုင်းဆိုင်ရာ အားနည်းချက်များစွာရှိခဲ့သော်လည်း ကိုအောင်ငြိမ်းဦးက ရေကူးအားကစားပြိုင်ပွဲကို လက်နှစ်ဖက်မရှိဘဲ ခြေထောက်ဖြင့် အားပြုကူးခတ်ပြီး မြန်မာနိုင်ငံအတွက် ရွှေတံဆိပ်ရယူ၍ နိုင်ငံ့ဂုဏ်ဆောင်ပေးခဲ့သည်။

မုံရွာသားအောင်ငြိမ်းဦးက ငယ်စဉ်ကပင် မိခင်ဖြစ်သူ ဆုံးပါးသွားသည့်အတွက် မန္တလေးမှ ဘုန်းတော်ကြီးတစ်ပါးက စောင့်ရှောက်ထားခဲ့သူဖြစ်သည်။ အရွယ်ရလာသည့်အခါ မန္တလေးရှိ မိဘမဲ့ကလေးကျောင်းသို့ ရောက်ရှိခဲ့သည်။

ဒေါ်အောင်ဆန်းစုကြည် သမ္မတဖြစ်မယ်လို့ တရုတ်အစိုးရ တွက်ထားသလား

ဒေါ်အောင်ဆန်းစုကြည်၏ ကရင်ပြည်နယ် ခရီးစဉ်အတွင်း ကြိုဆိုနေကြသော ဒေသခံများ (ဓာတ်ပုံ – ရွှေအင်းသား ခင်မောင်ဝင်း)

မြန်မာနိုင်ငံတွင် ဒီမိုကရေစီ အသွင်ကူးပြောင်းမှုများ ပြုလုပ်နေချိန် အတိုက်အခံခေါင်းဆောင် ဒေါ်အောင်ဆန်းစုကြည်နှင့် အမျိုးသားဒီမိုကရေစီ အဖွဲ့ချုပ် (NLD) အပေါ် တရုတ်နိုင်ငံ၏ သဘောထား ရပ်တည်ချက်များ ပျော့ပျောင်းသည့် အသွင်ဆောင်လာခြင်းသည် ဒေါ်အောင်ဆန်းစုကြည်တနေ့ သမ္မတဖြစ်လာနိုင်မည်ဟု ၄င်းတို့ကလည်း မျှော်လင့် ထားသည်ဟု ယူဆကြည့်နိုင်ပါသည်။
၂ဝ၁၅ ခုနှစ် ရွေးကောက်ပွဲတွင် လက်ရှိ အာဏာရ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီအား အနိုင်ယူနိုင်လိမ့်မည်ဟု အများက မျှော်လင့်ထားကြသည့် မြန်မာနိုင်ငံ၏ အကြီးဆုံးအတိုက် အခံပါတီနှင့် နီးနီးကပ်ကပ် ဆက်ဆံခွင့်ရရန် ပြီးခဲ့ သောလများအတွင်း တရုတ်နိုင်ငံက ပေါ်ပေါ်ထင်ထင်ပင် အားထုတ်ခဲ့သည်။
ဒီဇင်ဘာလအတွင်းက တရုတ်နိုင်ငံမှ အစိုးရ တပိုင်း အဖွဲ့အစည်းတခုဖြစ်သော Chinese People’s Institute for Foreign Affair ၏ ဖိတ်ကြားမှုကြောင့် ဒေါ်အောင်ဆန်းစုကြည်နှင့် နီးစပ်သည့် လူရင်းတယောက်ဖြစ်သည့် ပါတီအတွင်း ရေးမှူး ဦးဉာဏ်ဝင်း ဦးဆောင်သည့် အဖွဲ့ဝင် ၁ဝဦး ပါ NLD ကိုယ်စားလှယ်အဖွဲ့ တရုတ်နိုင်ငံသို့ သွား ရောက်ခဲ့သည်။

ဗိုလ်ချုပ်မှူးကြီး မင်းအောင်လှိုင် ရာထူးမှ အနားယူတော့မလား

၂၀၁၃ ခုနှစ် မတ်လ ၂၇ ရက် တပ်မတော်နေ့ စစ်ရေးပြအခမ်းအနားတွင် တပ်ကို စစ်ဆေးနေသော ဗိုလ်ချုပ်မှူးကြီး မင်းအောင်လှိုင် (ဓာတ်ပုံ- ဂျေပိုင် / ဧရာဝတီ)

တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ရာထူးမှ အငြိမ်းစားယူတော့မည် ဆိုသည့် သတင်း တိုင်းရင်းသား လက်နက်ကိုင်အဖွဲ့များကြား ကျယ်ပြန့်စွာ ထွက်ပေါ်လျက်ရှိနေသည်။
ထိုသတင်းထွက်ပေါ်မှုကြောင့် တိုင်းရင်းသားများ ရေးဆွဲနေသည့် တနိုင်ငံလုံးဆိုင်ရာ အပစ်အခတ်ရပ်စဲရေး စာချုပ်တွင် ကာကွယ်ရေး ဦးစီးချုပ်အပြင် ဒုတိယ ကာကွယ်ရေးဦးစီးချုပ်ကိုပါ ပါဝင် လက်မှတ်ထိုးနိုင်ရန် စီစဉ်ထားကြောင်း တိုင်းရင်းသား ခေါင်းဆောင် များက ပြောသည်။
“အခုက ပထမတော့ ကာချုပ်လက်မှတ်ထိုးဖို့ပဲ လုပ်ထားတာပါ။ အခုတော့ ဒုကာချုပ် ကိုပါထည့်မယ်။ ကာချုပ်က နားမှာကို။ ဒီတော့ သူထိုးပြီးနောက် သူမပါရင် သူကမသိဘူးလုပ်မှာစိုးလို့ ဒုကာချုပ်ပါ လက်မှတ်ထိုးခိုင်းမလို့ လုပ်နေတယ်”ဟု တနိုင်ငံလုံး အပစ်အခတ် ရပ်စဲရေးဆိုင်ရာ ညှိနှိုင်ရေး အဖွဲ့(NCCT) အဖွဲ့ဝင် ဦးခွန်ဥက္ကာ က ပြောသည်။
ဗိုလ်ချုပ်မှူးကြီးမင်းအောင်လှိုင်သည် လာမည့် ၂၀၁၅ ရွေးကောက်ပွဲ အလွန် ၂၀၁၆ ခုနှစ်တွင် အသက် ၆၀ ပြည့်၍ တပ်မတော်မှ အငြိမ်းစားယူရမည်ဖြစ်ကာ တပ်မတော်သား လွှတ်တော် ကိုယ်စားလှယ်များ အစု အဖွဲ့က  ရွေးချယ် တင်မြှောက်မည့် ဒုတိယသမ္မတ ဖြစ်လာနိုင်ခြေရှိကြောင်း တပ်တွင်း သတင်း ရပ်ကွက်များက ပြောဆိုနေကြသည်။

မောင်တောမြို့တွင် ရဲများကို တိုက်ခိုက်သူသည် ရိုဟင်ဂျာအဖွဲ့အစည်း၏ သင်တန်းသားဟုဆို

ရန်ကုန်၊ မဇ္ဈိမ ။         ။ ရခိုင်ပြည်နယ် မောင်တောမြို့နယ် ဒုချီးရားရွာတွင် ဇန်နဝါရီလ ၁၄ ရက်က ဒေသခံ ဘင်္ဂလီများနှင့် မောင်တောရဲများအကြား ဖြစ်ပွားခဲ့သော အကြမ်းဖက်မှုတွင် ရဲတပ်ဖွဲ့ဝင်များအား စတင် တိုက်ခိုက်ရန် ဦးဆောင်သူသည် ဘင်္ဂလားဒေ့ရ်ှနိုင်ငံ အခြေစိုက် ရိုဟင်ဂျာ သွေးစည်းညီညွတ်ရေးအဖွဲ့ (RSO) တွင် သင်တန်းတက်ခဲ့သော ကေဖိုက်ဒူလာ ဖြစ်သည်ဟု နိုင်ငံပိုင်ရုပ်သံမီဒီယာ (MRTV)၏ ဇန်နဝါရီလ ၂၂ ရက် ည ၉ နာရီသတင်းနှင့် ပြန်ကြားရေးဝန်ကြီးဌာန ဝက်ဘ်ဆိုက်တွင် ကြေငြာလိုက်သည်။

RSOတွင် သင်တန်းတက်ခဲ့သည့် ကေဖိုက်ဒူလာ ဆိုသူသည် ပဋိပက္ခ မဖြစ်ပွားမီ ၁ဝ ရက်ခန့်ကမှ ဒုချီးရားတန်းကျေးရွာသို့ရောက်ရှိလာခြင်းဖြစ်ပြီး ၎င်း၏ သူငယ်ချင်း ငါးဦးခန့်နှင့်အတူ သေနတ်ပုံစံတူ တုတ်များပြုလုပ်ခဲ့ပြီး ပစ်ခတ်တတ်ရန် သင်ပေးခဲ့သည်ဟု ဆိုသည်။

အခင်းဖြစ်ပွားချိန်တွင် ကေဖိုက်ဒူလာနှင့်အတူ ဘင်္ဂလီ ၁၈ ဦး ပါဝင်ပြီး လက်ရှိတွင် ၁၁ဦးသည် တစ်ဖက်နိုင်ငံ၌ တိမ်းရှောင်နေပြီး RSO ၏ အကူအညီ အထောက်အပံ့ ရရှိရန် ကြိုးပမ်းနေသည်ဟုလည်း နိုင်ငံပိုင် ရုပ်သံမီဒီယာက ကြေငြာခဲ့သည်။

နမ့်စန်မှာ ဒေါ်အောင်ဆန်းစုကြည်လေယာဉ်ဆင်းဖို့ တပ်က ခွင့်မပြု

ရှမ်းပြည်နယ် နမ့်စန်မြို့ရှိ တပ်မတော်လေယာဉ်ကွင်းမှာ ခေတ္တလေယာဉ်ဆင်းသက်ခွင့် မရရှိတာကြောင့် ဒေါ်အောင်ဆန်းစုကြည်ရဲ့ ခရီးစဉ်ကို ပြောင်းလဲပြီး စီစဉ်ထားတယ်လို့ စီစဉ်သူတွေက ပြောပါတယ်။

ဒေါ်အောင်ဆန်းစုကြည်ရဲ့ ရှမ်းပြည်နယ် ၃ မြို့နယ်ခရီးစဉ်အတွက် နေပြည်တော်ကနေ လေယာဉ်နဲ့ ထွက်ပြီး နမ့်စန်မြို့က လေယာဉ်ကွင်းမှာ ဆင်းဖို့ လွန်ခဲ့တဲ့ ရက်ပိုင်းက မေတ္တာရပ်ခံ တင်ပြထားတာဖြစ်ပြီး ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်ထံကိုပါ မေတ္တာရပ်ခံ ထားတာပါ။ ဒါပေမယ့် ဗိုလ်ချုပ်မှူးကြီး မင်းအောင်လှိုင်ထံက တစုံတရာ အကြောင်း ပြန်ကြားမှု မရှိတဲ့အတွက် ဟဲဟိုးလေယာဉ်ကွင်းမှာပဲ ဆင်းပြီးခရီးစဉ်ကို ဆက်လက်စီစဉ် လိုက်တယ်လို့ ခရီးစဉ်အတွက် ဆောင်ရွက်သူတဦးဖြစ်တဲ့ ဦးရဲလှိုင်က ပြောပါတယ်။

“ကာကွယ်ရေး ဦးစီးချုပ်အထိ ပို့တဲ့ဟာကို မနေ့က အထိ အကြောင်းမပြန်ဘူး။ ဒီနေ့ အချိန်အထိ အကြောင်း မပြန်သေးဘူး။”

တစုံတရာ အကြောင်းပြန်ကြားမှု မရှိတဲ့အတွက် ဟဲဟိုးလေယာဉ်ကွင်းဟာ အရင်ကာလတုန်းက အရပ်ဘက်ကသုံးတဲ့ လေယာဉ်ကွင်းဖြစ်ပြီး နောက်ပိုင်းမှာ တပ်ပိုင်ကွင်းလုပ်ခဲ့တာလို့ ဦးရဲလှိုင်က ရှင်းပြပါတယ်။

မြိတ်မြို့၌ စိတ်မနှံ့သူ တစ်ဦးမှ ပုဆိန်ဖြင့် ခုတ်၍ အမျိုးသမီး (၁)ဦးနှင့် ကျောင်းသား(၁)ဦးသေဆုံး၊ ကျောင်းသားတစ်ဦး အတွင်း လူနာ အဖြစ် ကုသနေရ

၂၀၁၃ ခုနှစ်၊ ဇန်န၀ါရီလ (၂၃) ရက်နေ့ နေ့လည် (၃)နာရီ ခွဲ အချိန်ခန့်တွင် မြိတ်မြို့ မြိတ်တောင် ရပ်ကွက် စက်ဝင်းရပ် ဒိုင်လမ်း နှင့် သဇင်ခွဲ လမ်းထောင့် မုန့်ဆိုင်အရှေ့ ၌ စိတ်မနှံ့သူဟု ယူဆရသူ တစ်ဦးမှ လမ်းသွား လမ်းလာများအား ပုဆိန်တစ်လက် ၊ ဓားရှည် တစ်လက် ဖြင့် လိုက်လံ ခုတ်ထစ်မှုကြောင့် အမျိုးသမီး တစ်ဦးနှင့် သူငယ်တန်း ကျောင်းသား တစ်ဦး သေဆုံးပြီး ဒုတိယတန်း ကျောင်းသား တစ်ဦး မြိတ်ဆေးရုံကြီးတွင် အတွင်း လူနာအဖြစ် ကုသနေရကြောင်း သိရှိရသည်။

ဖြစ်စဉ်မှာ မြိတ်မြို့ ဘုရားကိုင် မူလတန်း လွန်ကျောင်းမှ ကျောင်းဆင်းချိန်၌ မောင်ဖြိုးဝေယံ ၊(မိဘ) ဦးသန်းဝေ -ဒေါ်ထားနွယ်၊ အသက် (၈)နှစ်၊ ဒုတိယတန်း၊ နှင့် မောင်ဟိန်းမင်းအောင်၊ အသက် (၇)နှစ်၊ သူငယ်တန်း၊ (မိဘ) ဦးကြည်ရှိန်၊ ဒေါ်စောမြ ၊ ငုဝါ (၃) လမ်း စက်ဝင်းရပ် နေသူနှင့် ဒေါ်နှင်းနှင်းဝေ အသက် (၃၀) ၊ (ဘ) ဦးမြင့်ဆွေ ၊ ကျောင်းဈေးရောင်း တို့သည်

စောင့်ကြည့်ရမည့်သူတစ်ဦး သို့မဟုတ် ဗိုလ်ချုပ်မှူးကြီး မင်းအောင်လှိုင်

မြန်မာပြည်သူများသည် သူတို့၏စစ်ဗိုလ်ချုပ် ကြီး များအား စောင့်ကြည့်လေ့ ရှိကြသည်။ ပြီးခဲ့သည့် ရာစုနှစ်ဝက်ကျော်မျှ စစ်တပ်က မြန်မာနိုင်ငံအား အုပ်ချုပ်ခဲ့ပြီး မကြာသေးမီကမှ နိုင်ငံရေး အပေါ် လုံးဝဥဿုံထိန်းချုပ်မှုများ အား လက် လွှတ်ပေး လိုက်သည်ကို စဉ်းစားသုံးသပ်ကြည့်လျှင် ယင်းမှာ အကျိုး အကြောင်းခိုင်လုံလှသော အလေ့အထတစ်ခု ဖြစ်ဖွယ်နိုင် ပေသည်။ ယနေ့အထိပင် သုံးနှစ်ကြာပြုပြင်ပြောင်းလဲမှု များလုပ်ခဲ့သည့်တိုင် အဆင့်မြင့်အရာရှိကြီးများမှာ သူတို့ သာ ဖြစ်နေပေသေးသည်။

ပြီးခဲ့သည့်အပတ်က တပ်မတော်ကာကွယ်ရေးဦးစီး ချုပ်(ဗိုလ်ချုပ်မှူးကြီး) မင်းအောင်လှိုင်၏ မိန့်ခွန်းအသေး စိတ်ကို အပတ်စဉ်ထုတ်စာေ စာင်တစ်ခု က ဖော်ပြထုတ်ဝေ လိုက်သည့်အခါ လူတွေထိုင်ပြီးစောင့်ကြည့်နေကြခြင်း ကို အပြစ်တင်ရန် ခက်လှပေလိမ့်မည်။

သူ၏မိန့်ခွန်းတွင် စစ်တပ်သည် မည်သူ ကိုမျှမကြောက်ဟု အခြားအကြောင်း အရာများနှင့်အတူ သူက ကြေညာခဲ့သည်။ တစ်စုံတစ်ဦးကများ အကယ်၍ ထိုသတင်းစကားမရခဲ့လျှင် သူကယခုလိုထပ်ပြောပါသည်။ “မြန်မာ့တပ်မတော် သည် အငြိမ်းစားဗိုလ်ချုပ်မှူးကြီးသန်းရွှေချမှတ် ခဲ့သောမူဝါဒများကို အမြဲ လိုက်နာမည်”ဟူ၍ဖြစ်ပါသည်။ (ဦး)သန်းရွှေသည် မြန်မာနိုင်ငံအား ၁၉၉၂ မှ ၂၀၁၁ အထိအုပ်ချုပ်ခဲ့သော စစ်အစိုးရခေါင်းဆောင် မဟုတ်ပါလား။

ဒေါ်အောင်ဆန်းစုကြည် သမ္မတဖြစ်ပါက ဝမ်းမြောက်ဝမ်းသာလက်တွဲခေါ်မည်ဟု ဦးရွှေမန်းပြော

နေပြည်တော်၊ မဇ္ဈိမ။ ။ ပြည်သူ့လွှတ်တော်ဥက္ကဋ္ဌ သူရဦးရွှေမန်း၏ သတင်းစာရှင်းလင်းပွဲတွင် ဒေါ်အောင်ဆန်းစုကြည် သမ္မတဖြစ်ရေးနှင့် ပတ်သက်၍ သတင်းထောက်တစ်ဦးက မေးမြန်းခြင်းကို ပြန်လည်ဖြေကြားရာတွင် "အမကြီး ဒေါ်အောင်ဆန်းစုကြည် သမ္မတဖြစ်ရင်လည်း မိမိအနေဖြင့် ဝမ်းမြောက်ဝမ်းသာ လက်တွဲခေါ်ပါမယ်"ဟု သူရဦးရွှေမန်းက ဖြေကြားခဲ့သည်။

သူရဦးရွှေမန်း၏ သတင်းစာရှင်းလင်းပွဲကို နေပြည်တော်ရှိ လွှတ်တော် အဆောက်အအုံအတွင်း နေ့လည် ၁နာရီမှစတင်ကာ ၃၅မိနစ်ခန့် ပြုလုပ်ခဲ့သည်။

(မဇ္ဈိမသတင်းဌာန )

မှော်ဘီတင့်ကားတပ်မှ လက်နက်တိုက် ဖောက်ထွင်းခံရ တိုင်းရဲတပ်ဖွဲ့ကိုယ်တိုင် ကိုင်တွယ်နေ

ရန်ကုန်၊ မဇ္ဈိမ။             ။မှော်ဘီတင့်ကားတပ်မှ လက်နက်တိုက် ဖောက်ထွင်းရပြီး ခဲယမ်းလက်နက်အချို့ ပျောက်ဆုံးနေမှုကို တိုင်း၊ ခရိုင်အဆင့်များဖြင့် ပူးပေါင်း ဖော်ထုတ်နေသည်ဟု မှော်ဘီမြို့မရဲစခန်းမှ ဒု-ရဲမှူး နိုင်နိုင်ငြိမ်းက ဇန်နဝါရီ ၂၃ရက်တွင် မဇ္ဈိမကို အတည်ပြုပြောပြခဲ့သည်။

အဆိုပါ လက်နက်တိုက် ဖောက်ထွင်းခံရမှုကို ဇန်နဝါရီ ၂၁ရက် နံနက် တွင် သိရှိခဲ့ပြီး အမှတ် (၅၀၁၀) တင့်ကား တပ်ရင်းမှ တပ်ရင်းမှူး ကြည်း ၂၃၇၈၅ ဒုတိယဗိုလ်မှူးကြီး အောင်သူက ဇန်နဝါရီ ၂၂ ရက်တွင် အမှုဖွင့် တိုင်တန်းလိုက်ခြင်း ဖြစ်သည်။

“လောလောဆယ်တော့ တိုင်းနဲ့ ခရိုင်တပ်ဖွဲ့တွေကပါ ပူးပေါင်းဖော်ထုတ်နေပါတယ်။ လက်နက် ၂ လက်နဲ့ ကျည် ၅၀၀တောင့် ပါသွားတာ ဟုတ်ပါတယ်။ ကျန်တဲ့အပိုင်းကတော့ တရားခံလွှတ်သွားမှာစိုးလို့ ဘာမှ ထုတ်ဖော်ပြောကြားပေးလို့ မရသေးပါဘူး”ဟု ရဲမှူး နိုင်နိုင်ငြိမ်းက ရှင်းပြခဲ့သည်။

ထောက်ကြန့်မှာ ပေါက်ကွဲမှုကြောင့် ကလေး ၂ ဦး ထိခိုက်ဒဏ်ရာရ

ရန်ကုန်တိုင်းဒေသကြီး ထောက်ကြန့်မြို့နယ် ဧကရာဇ်ရပ်ကွက်မှာ မတော်တဆပေါက်ကွဲမှု တခု ဖြစ်ပွားပြီး ကလေးငယ် ၂ ဦး ဒဏ်ရာရရှိသွားတယ်လို့ ထောက်ကြန့်ရဲစခန်း တာဝန်ကျ ရဲတပ်ဖွဲ့ဝင် တဦးက ဒီဗွီဘီကို အတည်ပြုပြောပါတယ်။

ဇန်န၀ါရီ ၂၃ ရက် ဒီနေ့မနက် ၇ နာရီခွဲလောက်က မြို့နယ် စည်ပင်သာယာ အုပ်ချုပ်ရေးမှူးရုံး ၀န်ထမ်းအိမ်ယာမှာ
သန့်ရှင်းရေးလုပ်သား ဦးလှဝင်း နေထိုင်တဲ့ အခန်းအနီး ၈ နှစ်အရွယ် မောင်မျိုးကို နဲ့ ၁၀ လ အရွယ် သမီးဖြစ်သူ ခိုင်သဇင်ဝင်းတို့ အမှိုက်ထဲက ပါလာတဲ့ ပစ္စည်းတခုကို ကိုင်တွယ် ဆော့ကစားနေစဉ် ပေါက်ကွဲမှု ဖြစ်ပွားခဲ့တာလို့ ဆိုပါတယ်။

အမျိုးသမီးတစ်ဦး ဒဏ်ရာများဖြင့် သေဆုံး လူသတ်မှု ကျူးလွန်သူကို ရက်ပိုင်း အတွင်း ဖမ်းဆီးရမိ

ညောင်လေးပင် ဇန်နဝါရီ ၂၂

ပဲခူးတိုင်းဒေသကြီး ညောင်လေးပင်မြို့ မြို့မ(၅)ရပ်ကွက် ရန်ကုန်မန္တလေးကားလမ်း မိုင်တိုင်အမှတ်၁၀၃/၃ နှင့် ၁၀၃/၄ လေပင်ဆိပ်တံတားအနီး ဇန်နဝါရီ ၁၉ ရက် ည၉ နာရီခွဲက အမျိုးသမီး တစ်ဦး ဒဏ်ရာများဖြင့် သေဆုံးနေသည်ကို တွေ့ခဲ့ရသည်။

ဖြစ်စဉ်မှာ ပဲခူးတိုင်းဒေသကြီး ညောင်လေးပင်မြို့နယ် ကြိုးကြာကွင်းကျေးရွာ အုပ်စု ငှက်ပျောတောကျေးရွာနေ ဦးကျော်အေးသည် ဇန်နဝါရီ၁၉ ရက်က နေအိမ်၌ရှိနေစဉ် သမီးဖြစ်သူ မပုံပုံ(ခ) မသဇင်မျိုးမျိုးထွေး (၃၀နှစ်)သည် ခရီးသွားရာမှ ပြန်လည် ရောက်ရှိလာခဲ့ပြီး ည ၉ နာရီခွဲ ခန့်တွင် နေအိမ်မှ အပြင်သို့ ပြန်လည် ထွက်သွားခဲ့သည်။

ည ၁၀ နာရီခွဲတွင် သမီးဖြစ်သူ မပုံပုံ(ခ) မသဇင်မျိုးမျိုးထွေးသည် ညောင်လေးပင်မြို့၊ မြို့မ (၅)ရပ်ကွက် လေပင်ဆိပ်တံတားအနီး ကားလမ်းမပေါ်တွင် ၀မ်းဗိုက်အလယ် ထိုးသွင်းဒဏ်ရာတစ်ချက်၊ ယာဘက်ဝမ်းဗိုက် ထိုးသွင်းဒဏ်ရာ တစ်ချက်တို့ဖြင့် သေဆုံးနေသည်ကိုတွေ့ရသဖြင့် ဖခင် ဦးကျော်အေးက လူသတ်မှု ကျူးလွန်သူအား အရေး ယူပေးပါရန် ညောင်လေးပင်ရဲစခန်းသို့ တိုင်ကြားခဲ့သည်။

ကုလငြိမ်းချမ်းရေး တပ်များသည် စင်ပြိုင်အစိုးရသဖွယ် ပြုမူနေသည် ဟု တောင်ဆူဒန်သမ္မတဆို

ဂျူဘာ၊ ဇန်နဝါရီ ၂၂

တောင်ဆူဒန်သမ္မတ ဆယ်ဗာကီရာက ကုလသမဂ္ဂ ငြိမ်းချမ်းရေး တပ်များသည် ၎င်း၏ နိုင်ငံထဲတွင် စင်ပြိုင်အစိုးရသဖွယ် ပြုမူနေကြောင်း စွပ်စွဲ ပြောကြားလိုက်သည်ဟု BBC သတင်းတစ်ရပ်တွင် ဖော်ပြထားသည်။

ကုလသမဂ္ဂက သူပုန်တပ်သားများနှင့် လက်နက်များကို UN စခန်းများ၌ ထည့်သွင်း ဝှက်ထားပေးနေကြောင်း တောင်ဆူဒန် အစိုးရက ကြေညာပြီးနောက် သမ္မတ၏ အထက်ပါ မှတ်ချက်စကား ထွက်ပေါ်လာခြင်း ဖြစ်သည်။

ပြီးခဲ့သည့် လပိုင်းက တိုက်ခိုက်မှုများ ဖြစ်ပွားခဲ့ပြီးနောက် တောင်ဆူဒန်နိုင်ငံ တွင် အရပ်သားပေါင်း ခုနစ်သောင်းကျော်သည် နိုင်ငံတဝှမ်းလုံးရှိ ကုလသမဂ္ဂ စခန်းများအတွင်း လာရောက် ခိုလှုံလျက်ရှိ ကြသည်။

ကမ္ဘာ့အဆင်းရဲဆုံး နိုင်ငံတစ်နိုင်ငံ ဖြစ်သော တောင်ဆူဒန်တွင် အစိုးရတပ်များရော၊ သူပုန်တပ်များကပါ အကြမ်းပတမ်း လူသတ်မှုများကို ကျူးလွန်နေသည်ဟု ကုလသမဂ္ဂ အဖွဲ့အစည်းက ထုတ်ဖော် ပြောကြားထားသည်။

ဒေါ်အောင်ဆန်းစုကြည် ခရီးစဉ်အတွက်ဟုဆိုကာ ငွေလိမ်ကောက်သည့် ရပ်ကွက်စည်းရုံးရေးမှူး ပါတီဝင်အဖြစ်ရပ်စဲ

ရန်ကုန်၊ ဇန်နဝါရီ ၂၂

မီဒီယာသမားများနာမည် အသုံးပြု၍ အမျိုးသား ဒီမိုကရေစီ အဖွဲ့ချုပ် (NLD) ပါတီဥက္ကဋ္ဌ ဒေါ်အောင်ဆန်းစုကြည်၏ ရှမ်းပြည်နယ်၊ နမ့်စန်ခရီးစဉ် အတွက်ဟုဆိုကာ တောင်ကြီးမြို့ပေါ်တွင် ငွေလိမ်လည် ကောက်ခံသည့် တောင်ကြီးမြို့ လမ်းမတော်ရပ်ကွက်မှ NLD ပါတီ စည်းရုံးရေးမှူးကို ပါတီဝင်အဖြစ်မှ ရပ်စဲလိုက်ကြောင်း တောင်ကြီးခရိုင် အမျိုးသား ဒီမိုကရေစီ အဖွဲ့ချုပ်ဥက္ကဋ္ဌ ဦးတင်မောင်တိုးက ပြောကြားသည်။

ယင်းရပ်ကွက် စည်းရုံးရေးမှူးကို ဇန်နဝါရီ ၂၁ ရက်နေ့က ပြုလုပ်ခဲ့သော တောင်ကြီးမြို့ အမျိုးသား ဒီမိုကရေစီ အဖွဲ့ချုပ် အစည်းအဝေးတွင် ပါတီဝင်အဖြစ်မှ ရပ်စဲလိုက်ခြင်း ဖြစ်ပြီး ထပ်မံအရေးယူနိုင်ရန် ရှမ်းပြည်နယ် အမျိုးသား ဒီမိုကရေစီ အဖွဲ့ချုပ် စည်းကမ်း ထိန်းသိမ်းရေးအဖွဲ့ထံ တင်ပြထားကြောင်း ယင်းပါတီ၏ သတင်းထုတ်ပြန်ချက်အရ သိရသည်။

“ကိုယ့်ပါတီဝင် တစ်ယောက်ဖြစ်တဲ့အတွက် နာမည်အသုံးချခံရတဲ့ RFA သတင်းထောက် ကိုကျော်မျိုးထွန်းကိုရော၊ RFA ကိုရော တောင်းပန်လိုက်ပါတယ်” ဟု ဦးတင်မောင်တိုးက ဆိုသည်။

Mister And Miss University ပြိုင်ပွဲဝင် ကောင်းမြတ်ဟိန်း ရေကူးကန်တွင် ရုတ်တရက်သေဆုံး

ရန်ကုန်၊ ဇန်နဝါရီ ၂၂

မြန်မာနိုင်ငံအတွင်းရှိ တက္ကသိုလ် အသီးသီးမှ စံပြမောင်မယ်များ ပေါ်ထွက်လာစေရေးကို ရည်ရွယ်၍ စီစဉ်ပြုလုပ်မည့် Mister And Miss University ပြိုင်ပွဲ၏ နောက်ဆုံးအဆင့်တွင် ဝင်ရောက် ယှဉ်ပြိုင်ရန် ရွေးချယ်ခံထားရသည့် ရန်ကုန် အနောက်ပိုင်းတက္ကသိုလ် ကိုယ်စားပြု ဒုတိယနှစ် တက္ကသိုလ် ကျောင်းသား ကောင်းမြတ်ဟိန်းသည် ပြိုင်ပွဲအတွက် စခန်းသွင်း လေ့ကျင့်နေသည့် City Golf Resort ဟိုတယ်၏ ရေကူးကန်တွင် ရုတ်တရက် ကွယ်လွန်သွားခဲ့ကြောင်း August Myanmar Media Group မှ CEO ဦးရဲမြန်မာအောင်က The Voice သို့ ပြောကြားသည်။

ဇန်နဝါရီလ ၂၂ ရက် ည ၁၂ နာရီကျော်အချိန်၌ ကောင်းမြတ်ဟိန်း၏ အလောင်းကို City Golf Resort ဟိုတယ်၏ ရေကူးကန်တွင် ဟိုတယ် လုံခြုံရေးများက တွေ့ရှိခဲ့ခြင်း ဖြစ်ကြောင်း၊ ယင်းနေ့ညမှာ စခန်းသွင်း လေ့ကျင့်သည့် နောက်ဆုံးည ဖြစ်သည့်အတွက် ပြိုင်ပွဲဝင်များကို ပါတီတစ်ခု ကျင်းပပေးခဲ့ပြီး ယင်းပါတီသို့လည်း ကောင်းမြတ်ဟိန်း ပါမလာခဲ့ကြောင်း၊ ယခင်နေ့များတွင်မူ ညစဉ် ၁၀ နာရီတွင် ပြိုင်ပွဲဝင်များကို စစ်ဆေးလေ့ ရှိသော်လည်း ယင်းနေ့တွင်မူ ပါတီပွဲမှာ ညဥ့်နက်မှ ပြီးဆုံးသည့်အတွက် မစစ်ဆေးဖြစ်ခဲ့ခြင်း ဖြစ်ကြောင်း၊ ကောင်းမြတ်ဟိန်း သေဆုံးမှုကို CID မှ တာဝန်ရှိသူများက စစ်ဆေးနေဆဲ ဖြစ်သည့်အတွက် သေဆုံးရသည့် အကြောင်းအရင်းကို မသိရသေးကြောင်း ၎င်းက ထပ်လောင်းပြောကြားသည်။

လှိုင်သာယာတွင် ကျူးကျော်အိမ် တစ်ထောင်ကျော်ကို ဒုတိယအကြိမ် ထပ်မံဖယ်ရှား

ရန်ကုန်၊ ဇန်နဝါရီ ၂၂

ရန်ကုန်မြို့တော် လှိုင်သာယာမြို့နယ်ရှိ ကျူးကျော်နေအိမ်များကို အစိုးရက ဖယ်ရှား ရှင်းလင်းလျက်ရှိရာ ဇန်နဝါရီလ ၂၂ ရက်နေ့ နံနက်အစောပိုင်းက ဒုတိယမြောက်နေ့အဖြစ် (၁၅) ရပ်ကွက်၊ ရွှေလင်ပန်း ချောင်းဘေးရှိ ကျူးကျော်နေအိမ် တစ်ထောင်ကျော်ကို ဖယ်ရှား ရှင်းလင်းခဲ့ကြောင်း နေအိမ် ဖျက်ဆီးခံရသော ကျူးကျော် နေထိုင်သူများထံမှ သိရသည်။

ယနေ့ ရှင်းလင်းသည့် နေအိမ်များမှာ လှိုင်သာယာမြို့နယ် (၁၅) ရပ်ကွက်၊ ရွှေလင်ပန်းချောင်းဘေးရှိ စည်ပင်သာယာပိုင် မြေပေါ်မှ ကျူးကျော်နေအိမ်များ ဖြစ်ပြီး စုစုပေါင်း ၁၂၀၀ ဝန်းကျင် ရှိကြောင်း နံနက် ၆ နာရီဝန်းကျင်တွင် လုံခြုံရေး ရဲတပ်ဖွဲ့ဝင် ၅၀၀ ဝန်းကျင်နှင့် စည်ပင်သာယာ ဝန်ထမ်းများ၊ အုပ်ချုပ်ရေး တာဝန်ရှိသူများ စုစုပေါင်း ၇၀၀ ဝန်းကျင်က လာရောက် ရှင်းလင်း ဖယ်ရှားခြင်း ဖြစ်ကြောင်း မျက်မြင်တွေ့ရှိသူများက ပြောဆိုသည်။

ရှင်းလင်းဖယ်ရှား ခံရသူများ၏ အဆိုအရ ကျူးကျော်တဲ ၁၂၀၀ ကျော် ဖျက်ဆီးခံရသည်ဟု သိရသော်လည်း လာရောက် ရှင်းလင်းရာတွင် ကိုယ်တိုင် ပါဝင်သူတစ်ဦး၏ အဆိုအရမူ အိမ် ၂၀၀ ကျော်သာ ရှင်းလင်းခဲ့ကြောင်း သိရသည်။

လက်မှတ်ထိုးပြီး အပစ်ရပ်စာချုပ်ကို လွှတ်တော်သို့တင်ပြ၍ လွှတ်တော်၏ ဆုံးဖြတ်ချက်ဖြင့် နောက်ဆက်တွဲ အာမခံချက်များ ခိုင်မာစေရန် လုပ်ဆောင်သွားမည်

ဇန်န၀ါရီ ၂၂ ရက်က ကျင်းပသည့် တိုင်းရင်းသားလက်နက်ကိုင် အဖွဲ့များ၏ လော်ခီးလာညီလာခံသို့ တက်ရောက်လာသူများကို တွေ့ရစဉ်

တစ်နိုင်ငံလုံး အတိုင်းအတာအရ အပစ်အခတ်ရပ်စဲရေး စာချုပ်မူကြမ်းကို နှစ်ဖက်သဘောတူညီချက် ရရှိကာ လက်မှတ်ရေးထိုးပြီးချိန်၌ ထိုစာချုပ်ကို လွှတ်တော်သို့တင်ပြပြီး လွှတ်တော်၏ ဆုံးဖြတ်ချက်ဖြင့် နောက်ဆက်တွဲ အာမခံချက်များ ခိုင်မာစေရန် ပြင်ဆင်ထားကြောင်း တိုင်းရင်းသားလက်နက်ကိုင် အဖွဲ့များ၏ လော်ခီးလာညီလာခံသို့ တက်ရောက်နေသည့် တိုင်းရင်းသားခေါင်းဆောင်များက The Daily Eleven သို့ ပြောကြားသည်။

တိုင်းရင်းသား လက်နက်ကိုင်အဖွဲ့များနှင့် အပစ်အခတ် ရပ်စဲရေးဆိုင်ရာ သဘောတူညီချက်ကို ယခုအစိုးရ သက်တမ်းအတွင်း လက်မှတ်ရေးထိုးနိုင်ခြေ ရှိသော်လည်း စာချုပ်နောက်ဆက်တွဲပါ အာမခံချက်များကို နောင်တက်လာမည့် အစိုးရက အကောင်အထည်ဖော်မည့် အာမခံချက်ရရှိရန် လွှတ်တော်၏ အဆုံးအဖြတ်က အရေးပါလျက် ရှိနေသည်။

“လွှတ်တော်ကိုတင်ပြီးတော့ လွှတ်တော်ကနေ တရားဝင် စာချုပ်စာတမ်းအဖြစ် လွှတ်တော်ရဲ့ အတည်ပြုဥပဒေအဖြစ် ပြဌာန်းလိုက်ရင်တော့ နောက်အစိုးရမှာတော့ တာဝန်ရှိသွားတာပေါ့” ဟု ညီညွတ်သောတိုင်းရင်းသားလူမျိုးများ ဖက်ဒရယ်ကောင်စီ (UNFC) ၏ တွဲဖက်အတွင်းရေးမှူး ဗိုလ်မှူးကြီးခွန်ဥက္ကာက The Daily Eleven သို့ ပြောကြားသည်။

မင်္ဂလာဒုံ စစ်ဘက်ရေးရာ လုံခြုံရေးတပ်ဆွယ် (လေ) ၀င်းအတွင်း ဓာတ်ဆီ၊ ဒီဇယ်ဆီဂိုဒေါင် မီးလောင်ကျွမ်းမှု ဂိုဒေါင်တာဝန်ခံကို စစ်ခုံရုံးဖွဲ့ စစ်ဆေးမည်ဖြစ်ပြီး မီးလောင်ကျွမ်းမှုကြောင့် အမျိုးသားလေးဦး ဒဏ်ရာရရှိ

မင်္ဂလာဒုံမြို့နယ် စစ်ဘက်ရေးရာလုံခြုံရေးဝင်း အတွင်းရှိ ဒီဇယ်ဆီဂိုဒေါင် မီးလောင်ကျွမ်းမှုအား ဇန်န၀ါရီ ၂၁ ရက် ညပိုင်းက တွေ့ရစဉ်

မင်္ဂလာဒုံ စစ်ဘက်ရေးရာ လုံခြုံရေးတပ်ဆွယ်(လေ)၀င်းအတွင်း ဇန်န၀ါရီ ၂၁ ရက် ည ၆ နာရီဝန်းကျင်က ဓာတ်ဆီ၊ ဒီဇယ်ဆီဂိုဒေါင် မီးလောင်ကျွမ်းမှုအား ဂိုဒေါင်တာဝန်ခံ တပ်ကြပ်ကြီးတစ်ဦးကို စစ်ခုံရုံးဖွဲ့ စစ်ဆေးမည်ဖြစ်ကြောင်း ရန်ကုန်တိုင်းဒေသကြီး မီးသတ်ဦးစီးဌာန၏ သတင်းထုတ်ပြန်ချက်အရ သိရသည်။

မီးလောင်ကျွမ်းမှုကြောင့် အမျိုးသားလေးဦး မီးလောင်ဒဏ်ရာရရှိခဲ့ပြီး မြန်မာနိုင်ငံ မီးသတ်တပ်ဖွဲ့ဋ္ဌာနချုပ်မှ လက်ထောက်မီးသတ် ဦးစီးမှူးတစ်ဦး မျက်နှာမီးဟပ်ခံခဲ့ရကြောင်း သိရသည်။

မီးလောင်မှုအကြောင်းရင်းမှာ ဓာတ်ဆီတိုင်ကီအား ကားပေါ်တင်စဉ် သမံတလင်းပေါ်သို့ ပြုတ်ကျရာမှ မီးစတင်လောင်ကျွမ်းခြင်းဖြစ်ကြောင်း ရန်ကုန်တိုင်းဒေသကြီး မီးသတ်ဦးစီးဌာနမှ ထုတ်ပြန်ထားပြီး မှုခင်းမှတ်တမ်းများတွင် ဆီတိုင်ကီကို သံဂေါက်တံဖြင့်ပိတ်စဉ် မီးပွင့်ပြီး မီးစတင်လောင်ကျွမ်းခြင်းဖြစ်ကြောင်း ဖော်ပြထားသည်။

ရန်ကုန်သားများ ကြွက်သား ဝယ်စားမိနေပြီလား

ရန်ကုန်မှာ ထမင်းဆိုင်ထိုင်တဲ့အခါ ကြက်အသည်းအမြစ် မှာစားသူ အများအပြားရှိတာ တွေ့ရမှာပါ။

အသည်းအမြစ်က ကြက်သားဟင်းထက်တောင် ဈေးပိုနေပါလိမ့်မယ်။

အဲသလို ရန်ကုန်ဈေးကွက်မှာလူကြိုက်များတဲ့ အသည်းအမြစ်ကို အင်ထုပြီးရောင်းနေတာတွေရှိတယ်လို့ အသည်းအထူးကု ပါမောက္ခဦးခင်မောင်ဝင်းက ပြောဆိုကြောင်း ဒီတပတ်ထုတ် လျှပ်တစ်ပြက်ဂျာနယ် စာမျက်နှာ ၅ မှာ ရေးထားပါတယ်။

"ကြွက်အကြီးကြီးတွေ အပုံလိုက်ကြီး၊ ရာနဲ့ချီပြီးပုံတယ်၊ ဘယ်လိုဖမ်းထားလဲတော့ မသိဘူး။ အဲဒီထဲက အသည်းတွေကိုထုတ်၊ အသည်းတွေကလည်း အကြီးကြီးတွေ၊ ကြက်အသည်းတွေလောက် ရှိတယ်။ အဲဒါတွေကို မြို့ထဲက စားသောက်ဆိုင်တွေမှာ သွင်းတာ တဲ့။ ဖြစ်ရပ်မှန်ပဲ။ လေးထောင့်ကန်မှာ မနက် (၅)နာရီလောက် သွားရင် ဒိုင်တွေ ရှိတယ်။ ကြွက်အကြီးကြီးတွေ၊ အသည်းတွေလည်း အစုံရှိတယ်။ အဲတော့ ကိုယ်စားတာ ကြက်အသည်းလား ကြွက်အသည်းလား ခွဲခြားကြပါ" လို့ ဦးခင်မောင်ဝင်းက ပြောဆိုကြောင်း ဂျာနယ်မှာ ရေးပါတယ်။

ကြွက်များရဲ့ အသားကို ဘာလုပ်ပစ်တယ်ဆိုတာကိုတော့ ပြောဆိုထားတာ မတွေ့ရပါဘူး။

တစ်ကိုယ်လုံး ထိုးဖောက်မြင်ရတဲ့ ဂျယ်လီငါးမျိုးသစ် တွေ့ရှိ

နယူဇီလန်နိုင်ငံ ရေပိုက်နက်မှာ တွေ့ရှိခဲ့တဲ့ ငါးမျိုးစိတ်သစ် ဖြစ်ပါတယ်။ Karikari Peninsula မြောက်ပိုင်း ၄၃ မိုင်အကွာ (နယူးဇီလန်) ရေပိုင်နက် အတွင်း တွေ့မြင်ခဲ့တဲ့ ငါး ဖြစ်ပါတယ်။

နယူးဇီလန်နိုင်ငံသား တံငါသည် သားအဖ ဖြစ်တဲ့ Conaugh နဲ့ Finn တို့ တွေ့ရှိခဲ့ခြင်း ဖြစ်ပါတယ်။ ငါးက ပုံမှာ မြင်တွေ့ရသလိုပဲ တကယ် ကို ဖြောင်ထွက်နေပါတယ်။ လိမ္မော်ရောင် အတုံးလေးကိုတော့ ထိုးဖောက် မမြင်ရပါဘူး။ ယင်းနေရာကလွဲလို့ ငါးတစ်ကိုယ်လုံးက ဖန်လိုပဲ တစ်ဖက်နဲ့ တစ်ဖက် ထိုးဖောက်မြင်နေရပါတယ်။ ယင်းငါးကို ဖန်ဆီးရမိ ပြီး နယူးဇီလန် က ငါးပြတိုက် တစ်ခုကို ပေးအပ်ခဲ့ ပါတယ်။

သုတေသန ပြုလုပ်ထားချက်အရ ဂျယ်လီငါး မျိုးနွယ်များထဲက တစ်မျိုး ဖြစ်ကြောင်း သိရ ပါတယ်။
.
Ref: dailymail
အောင်ခမ်း ( smart.com.mm )

YoYarLay

တစ်နိုင်ငံလုံး အပစ်ရပ်မူကြမ်း မနက်ဖြန် အပြီးသတ်နိုင်မယ်လို့ ဗိုလ်ချုပ်ဂွမ်မော် ပြောကြား

KNU ကရင်အမျိုးသား အစည်းအရုံး ထိန်းချုပ်နယ်မြေ လော်ခီးလာ ခေါ် လေးဝါးမှာ ကျင်းပနေတဲ့ တိုင်းရင်းသား လက်နက်ကိုင်အဖွဲ့တွေရဲ့ ညီလာခံကနေ အဖွဲ့အားလုံး လက်ခံနိုင်မယ့်မူကြမ်းကို မနက်ဖြန်မှာ အားလုံးသဘောတူနိုင်မယ်လို့ ယုံကြည်ကြောင်း ကေအိုင်အို ဒုတိယ စစ်ဦးစီးချုပ် ဗိုလ်ချုပ် ဂွမ်မော်က RFA ကို ဒီကနေ့ ပြောပါတယ်။

အစိုးရနဲ့ တစ်နိုင်ငံလုံး အပစ်ခတ်ရပ်စဲရေး လက်မှတ်ရေးထိုးပွဲ ကျင်းပနိုင်ဖို့အတွက် တိုင်းရင်းသား အဖွဲ့တွေဘက်က မူကြမ်းတစ်ခုတင်ပြနိုင်ဖို့ လေးဝါး မှာ ဆွေးနွေးနေကြတာပါ။ ဆွေးနွေးနေတဲ့ အသေးစိတ် အချက်တွေကို ထုတ်ဖော်ပြောဆိုတာမရှိပေမယ့် အားလုံးလက်ခံတဲ့ မူကြမ်းတစ်ခုရမယ်လို့ ဗိုလ်ချုပ် ဂွမ်မော်က အခုလို ပြောပါတယ်။

ပုဂံ ( သို့မဟုတ် ) အရိုးပြိုင်းပြိုင်းကျနေတဲ့ ယဉ်ကျေးမှုတို့ရှိရာအရပ်

'ပုဂံ'

မြန်မာ့ယဉ်ကျေးမှုအစ၊ မြန်မာ့ သမိုင်းတို့၏အစဖြစ်တည်ရာ ထိုနယ်မြေ ပေါ်တွင် ရှေးယခင်အဆက်ဆက်ကပင် တည်ရှိထားခဲ့သည့် ရိုးရာအမွေအနှစ် များက ယနေ့တိုင်ထင်ရှားဆဲ၊ ထင်ပေါ် ဆဲဖြစ်သည်။ ထို့အပြင် 'ပုဂံ'နှင့်အတူ စင်ပေါ်ရောက်လာသည့် မြန်မာ့ရိုးရာဓ လေ့၊ ယဉ်ကျေးမှုများကလည်းဒုနှင့်ဒေး။ နိုင်ငံတကာကပါ စိတ်ဝင်တစားနှင့် အံ့သြရသည့် မြန်မာ့ဓလေ့ထုံးတမ်းများ၊ မြန်မာ့ရိုးရာလက်ရာများနှင့် အမွေအ နှစ်များ၊ ထိုအရာများက 'ပုဂံ'သို့ လာ ရောက်သည့်မည်သည့်နိုင် ငံသားကိုမဆိုမင်သက်စေနိုင်စွမ်းရှိသည်။

'ပုဂံ'၏ ရိုးရာကို အမှီသဟဲပြုကာ အသက်မွေးဝမ်းကျောင်း နေရသူများ မှာ ယနေ့တိုင် ရှိနေဆဲဖြစ်ပြီး ထိုသူများ သည် ပုဂံသူပုဂံသားများ အဖြစ် ပေါက် ဖွားလာခဲ့ကြသူများဖြစ်သည်။ နိုင်ငံခြား သား ခရီးသွားများ၏ စိတ်ဝင်တစားရှိ လာမှုကြောင့် ပုဂံနှင့်အတူ ပနံသင့်လာကြ သူများလည်း ဖြစ် သည်။ သာမန်မြန်မာ သိရုံသာမက ကမ္ဘာကပါ တစ်စိတ်တစ် ဒေသသိ လာကြသည့် ယဉ်ကျေးမှုဘဝ များ။ ထိုဘဝများက ယခင်နှင့်မတူတော့ ဘဲ သိသိသာသာပြိုလဲမှုများရှိလာသည်။ အပြောင်းအလဲများရှိလာပြီး အချို့က
ဘိုးဘွားစဉ်ဆက် ယဉ်ကျေးမှုလုပ်ငန်း ကို လုပ်ကိုင်ရန် တွန့်ဆုတ်လာကြ သည်။ ထိုဘဝများကို ယေဘုယျစစ်တမ်း ကောက်ကြည့်မည်ဆိုပါက ဤသို့ တွေ့ နိုင်ပေလိမ့်မည်။