ရခိုင်ပြည်နယ်၊ စစ်တွေမြို့ ရွှေပြည်သာ ရပ်ကွက်က ရေခဲချောင်းရောင်းတဲ့ ကလေးတစ်ဦးဟာ ဒီကနေ့နံနက် ၁၁ နာရီခန့်က ရိုဟင်ဂျာရပ်ကွက်တစ်ခုဖြစ်တဲ့ အင်ပါလာ (အောင်မင်္ဂလာ)ရပ်ကွက်ကို ဈေးသွားရောင်းရာက ပြန်ထွက်မလာတာကြောင့် အသတ်ခံရတယ်ဆိုတဲ့ ကောလာဟလ ဖြစ်ပေါ်ခဲ့ပြီး နေ့လည်ပိုင်းမှာ သံဃာတော်နဲ့ ပြည်သူတစ်ထောင်ခန့် စုဝေးပြီး အဲဒီရပ်ကွက်အတွင်း ၀င်ရောက်ဖို့ ကြိုးပမ်းမှု ဖြစ်ပွားခဲ့ပါတယ်။
ရခိုင်ပြည်နယ်အတွင်း ဖြစ်ပွားနေသော ပဋိပက္ခများ ထိန်းသိမ်းနေသည့် လုံခြုံရေးတပ်ဖွဲ့ဝင်များကို ၂၀၁၂ ခုနှစ် ဇွန်လ ၁၂ ရက်တွင် တွေ့ရစဉ်။
ဒီသတင်းနဲ့ ပတ်သက်ပြီး ကလေးသေဆုံးခြင်းမှာ မဟုတ်မှန်ကြောင်း၊ လောလောဆယ် ကလေးကိုရှာဖွေနေပါကြောင်း ပြည်နယ်အစိုးရက အစောပိုင်းမှာ ပြောဆိုခဲ့တယ်လို့ သိရပါတယ်။
အခုနောက်ဆုံးရရှိတဲ့ သတင်းအရ ကလေးငယ်ကို ရခိုင်ပြည်နယ် အစိုးရက ရှာဖွေတွေ့ရှိထားပြီးဖြစ်ကြောင်းနဲ့ စစ်ဆေးမေးမြန်းနေကြောင်း သိရပါတယ်။ နိုင်ငံတော်သမ္မတရုံး ညွှန်ချုပ် ဗိုလ်မှူးဇော်ဌေးရဲ့ မှူးဇော် လူမှုကွန်ယက် စာမျက်နာမှာတော့ မောင်အောင်နိုင်ဦးကို မိခင်ဖြစ်သူနဲ့အတူခေါ်ပြီး ပြသခဲ့ကြောင်း ရေးသားထားပါတယ်။
RFA
No comments:
Post a Comment