အာဏာသိမ်းဖို့ "အဖေကြီး" စီစဉ်ပေးခဲ့

မဆလခေတ် ၁၉၈၈ လူထုအုံကြွမှုကာလမှာ စစ်တပ်က အာဏာသိမ်းခဲ့ပါတယ်။

အာဏာသိမ်းတဲ့နေ့က စက်တင်ဘာ ၁၈ ရက်နေ့ပါ။

အဲဒီမနက်မှာ ဦးနေ၀င်းအိမ်ကနေ  မဆလ ပါတီ အထွေထွေအတွင်းရေးမှူးကို ဖုန်းဆက်ခေါ်တယ်၊ ဒါနဲ့မဆလ ထိပ်သီး ၆ ယောက် ဦးနေ၀င်းအိမ်ကို အခစားဝင်ကြပါတယ် တဲ့။

အဲဒီ ၆ ယောက်က
"သမ္မတဒေါက်တာမောင်မောင်၊ ဝန်ကြီးချုပ်က သူရဦးထွန်းတင်၊ ဒုဝန်ကြီးချုပ်က ဗိုလ်ချုပ်သန်းတင်၊   ပါတီ အထွေထွေ အတွင်းရေးမှူးကတော့ ဗိုလ်ချုပ်ကြီးအေးကို၊ တွဲဖက်က ဗိုလ်ချုပ်ကြီး သူရကျော်ထင်၊ နိုင်ငံခြားရေးဝန်ကြီးက ဦးရဲခေါင်" တို့ ဖြစ်ကြောင်း ဦးခင်ညွန့်က ပြောတယ်လို့ အင်္ဂါနေ့ရက်စွဲနဲ့  ထုတ်ဝေတဲ့ မော်နီတာဂျာနယ်မှာ ရေးထားပါတယ်။

ဖုန်းလာချိန်မှာ ကာချုပ် ဗိုလ်ချုပ်ကြီးစောမောင်၊ ထောက်လှမ်းရေးချုပ် ဗိုလ်မှူးချုပ်ခင်ညွန့်တို့လည်း ရှိနေတော့ စုစုပေါင်း ၈ ယောက်သား ဦးနေ၀င်းအိမ်ကို ချီတက်သွားကြတယ်လို့ ဆိုပါတယ်။
ဟိုရောက်တော့ ဥက္ကဋ္ဌကြီးဦးနေ၀င်းက သူတို့ကို စစ်အာဏာသိမ်းဖို့ ပြောပါတယ် တဲ့။

ဥက္ကဋ္ဌကြီးပြောဆိုပုံကို ဦးခင်ညွန့် ရှင်းပြတာက ဒီလိုပါ ...

အရှင်မွေး နေ့ချင်းကြီးစေ

အရှင်မွေးတော့နေ့ချင်းကြီး ဆိုသ လိုပင်ထင်ပါ့။ ကော့မှူးမြို့နယ်ထဲကို စ တင်ဝင်လိုက်ကတည်းက ဗဟိုလမ်းမကြီး ၏ ခင်းကျင်းထားမှုကပင် လမ်းတစ်လျှောက် လုံးအနေအထားနှင့် ကွာဟ သွားခဲ့သည်။ ဘေးဝဲယာ လမ်းသွယ်များပင် ကွန်ကရစ် လမ်းအသီးသီးဖြင့်တင့်တယ်လှပနေခဲ့၏။ ”ဦးခင်ရွှေကောင်းမှုတွေထင်တယ်” ဟု အတူပါလာသော ရုံးက ဂျူနီယာ သတင်းထောက်က ပြော၏။”အင်း” ဟု တစ်ခွန်းတည်းသာ သူ့ကိုပြန်ဖြေဖြစ်သည်။ ၂ဝ၁၂ခုနှစ် ဧပြီလကကျင်းပခဲ့သော ကြားဖြတ်ေ ရွးကောက်ပွဲတွင် အမျိုးသား ဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်း စုကြည်ကော့မှူးမြို့နယ်မဲဆန္ဒနယ်မှ ပြည်

သူ့လွှတ်တော်ကိုယ်စားလှယ်လောင်း နေ ရာဝင်ရောက်ယှဉ်ပြိုင် အရွေးခံပြီးနောက် ပိုင်း ကော့မှူးမြို့နယ်သည် နေ့ချင်းဆိုသ လိုဖီးလိမ်ပြင်ဆင်ပြုပြင်လိုက်သော တော သူမအလှမယ်လေး သဖွယ်ဖြစ်လာခဲ့ခြင်း ဖြစ်သည်။ ကမ္ဘာကျော် ငြိမ်းချမ်းရေးနိုဗယ် ဆုရှင်တစ်ယောက်ဖြစ်တာကြောင့်လည်း သူမို့ လိုအပ်သည်ဆိုလျှင် ကူညီပေးချင်ကြသူများကလည်း ဒုနှင့်ဒေးပင်မဟုတ်လား။ မည်သို့ပင်ဖြစ်ဖြစ် ကော့မှူးမြို့နယ်သည် ဒေါ်အောင်ဆန်းစုကြည် အမတ်ဖြစ်လာ ပြီးနောက်ပိုင်း ဒေသခံများနှင့် တွေ့ဆုံရန် လာရောက်ခဲ့သည့် အကြိမ်ပေါင်း ၁၂ ကြိမ် အတွင်း ရုပ်ဝတ္ထုပိုင်း၌ များစွာဖွံ့ဖြိုးလာ သည်ဟု ဆိုရမည် ဖြစ်၏။

ယူရိုယုတ္တိဗေဒ (မင်းလူ)

     ယူရို ၂၀၀၄ ဘောလုံးပွဲ ပြီးသွားသောအခါ ဝေဖန်ဆန်းစစ်မှုအမျိုးမျိုး ထွက်ပေါ်လာသည်။ အထူးသဖြင့် ၂၀၀၂ ကမ္ဘာ့ဖလားတုန်းကထက် မထင်မှတ်တာတွေ ပိုပြီးဖြစ်ခဲ့သောအချက်ကို လူပြောများသည်။
    ဗိုလ်စွဲနိုင်သည်ဟု ထိပ်ဆုံးက တစ်ပေးခံထားရသောအသင်းကြီးတွေ စောစောစီးစီး တဖြုတ်ဖြုတ် ထွက်ကုန်ကြရသည်။ နာမည်ကျော်ဘောလုံးသမားတွေ ခြေစွမ်းမပြနိုင်ဘဲ ဖြစ်ရသည်။ ဂိုးသွင်းချန်ပီယံအချို့ တစ်ဂိုးတလေတောင် မသွင်းလိုက်ရဘဲ အိမ်ပြန်သွားရသည်။ ဘောလုံးဆရာကြီးတွေ ခန့်မှန်းတွက်ချက် ဟောကိန်းထုတ်မှုများ တလွဲတချော်တွေဖြစ်ကုန်သည်။ လွဲချက်ကတော့ နီကိုရဲဝတ္ထုတွေထက်တောင် သာသေးသည်။ ဘယ်သူမှ အထင်မကြီးထားသော အသင်းကလေးက တက်ပြီး ဗိုလ်စွဲသွားသည်။
    ယူရို ၂၀၀၄ ပွဲသည် ဘောလုံးလောက၏ ကြီးကျယ်သောအချိုးအကွေ့ အပြောင်းအလဲကြီးဖြစ်သည်ဟု ဘောလုံး ဝေဖန်ရေးဆရာကြီးတွေက ဆိုကြသည်။ နာမည်ကြီးထိပ်သီးဘောလုံးသမားတွေပါတိုင်း အောင်မြင်မှုရမည်ဟု မပြောနိုင်။ အင်အားကြီးသူ နိုင်စတမ်းဆိုသော ခေတ်ကုန်သွားပြီ။ အနာဂတ်ဘောလုံးပွဲများသည် ဘောလုံးသမားချင်းယှဉ်ပြိုင်ကြခြင်း မဟုတ်တော့ဘဲ နည်းပြဆရာတို့၏နည်းဗျူဟာပြိုင်ပွဲများဖြစ်လာလိမ့်မည်ဟု သုံးသပ်ကြသည်။

နေပြည်တော်အဝေးပြေးလမ်းမှာ နာနာဘာဝတွေ ရှိနေသလား

ယာဉ်မတော်တဆမှု မကြာခဏ ဖြစ်နေသည့် ရန်ကုန် – နေပြည်တော် – မန္တလေး အမြန်လမ်းမကြီး မြင်ကွင်း (ဓာတ်ပုံ – ဂျေပိုင် / ဧရာဝတီ)

နေပြည်တော်နဲ့အတူ ပေါ်လာတဲ့ ရန်ကုန်- မန္တလေးအမြန်လမ်းမကြီးပေါ်မှာယာဉ်မတော်တဆမှုတွေနဲ့ ကြုံကြိုက်တဲ့အခါ ခါတိုင်းတော့ အိပ်ငိုက်တဲ့ယာဉ်မောင်းသူ၊ စနစ်မကျတဲ့ လမ်းမကြီး ဖောက်လုပ်ရေး ဆောင်ရွက်ခဲ့သူ တို့ကို မကြာခဏ အပြစ်ပုံကြပါတယ်။
အခုတော့ အပြစ်ဖို့စရာတခု ထပ်တိုးလာပါပြီ။ အဲဒါကတော့ မကောင်းဆိုးဝါးတွေ၊ နာနာဘာဝတွေ ဖြစ်ပါတယ်။
ရွှေလီဦး အဝေးပြေးကားအသင်း ယာဉ်မောင်းတဦးဖြစ်တဲ့ စိုင်းဘခိုင်ကတော့ အမြန်လမ်းမကြီးပေါ် ပုံမှန်ဖြတ်သန်းနေကြဖြစ်တဲ့ ကားသမားတချို့ဟာ ပရလောကသူ၊ ပရလောကသား တို့နဲ့ မတွေ့ချင်ဘဲ တွေ့ခဲ့ရတယ်လို့ ဧရာဝတီကို အခုလို ပြောပြပါတယ်။
“အသိ ကားသမားတချို့ကတော့ နာနာဘာဝတွေရဲ့ နှောင့်ယှက်တာကို ခံရတယ်လို့တော့
သိရတယ်၊ ကိုယ်တိုင်တော့ မကြုံဖူးသေးပါဘူး၊ အမြန်လမ်းပေါ်မောင်းရင်တော့
တော်တော်လေး ဂရုစိုက်ပြီးတော့ မောင်းနေရတယ်။ အန္တရာယ်ကင်းအောင်” လို့ စိုင်းဘခိုင်က ဆိုပါတယ်။

၂၀၁၅ အထိ ဗိုလ်ချုပ်မှူးကြီးသန်းရွှေ အသက်ရှင်နေဖို့ လိုတယ် . . .

ယခုတစ်ပတ်ထုတ် The Messenger Journal အတွဲ (၄)၊  အမှတ် (၁၀) တွင် "၂၀၁၅ အထိ ဗိုလ်ချုပ်မှူးကြီးသန်းရွှေ အသက်ရှင်နေဖို့ လိုတယ်..."  ခေါင်းစဉ်ဖြင့် ဖော်ပြထားသည့်  ဦးမင်းဇင်နှင့် အင်တာဗျူးပါ  အမေးအဖြေ အချို့အား ပြန်လည်ကောက်နုတ် ဖော်ပြအပ်ပါသည်။
မေး  ။  အခုပြောတဲ့ အထဲမှာ ဒေါ်အောင်ဆန်းစုကြည်ရဲ့ ၂၀၁၅ မှာ ဖြစ်လာမယ့် အခန်းကဏ္ဍကို လျှော့ချတဲ့ အနေနဲ့ အခုလို အခြေအနေတွေ ဖြစ်နေတယ်လို့ ယူဆပါတယ်။ အဲဒီတော့ ဒေါ်အောင်ဆန်းစုကြည်ရဲ့ အခန်းကဏ္ဍကို လျှော့ချချင်တဲ့ သူတွေက ဘယ်သူတွေများ ဖြစ်နိုင်မလဲ။
ဖြေ  ။  ပြောဖို့ ခက်တယ်ဗျ။ ကျွန်တော် ဒါနဲ့ပတ်သက်လို့ ဘယ်သူဘယ်ဝါဆိုတာ ပြောရခက်တယ်။ ဒါပေမဲ့ သေချာတာကတော့ ဒါနဲ့ပတ်သက်လို့ မြန်မာပြည် ၂၀၁၅ မှာ တည်ငြိမ်ဖို့ အတွက်ကို ၂၀၁၅ ကို ချောချောမွေ့မွေ့နဲ့ ဖြတ်သန်းဖို့ အတွက်ဆိုရင် အချက်သုံးချက်က ... တကယ်အရေးကြီးဆုံး 'ကြီးသုံးကြီး' လို့ ပြောလို့ရတဲ့ Triangle ပေါ့။ ဒေါ်အောင်ဆန်းစုကြည်ရယ်၊ ဦးသိန်းစိန်ရယ်၊ ဦးရွှေမန်းရယ် သူတို့ရဲ့ ဆက်ဆံရေးက တည်ငြိမ်တဲ့ ဆက်ဆံရေးဖြစ်ဖို့ လိုတယ်။

"ကျပ်တန်ပုံပြင်" (မင်းလူ)

(၁)
ဘတ်စ်ကား စပယ်ယာက လက်ကြားထဲတွင် အလျားလိုက်ခေါက်ပြီး ညှပ်ထားသော ငွေစက္ကူများထဲမှ ကျပ်တန်လေးရွက်ကို ဆွဲထုတ်ပြီး ...
"ငါးကျပ်တန်ပေးတာ ဘယ်သူလဲ" ဟု မေးသည်။
"ဒီမှာ ... ဒီမှာ"
လူတွေကြားထဲက လက်တစ်ဖက် လျှိုထွက်လာသည်။ စပယ်ယာက ဖြန့်ထားသော လက်ထဲသို့ ကျပ်တန်တွေ ထည့်ပေးသည်။ လက်ကိုဆုပ်ပြီး ပြန်ရုပ်သွား၏။
ဘတ်စ်ကားသည် တာမွေ၊ ကျောက်မြောင်း၊ မအူကုန်း၊ သိမ်ဖြူ စသည်ဖြင့် ကျော်ဖြတ်မောင်းနှင်လာသည်။ လမ်းသုံးဆယ် မှတ်တိုင်မှာ ရပ်သောအခါ လူတော်တော်များများ ဆင်းသည်။

(၂)
စာရေးမလေးသည် ဘတ်စ်ကားပေါ်မှ ဆင်းပြီးနောက် ခါးအပေါ်ကို တွန့်လိမ်တက်နေသော အင်္ကျီအောက်နားစကို ဆွဲဆန့်လိုက်သည်။
ထို့နောက် လမ်းကိုဖြတ်ကူးသည်။ ကမ်းနားလမ်းဘက်မှ လှည့်ပြီး ရုံးအပေါ်ထပ်သို့ တက်လာသည်။
အခန်းထဲဝင်သည်။ စားပွဲပေါ် ခြင်းတောင်းချ၊ ကုလားထိုင်ဆွဲပြီး ထိုင်သည်။ ထို့နောက် ခြင်းတောင်းကို ပေါင်ပေါ်တင်လိုက်ပြန်သည်။ အလျားလိုက် ခေါက်ပြီး ထပ်ထားသော ကျပ်တန်လေးရွက်ကို နှိုက်ယူလိုက်သည်။ တစ်ရွက်စီဖြန့်ပြီး ထပ်သည်။ တတိယမြောက် ကျပ်တန်အလှည့်တွင် လက်က တုံ့ခနဲဖြစ်သွားသည်။

" မြန်မာ့အင်တာနက် ဝန်ဆောင်မှု ဘာလဲ ဘယ်လဲ"

ကုမ္ပဏီတွေ၊ စီးပွားရေးလုပ်ငန်းတွေရဲ့ လက်ကမ်းစာစောင်တွေမှာ၊ သတင်း၊ ဆောင်းပါးတွေ၊ ကြော်ငြာတွေမှာ နိုင်ငံတကာအဆင့်မီ စီမံထုတ်လုပ်ထားသော စံချိန်စံညွှန်းကိုက်ညီသောဆိုတဲ့ စကားလုံးတွေ တော်တော်များများ မြင်ကြားနေရပါတယ်။ နောက်ကွယ်က နိုင်ငံတကာအဆင့်မီတာဝန်ယူမှုဆိုတာတော့ လုပ်ဆောင်ပေးတာ အားနည်းနေပါသေးတယ်။ မော်တော်ကားထုတ်လုပ် တဲ့ကုမ္ပဏီတစ်ခုဟာ ကားရောင်းလိုက်ရုံနဲ့မပြီးဘဲ ထုတ်လုပ်သူရဲ့ ချို့ယွင်းအားနည်းချက်ကြောင့်ဖြစ်လာတဲ့ အကျိုးဆက်တွေကို တာဝန်ယူရပါ မယ်။ ကုမ္ပဏီကနေ သူ့ရဲ့ထုတ်လုပ်မှုအားနည်း ချက်ကြောင့် ဖြစ်လာတဲ့ အကျိုးဆက်တွေအားလုံးကိုလည်း တာဝန်ယူတာတွေ့ရပါတယ်။ ဘယ်ကားကုမ္ပဏီကနေ ဘယ်နှခုနှစ်က ထုတ်လုပ်တဲ့ကားတွေရဲ့ ဘရိတ်စနစ် ချွတ်ယွင်းချက်တွေ တွေ့လို့ အဲဒီကားတွေအားလုံးကို ပြန်သိမ်းပြုပြင် လုပ်ဆောင်ပေးမယ်ဆိုတဲ့ သတင်းတွေဖတ်မိ၊ ကြားမိကြမှာပါ။

လေကြောင်းလိုင်းတစ်ခုဟာ လက်ဆွဲအိတ် မှားသွားတာ၊ နောက်ကျတာ၊ ပျောက်တာမျိုးဖြစ်ခဲ့ရင်ခရီးသည်တွေကို အဝတ်အစားဝယ်ဝတ်ဖို့ စရိတ်ထုတ်ပေးတာ၊ လေယာဉ်နောက်ကျတာ၊ ခရီးစဉ်ဖျက်တာမျိုးဆိုရင် အဲဒီည၊ အဲဒီရက်တွေ မှာတည်းခိုဖို့စီစဉ်ပေးတာ၊ စရိတ်ပေးတာမျိုးလုပ် ပေးဖို့ လိုပါတယ်။ လုပ်လည်းလုပ်ပေးပါတယ်။

ဂျပန်နိုင်ငံသို့ တင်ပို့မည့် အစားအစာထဲသို့ ပိုးသတ်ဆေးထည့်ခဲ့သူ တရုတ်အလုပ်သမားအား ရုံးတင်စစ်ဆေး

၂ဝဝ၈ ခုနှစ်က ဂျပန်နိုင်ငံသို့ တင်ပို့မည့် အစာသွပ်မုန့်အတွင်း၌ ပိုး သတ်ဆေးထည့်သည်ဆိုသော စွဲချက် ဖြင့် တရုတ်စက်ရုံလုပ်သား တစ်ဦးအား ရုံးတင်စစ်ဆေးလျက်ရှိပြီး အဆိုပါ အပြု အမူကြောင့် ဂျပန်လူမျိုး ၁ဝ ဦးနာမ ကျန်းဖြစ်ခဲ့ကြောင်း ဂျပန်နှင့်တရုတ်မီ ဒီယာများတွင် ဖော်ပြသည်။

စက်ရုံလုပ်သား လုယွဲ့တင်သည် ပေါင်မုန့်လုံးထဲသို့အင်း ဆက်ပိုး သတ် ဆေးထည့်ခဲ့ကြောင်း ဝန်ခံခဲ့ပြီး ၄င်းမုန့် များအား ဂျပန်နိုင်ငံသို့ တင်ပို့ရောင်းချခဲ့ ကြောင်း စင်ဟွာသတင်းအေဂျင်စီကဖော် ပြသည်။ အဆိုပါဖြစ်ရပ်သည် ၂ဝဝ၈ ခု နှစ်က ဖြစ်ပွားခဲ့ခြင်းဖြစ်ပြီး ၄င်းကိစ္စ ရပ် ကြောင့် နှစ်နိုင်ငံသံတမန် ဆက်ဆံရေး တင်းမာခဲ့ကြောင်း သိရသည်။

" သွားသွား လာလာ"(ဆာသော်ဒိုး)

၂ဝ၁၃ ခုနှစ် ဇူလိုင်လ ၁၈ ရက် ည။ ‘ကာလသားကြည်စိုး’ ၏ ဖိတ်ကြားချက်အရ ကျွန်ုပ်နှင့် အဓိပတိချုပ်မှူးကြီး ကဗျာဆရာစောဝေတို့ နှစ်ဦးသားမှာ ‘လမ်းမတော်ဖိုးတုတ်’ ၏ အပိုင်စားနယ်မြေ မြို့တော် ရန်ကုန် ၉ လမ်းရှိ ‘ရွှေပြည်’ အမည်ရ ‘ကြက်ကာလသားချက်ဆိုင်’ သို့ ကြွလှမ်းခဲ့ကြရပါပေ၏။

‘ဆာသော်ဒိုးရေ..ညနေ ၆ နာရီမှာ မြေနီကုန်း City Mart ရှေ့မှာ ဆုံမယ်’
‘ဟုတ်ပါပြီ ကိုစောဝေရော…ကျွန်ုပ် တိတိကျကျ စောင့်နေပါ့မယ်’

7 Day Daily မနက်ဖြန် အာဇာနည်နေ့ အထူးထုတ်အတွက်ဆောင်းပါး သရုပ်ဖော်ပုံများကိုထုံးစံအတိုင်း သေသေချာချာတွေး၍ သေသေရပ်ရပ်ရေးကာပုံများကို Scan ဖတ်အရောင်ခြယ်ဒီဇိုင်း ဆင်ပြီးတာနှင့် ထုံးစံအတိုင်းသာ အီးမေးလ်ဖြင့်ပို့ပေးလိုက်ပါ၏။ ညနေ၅ နာရီခွဲခန့်မှာ မေးလ်ပို့ခြင်းလုပ် ငန်းအောင်မြင်စွာပြီးမြောက်သွား သည့် အတွက် ကျွန်ုပ်နေအိမ်မှ စမ်းချောင်းလမ်းထိပ်ပြည်လမ်းဘက်သို့ အညောင်းပြေလျှောက်ခဲ့ကာ City Mart အရှေ့မှာ အဓိပတိကဗျာဆရာ၏ကားကို မိုးလေးဖွဲဖွဲကြား မှာ စောင့်စားနေလိုက်ပါပေ၏။

ဆီးဖြူဖန်ခါးလို ငုံထားမတတ်ပေမယ့် မယုံစားအပ်ပါပြီ -------------------( ရေးသားသူ- မောင်သာချို )

(တစ်)
နည်းပညာရပ်တို့ တစ်ဟုန်းတိုး ပွင့်အန်ပေါက်ကွဲထွက်လာခြင်းနှင့်အတူ တစ်ချိန်က ဆိတ်ကွယ်ရာဟု ထင်ထားခဲ့သော အရာတို့ကို မှောက်လှန်သွန်ချဖွင့်ဟပြသနိုင်လာသဖြင့် တစ်ကိုယ်ရေစာဘ၀များကအစ မလုံမခြုံဖြစ်လာသော ကမ္ဘာကြီးတွင် မကြားရဲစရာ၊ မမြင်ဝံ့စရာ အသံများ ၊ အရုပ်များကို ကျွန်တော်တို့ နိုင်ငံ၌ ကြားခဲ့ကြရ၊ မြင်ခဲ့ကြရပြီဖြစ်ကြောင်း လူတိုင်းနီးပါးအသိပင်ဖြစ်ပါသည်။

ဓာတ်ပုံခေတ်တုန်းကလည်း ဓာတ်ပုံခေတ်အလျောက်လင်ခန်း မယားခန်းဓာတ်ပုံတို့ ထွက်ထွက်လာတတ်ကြပါသည်။ တိတ်ခွေ ခေတ်ကိုရောက်တော့ တိတ်ခွေတွေထဲကနေ ကိုယ့်နားကိုတောင် ကိုယ်မယုံကြည်ရဲလောက်စရာ အသံဗလံများစွာက နားရှိသဖြင့် ကြားခဲ့ရပြန်ပါသည်။ တယ်လီဖုန်းတွေခေတ်ကောင်းတော့ တယ်လီဖုန်းထဲက အပြန်အလှန်ပြောကြသည့် အယုတ္တ အနတ္တအသံများကို တိပ်ခွေဖြင့် ပြန်ကူးထားသော ဒိုင်ယာလော့ဂ် (Dialogue)များကို ကြောက်ခမန်းလိလိနားသောတဆင်ကြရပြန်ပါသည်။ CD တွေ၊ VCD တွေ၊ DVD တွေ၊ EVD တွေရှေ့တန်းကို ရောက်လာစဉ်တွင် ကားခပ်ကြမ်းကြမ်း ခပ်ရမ်းရမ်း လိင်အသားပေးဇာတ်လမ်းများ၌ပင် မရိုက်ရဲ၊ မရိုက်ဝံ့ကြသည့် ဇာတ်ဝင်ခန်းများကို အရုပ်အသံကြည်လင်ပြတ်သားစွာဖြင့် ရှုစားလာကြရပါတော့သည်။

နေပြည်တော်မှ အားပြိုင်မှုများ

Poreign Policy မဂ္ဂဇင်းပါ GWENROBINSON ၏ The Contenders ကို ထားထားမြင့်ဘာသာပြန်ဆိုသည်။

 
မြန်မာနိုင်ငံ၏ အစပျိုးစ ယိုင်ယဲ့ယဲ့ ဒီမိုကရေစီစနစ်မှာ အထူးအဆန်းများ ကြုံနေရသည်။ လွှတ်တော်အတွင်းက ရည်မှန်းချက်ကြီးကြီးနှင့် အာဏာအပေးအယူလုပ်နေသူများ၊ အတိုက်အခံခေါင်းဆောင် ဒေါ်အောင်ဆန်းစုကြည်နှင့် အမျိုးသားဒီမိုကရေစီအဖွဲ့ချုပ်ဝင်များ၊ တိုင်းရင်းသားအရေးလှုပ်ရှားသူများ၊ စစ်အရာရှိများအပါအ၀င် ယာယီခေတ္တမဟာမိတ်ဖွဲ့ထားသူများက အခြားတစ်ဖက်က အာဏာလက်ဝယ်ကိုင်ထားသူ အစိုးရကို စိန်ခေါ်ပြိုင်ဆိုင်လာမှုက အရှိန်ကောင်းလာသည်။

မြန်မာနိုင်ငံတွင် ဖြစ်ပေါ်နေသော သမ္မတ၊ အာဏာလက်ဝယ်ရှိသူများနှင့် လွှတ်တော်အမတ်များကြားက ပြဿနာများသည် စစ်တပ်ကို ဇောင်းပေးထားသည့် အခြေခံဥပဒေနှင့် မြန်မာနိုင်ငံ၏ ပွင့်လင်းမြင်သာမှုမရှိသော အာဏာချုပ်ကိုင်မှုကို ပြသနေပြီး ကြီးမားသော ထိပ်တိုက်ရင်ဆိုင်မှုများဖြစ်လာရန် အစပျိုးနေသည်ဟု အခြေခံဥပဒေကျွမ်းကျင်သူများကဆိုသည်။

ဝေသာလီပြည်မှာ ဘီလူးတွေဝင်သောအခါ ( ရေးသားသူ- ဘစီ )

မှတ်မိသေးတယ်ဗျို့။ ကျုပ်တို့ ငယ်ငယ်တုန်းက ကိုယ်ကြိုက်တဲ့ ဟင်းကောင်းလေးများ မိဘကချက်ထားရင် တနင့်တပိုးစားပစ်တာကလား။

ဒါကို ကြည့်နေတဲ့ လူကြီးတွေက ပီတိနဲ့ပြုံးကြည့်ပြီး အခုလိုပြောတတ်တယ်။ “အောင်မလေးဟဲ့ကြည့်ပါဦး စားလိုက်ကြတာ ဝေသာလီပြည် ဘီလူးဝင်တာ ကျနေတာပဲ”တဲ့။

မိဘအနေနဲ့ ကိုယ့်သား၊ ကိုယ့်သမီးက ထမင်း၊ ဟင်းကို ဗိုက်ဆာဆာနဲ့ အားပါးတရစားတာတွေ့လို့ ကျေနပ်စိတ်နဲ့ပြောတာမျိုးဗျ။ ဒါမျိုး လူငယ်ဘ၀ကို ဖြတ်သန်းခဲ့သူတိုင်း တစ်ချိန်မဟုတ်တစ်ချိန် ကြုံကြမှာပါဗျာ။ ကျုပ်တို့ကလည်း အဲဒီလို လူကြီးမိဘတွေကပြောရင် ဘ၀င်ကျ နေတာပဲလေ။

ဟော အခုတော့ ခေတ်တွေကပဲ ပြောင်းလို့လား၊ အနေအထားတွေကပဲ ဖောက်လှဲဖောက်ပြန်ဖြစ်လို့ လားတော့မသိပါဘူး။ ဝေသာလီပြည် ဘီလူးဝင်တယ်လို့ပြောတာကို မနှစ်သက်တဲ့သူတွေ ပေါ်လာပြီခင်ဗျ။

"ပေကျင်းလေဆိပ်တွင် ဗုံးပေါက်ကွဲမှုဖြစ်ပွား"

ပေကျင်း၊ ဇူလိုင် ၂၁
တရုတ်နိုင်ငံ ပေကျင်း အပြည်ပြည်ဆိုင်ရာလေဆိပ်တွင် ဗုံးပေါက်ကွဲမှုတစ်ခု ယမန်နေ့ညကဖြစ်ပွားခဲ့ကြောင်းသိရသည်။

လက်တွန်းကုလားထိုင်ဖြင့် သွားလာရသူတစ်ဦးက အိမ်လုပ်လက်ဖြစ်ဗုံးတစ်လုံးကို ပေကျင်းအပြည်ပြည်ဆိုင်ရာလေဆိပ် တာမင်နယ် ၃ တွင် စနေနေ့ညနေ ၆ နာရီ ၄၂ မိနစ်ခန့်ကဖောက်ခွဲခဲ့ခြင်းဖြစ်ပြီး၊ ထိုသို့ဖောက်ခွဲချိန်တွင် သူ၏ အနီး၌ မည်သူမျှ ရှိမနေခြင်းကြောင့် ဖောက်ခွဲသူမှ အပ မည်သူမျှ ထိခိုက်ဒဏ်ရာရရှိခြင်းမရှိခဲ့ကြောင်းသိရသည်။
"ဗုံးပေါက်သံကတော့ တော်တော်ကျယ်တယ်ဗျ"ဟု ပေါက်ကွဲမှုဖြစ်ပွားသည့်နေရာနှင့် ၂၇ ကိုက်အခန့်ကွာတွင်ရှိနေသူ တစ်ဦးကပြောသည်။

ဘွဲ့ရတဲ့အခါ ဘာတွေလုပ်လို့ ရမှာလဲ (Written by ဒေါက်တာခင်မောင်ညို)

(ပညာရေး ပြုပြင်ပြောင်းလဲရေးအတွက် ကြိုးစားနေချိန်မှာ ကျွန်တော့်ဆောင်းပါး အနှောင့်အယှက်ဖြစ်ပါက တောင်းပန်ပါကြောင်း)
တစ်ခါက ကျွန်တော်သည် တက္ကသိုလ် ဆရာဘ၀မှ အနားယူပြီးနောက် လူငယ်များကို ကျူရှင်ပြသည်။ သူတို့ကို အသင့်အတင့် စာဖတ်ကာ ပြင်ပဗဟုသုတ ရှာတတ်စေရန် ပြောပါသည်။
သူတို့အများစုကတော့ ဂိမ်းဆော့သည်။ စာဖတ်တာ ၀ါသနာ မပါကြပါ။ ထိုအထဲတွင် ထက်မြက်ထူးချွန်သူ များစွာပါဝင်လာတတ် ပါသည်။ တစ်နေ့တွင် တပည့်တစ်ယောက် အိမ်ရောက်လာသည်။ သူ့အမည်က ဘုန်းမြင့်မောင် ဖြစ်သည်။ သူတက္ကသိုလ်ဝင်တန်း အောင်စာရင်းတွင် လေးဘာသာ ဂုဏ်ထူးနှင့် အောင်ခဲ့ကြောင်း လာပြောပါသည်။
သူ့လက်ထဲတွင် ပါလာသော ပုဆိုးနှင့် မုန့်ပုံးကို ကျွန်တော့်ရှေ့တွင်ချကာ ကန်တော့ပါသည်။ "အမေက ဆရာ့ဆီက အကြံဥာဏ် တောင်းပါတယ်တဲ့။ အမေမလာနိုင်လို့ပါ။ အမေနယ်စပ် ကုန်သွယ်ရေး လုပ်နေလို့ပါ"
သူတောင်းပန်သည်။

လက်ဗလာ ဘဝတွေထဲကျန်ခဲ့တဲ့ မြန်မာကို ရွှေရောင်လက်စေခဲ့သော အက္ခရာများ

သစ်စေးရောင်မှန်ဘီရိုထဲမှာ ဆု တံဆိပ်များစွာ ရှိနေပါတယ်။အဝိုင်းပုံ၊ ကြယ်ပုံ၊ လေးထောင့်ပုံ စတဲ့ပုံစံမျိုးစုံနဲ့ ဆုတံဆိပ်များရဲ့အရောင် ဟာ ဘီရိုထဲမှာ နှစ်ကာ လကြာမြင့် စွာ ရှိနေခဲ့ရတယ်ဆိုတာ သိသာစေပါတယ်။ ‘Medaka’ လို့ ထွင်းထားတဲ့ဆုတံဆိပ် နှစ်ခုကြားမှာ ”နိုင်ငံဂုဏ်ဆောင် ခဲ့သော အားကစား သမားဟောင်းများ ဂုဏ်ပြု အမှတ်တရတံဆိပ်”ဆိုတဲ့ အဖြူရောင် ဆုတံဆိပ်က သူ ၄၂ ကြာအောင် စောင့် စားခဲ့ရတဲ့ အသိအမှတ်ပြုမှုဖြစ်ပါတယ်။

”ဒီဆုက အစိုးရဂုဏ် မြှင့်ပေးခဲ့တဲ့ အတွက်ဆိုပြီးတော့ ဟိုတလောက မှ ပေးခဲ့တာ၊ အရင်အစိုးရလက်ထက်က တော့ ဘာမှမပေးဘူး”လို့ ၁၃ နှစ်ကြာ တိုင်းပြည်ကို အားကစားနဲ့အလုပ်အ ကျွေးပြုခဲ့ တဲ့ မြန်မာ့ဘောလုံးလက်ရွေး စင်ဟောင်း ဦးဘပုက ဆုကိုလှမ်းကြည့် လိုက်ရင်း ပြောပါတယ်။၁၉၆၄ ခုနှစ်ကစလို့ မြန်မာ့ လက် ရွေးစင်အဖြစ်နဲ့ ၁၉၆၆ အာရှဖလားအ ပါအဝင် ဆုတံဆိပ်ဆယ်ခုရယူပေးနိုင်ခဲ့ တဲ့ ဦးဘပုဟာ လက်ရှိအချိန်မှာတော့ အသက် ၇၄ နှစ်ရှိနေပါပြီ။ ဆံပင်ဖြူတ ချို့ပေါက်နေပြီး မျက်လုံးတွေက အ ရောင်ဖျော့နေပေမယ့် အရပ်မြင့်မြင့် အသားညိုညိုနဲ့ ဦးဘပုဟာ တစ်ချိန်က အားကစားသမားတစ်ဦးဖြစ်ခဲ့တယ် ဆို တာ သူ့ပုံစံ ကိုကြည့်ရုံနဲ့သိနိုင်ပါတယ်။ သူနေထိုင်နေတဲ့ သပ်ရပ်တောင့် တင်းတဲ့ နှစ်ထပ်အိမ်ဟာ သူ့အားကစားသမား ဘဝမှာ ချီးမြှင့်ခံရတဲ့ ဆုတွေထဲက အမှတ်တရအဖြစ်ဆုံးဆုပါ။

ပလက်ဖောင်းပေါ်က အညာအရင်းအမြစ်(ရေးသားသူ- မိုးညို)

အသားညိုညို မျက်နှာပြည့်ပြည့်၊ အရပ်ခပ်ပြတ်ပြတ်နှင့် အမျိုးသားတစ်ဦး ရွှေတိဂုံဘုရား တောင်ဘက်စောင်းတန်းမှ ခန်းဆီးကန့်လန့်
ကာတစ်ခုအတွင်းရှိ အုန်းပွဲ၊ ငှက်ပျောပွဲများဖြင့် ပြည့် နှက်နေသည့် ဗေဒင်ဟောခန်းတစ်ခုသို့ ခပ်သုတ်သုတ်ဝင်သွားသည်။ ၂၀၀၉ နွေရာသီ၏ လတစ်လတွင် ဖြစ်သည်။

အသက်(၂၇)နှစ်အရွယ်ရှိ သည့် ကိုဆန်းကျော်မှာ မုံရွာခရိုင် ဘုတလင်မြို့နယ် အင်းတဲရွာသားတစ်ဦး ဖြစ်သည်။ သူ ရန်ကုန်တွင် လက်ရှိဆိုင်းထမ်းဖြင့် ရောင်းချနေသော ရခိုင်မုန့်တီအသုပ်စုံဆိုင် ရောင်းမကောင်းသောကြောင့် အမည်ပြောင်းရန် ယခုကဲ့သို့ ရွှေတိဂုံဘုရားမှ ဗေဒင်ဟောခန်းတစ်ခုသို့ လာရောက် မေးမြန်းခြင်းဖြစ်သည်။