“အရာရာအားလုံးအတွက်ကျွန်တော်တို့ ပြင်ဆင်ထားပါတယ်” အီရန်နိုင်ငံခြားရေးဝန်ကြီး အလီအက္ကဘာဆလာဟီနှင့် တွေ့ဆုံခြင်း

ယခုရက်ပိုင်းအတွင်း အရှေ့အလယ်ပိုင်းဒေသမှာ အစ္စရေးနဲ့ အီရန်တို့ရဲ့စစ်ရေးအရ ပြင်ဆင်မှုနဲ့ အပြန်အလှန်  ခြိမ်းခြောက်နေမှုတွေဟာ အာရုံစိုက်စရာဖြစ်လာနေပါတယ်။ မကြာသေးမီက ကုလသမဂ္ဂရဲ့ နိုင်ငံတကာအဏုမြူစွမ်းအင် အေဂျင်စီ (IAEA) ရဲ့ ထုတ်ပြန်ချက်မှာလည်း အီရန်ဟာ သိပ်မကြာခင်မှာပဲ နျူလက်နက်တစ်မျိုး ထုတ်လုပ်နိုင်တော့မှာ ဖြစ်တယ်လို့ ဖော် ပြခဲ့တဲ့ အတွက် အီရန်ရဲ့အနေအထားဟာ ပိုမိုအငြင်းပွားဖွယ်ဖြစ်လာနေပါတယ်။ ဒီအတောအတွင်း လုံခြုံရေးကောင်စီရဲ့ ဗီတိုအာဏာကိုင်စွဲခွင့်ရ အမြဲတမ်း အဖွဲ့ဝင်နိုင်ငံငါးနိုင်ငံမှ တစ်နိုင်ငံဖြစ်တဲ့ ရုရှားကလည်း အီရန်အပေါ် ကုလအရေးယူပိတ်ဆို့မှုအသစ်တွေကို ထောက်ခံမှာမဟုတ်ဘူးလို့ ပြောထားတဲ့အတွက် ရှုပ်ထွေးမှုတွေ ပိုများလာနေပါတယ်။ ဒါကြောင့် ဒီလိုအချိန်မျိုးမှာ ဂျာမန်စပိုင်းဂဲလ်မီဒီယာက   အီရန်နိုင်ငံခြားရေးဝန်ကြီး အလီအက္ကဘာဆလာဟီ(၆၂ နှစ်)နဲ့ တွေ့ဆုံမေးမြန်းထားပါတယ်။
ဝန်ကြီးဆလာဟီကတော့အီရန်ဟာ နျူဗုံးထုတ်နေတယ် ဆိုတဲ့အပြောတွေ ဟာ အနောက်တိုင်းရဲ့ ၀ါဒဖြန့်ချိမှုသာဖြစ်ပြီး တီဟီရန်ရဲ့ ရန်သူ တွေကိုလည်း အီရန်အပေါ် လျှို့ဝှက်စစ်ပွဲဆင်နွှဲဖို့ ကြိုးစားနေတာကို ရှုတ်ချလိုက်ပါတယ်။
IAEA   ရဲ့ အစီရင်ခံစာကို ဖတ်ထားတဲ့ ဘယ်သူကမှ ကူညီနိုင်မှာမဟုတ်ပေမယ့် သိတော့သိချင်နေကြတာ ရှိတယ်။ အဲဒါက အီရန်ဟာသူ့ရဲ့ ပထမဆုံးနျူဗုံးကို အပြီးသတ်ထုတ်လုပ်နိုင်ဖို့ အချိန်ဘယ်လောက် ကြာမလဲဆိုတာပါ။
    ကျွန်တော်တို့ရဲ့ တော်လှန် ရေးခေါင်းဆောင်ကြီး အယာတိုလာအလီခါမေနီက ဘာသာရေး ဥပဒေအရအမိန့်၊ ဖတ္တ၀ါတစ်ခု ထုတ်ပြန်ထားတယ်။ နျူလက်နက် တွေဟာ အစ္စလာမ်မစ်မဆန်တဲ့ အရာတွေသာဖြစ်တယ်လို့ဆိုထား တယ်။ ဒီလက်နက်တွေဟာ ဟာရမ် (Haram) ဖြစ်တယ်။ ဆိုလိုတာက ခွင့်မပြုဘူး။ ဒီလိုမျိုး အစုလိုက်
အပြုံလိုက်ဖျက်ဆီးနိုင်တဲ့လက် နက်တွေက ကျွန်တော်တို့ ကာကွယ်ရေးမဟာဗျူဟာမှာ မပါပါဘူး။ ဒါအမှန်ပါ။ ကျန်တာတွေကတော့ ၀ါဒဖြန့်ချိမှုတွေပါ။
လျှို့ဝှက်နျူကလီးယားစီမံကိန်း တစ်ခုကတော့ ရှိနေပြီဆိုတာ အထောက်အထားတွေက ပြနေပါတယ်။  IAEA ရဲ့ အစီရင်ခံစာမှာလည်း  စာမျက်နှာ ၁၂ မျက်နှာ
ပါတဲ့ အထောက်အထား နောက်ဆက်တွဲစာရင်းပါတယ်။ ဒီအ ထောက်အထားတွေက “အီရန်ဟာ ဗုံးကိုလိုချင်နေပြီ” လို့ နိဂုံးချုပ်ကောက်ချက်ချဖို့ကလွဲပြီး တခြားမဖြစ်နိုင်တော့တာ ပြနေပါတယ်။
    အဲဒီ့စွပ်စွဲချက်က မမျှတပါဘူး။ မညီမျှပါဘူး။ အဲဒီ့အစီရင်ခံစာက အန္တရာယ်ကြီးတဲ့ကိစ္စရပ် အများကြီးကို အနက်ကောက်ယူနေပုံပေါ်နေတယ်။  IAEA   အဖွဲ့
ဟာ အဲဒီလို အနက်ကောက်ယူမှုတွေလုပ်ပြီး သူတို့ရဲ့ဂုဏ်သိက္ခာကို အန္တရာယ်ဖြစ်စေနေပါတယ်။
IAEA ရဲ့အကြီးအကဲ ယူကီယာအာမာနိုကတော့ အစီရင်ခံစာ ထဲမှာ အီရန်ရဲ့ နျူအစီအစဉ်မှာ ဖြစ်နိုင်ခြေရှိတဲ့ စစ်ရေးဆိုင်ရာအ လားအလာတွေကို စိုးရိမ်ကြောင်း ဖော်ပြထားပါတယ်။
    IAEA ဟာ နိုင်ငံတချို့ဆီက လာတဲ့ ဖိအားပေးမှုနဲ့ လုပ်ဆောင် နေတာပါ။
ဝန်ကြီးဆိုလိုချင်တာ အစ္စရေးနဲ့ သူ့ရဲ့မဟာမိတ်အမေရိကန်များလား။
    ဒါ့ကြောင့် အရာရာအားလုံးအတွက် ကျွန်တော်တို့ ပြင်ဆင်ထားတာပါ။ ဒါပေမဲ့ ကျွန်တော်တို့မှာ အဲဒီ့အထောက်အထားနဲ့ ပတ်သက်လို့  IAEA  မှာ ဆွေးနွေးရမှာ လုံးဝကြောက်စိတ်မရှိပါဘူး။ မစ္စတာအာမာနိုဟာ အခက်ခဲဆုံးအချိန်တွေကို ရင်ဆိုင်နေရပါတယ်။ ကျွန်တော်တို့ သူ့ကိုရော IAEA ကိုပါ သူတို့ရဲ့ နိဂုံးချုပ်ကောက်ချက်တွေ အတွက်တာဝန် ခံနိုင်အောင် ကြိုးစားသွားမှာပါ။
အစီရင်ခံစာက ဆိုတာကတော့ အဲဒီမှာပါတဲ့အချက်အလက်တွေ ကို အဖွဲ့ဝင် ၁၀ နိုင်ငံကျော်အပါအ၀င် လွတ်လပ်တဲ့သတင်းရင်းမြစ်တွေ၊ အခြားရင်းမြစ်မျိုးစုံဆီက ရယူထားသလို IAEA  ကိုယ်တိုင်ရှာဖွေထားတဲ့ သတင်းအချက်အလက်တွေလည်း ပါတယ်လို့ဆိုပါတယ်။
    အဲဒီ့အချက်အလက်မည်ကာမတ္တတွေဆိုတာ အသစ်အဆန်း မဟုတ်ပါဘူး။ အာမာနိုရဲ့အရင် IAEA    အကြီးအကဲ မိုဟာမက် အယ်လ်ဘာရာဒိုင်းကလည်း အ
ခြေခံအချက်တွေကိုသိခဲ့ပါတယ်။ ကျွန်တော်တို့  အရင်ကလည်း ၁၁၇ မျက်နှာပါတဲ့ကြေ ညာချက်နဲ့ တုံ့ပြန်ပြီးဖြစ်တယ်။ ဒါပေမဲ့ အယ်လ်ဘာရာဒိုင်းဟာ အခု အာ
မာနိုလုပ်သလိုမျိုး တူညီတဲ့နိဂုံး ချုပ်ကောက်ချက်တွေ မလုပ်ခဲ့ပါဘူး။
နိုင်ငံတကာအသိုင်းအ၀ိုင်းဟာ အီရန်ကို မယုံဘဲနေဖို့အကြောင်း ပြချက်ကောင်းရှိထားပါတယ်။ ၀န်ကြီးတို့အစိုးရဟာ မကြာခဏဆိုသလိုပဲ ကိုယ့်ရဲ့ နျူအစီအစဉ်နဲ့ ပတ်သက်လို့ သတင်းမှားတွေပေးခဲ့တာကို စဉ်းစားရင်ပေါ့လေ။
    ကျွန်တော်တို့ သတင်းမှားတွေ တစ်ခါမှမပေးဖူးပါဘူး။ ကျွန်တော်တို့ အမြဲပဲ နျူမပြန့်ပွားရေး စာချုပ်နဲ့ IAEA စာချုပ်တွေပါ အချက်တွေအတိုင်း ပူးပေါင်း ဆောင်ရွက်ပါတယ်။ ဒါပေမဲ့ နိုင်ငံတကာစာချုပ်သတ်မှတ်ချက်တွေထက် ကျော်လွန်ပြီး ကျွန်တော်တို့ဆီက ပိုတောင်းဆိုရင်တော့ ငြင်းပယ်ပါတယ်။
အစ္စရေးအစိုးရဟာ အီရန်အစိုးရလက်ထဲ နျူဗုံးရောက်သွားမှာထက် ပိုပြီးကြောက်တာ တခြား ဘာမှမရှိပါဘူး။ သူတို့ဟာ ၀န်ကြီးတို့ရဲ့ နျူစက်ရုံတွေကို တိုက်ခိုက်ဖို့ ပြင်ဆင် နေတဲ့ပုံပေါ်နေပါတယ်။
    ကျွန်တော်တို့က တိုက်ခိုက်မှုမှာ မပါဝင်ပါဘူး။ အစ္စရေးဟာ အခြေအနေက ဘယ်လောက်ရှုပ် ထွေးသလဲဆိုတာသိပါတယ်။ ကျွန်တော်တို့ရဲ့ နျူအစီအစဉ်ဟာ ငြိမ်းချမ်းစွာသုံးစွဲရေးဖြစ်တယ်ဆိုတာ သက်သေပြထားပြီး  IAEA   ရဲ့ စောင့်ကြပ်စစ်ဆေးမှုအတွက် လည်း လိုအပ်တဲ့အခြေအနေတွေ တည်ထောင်ထားပါတယ်။ ပြီး တော့ ကျွန်တော်ထောက်ပြချင်တာကလည်း ဒီနယ်ပယ်အတွင်း မှာ အီရန်အစ္စလာမ်မစ် သမ္မတ နိုင်ငံလို တခြားဘယ်နိုင်ငံကမှ   IAEA နဲ့ နီးနီးကပ်ကပ် အလုပ်အတူလုပ်ခဲ့တာ မရှိပါဘူး။
အီရန်မှာ နိုင်ငံတော်အစိုးရက ထောက်ပံ့ကူညီတဲ့ အကြမ်းဖက်ဝါဒ (State-sponsored Terrorism)   ရှိတယ်လို့ စွပ်စွဲတာတွေဟာ အသစ်အဆန်းမဟုတ်တော့ ပါဘူး။ ၀န်ကြီးတို့ရဲ့ ထောက်လှမ်းရေးအဖွဲ့အစည်းတွေဟာလည်း နိုင်ငံပြင်ပလုပ်ကြံမှုတွေအတော် များများမှာပါဝင်ခဲ့တယ်နော်။
    အီရန်အစ္စလာမ်မစ်သမ္မတနိုင်ငံဟာ ကိုယ်တိုင်ကလည်း ပြီး ခဲ့တဲ့ဆယ်စုနှစ်သုံးခုကာလအတွင်း အကြမ်းဖက်ဝါဒရဲ့သား ကောင်ဖြစ်ခဲ့ဖူးပြီး အဆုံးအရှုံး
တွေအများကြီး ခံစားခဲ့ရပါတယ်။
ကျွန်တော်တို့ မကြာသေးမီကပဲတီဟီရန်မှာ အကြမ်းဖက်ဝါဒ တိုက်ဖျက်ရေးညီလာခံတစ်ခု ကျင်းပခဲ့တယ်။ အဲဒီ့စွပ်စွဲချက်တွေအားလုံးဟာ ယုတ္တိမရှိတာတွေပါ။
အမေရိကန်သမ္မတဟာ (၀ါရှင်တန်က ဆော်ဒီသံအမတ်အဒယ်လ် အယ်ဂျူဘီရာကို တိုက်ခိုက်ရာမှာ ပါဝင်တယ်လို့ယူဆရတဲ့) အီရန်ကဒ်တပ်ဖွဲ့(Quds Force) က
ဂိုလမ်ရှာကူရီဆိုသူရယ်၊ နောက်ကွယ်က ပါတယ်လို့  သံသယရှိထားသူတစ်ယောက်ရယ်၊    ပြီးတော့အီရန်မှာနေထိုင်နေတဲ့ နောက်ထပ် သံသယရှိသူ တရားခံတစ်ဦး
တို့ကို အမေရိကကိုလွှဲပြောင်းပေး ဖို့ တောင်းဆိုတဲ့စာကို အီရန်ခေါင်းဆောင်တွေဆီ ပေးပို့ခဲ့တယ်နော်။
    အဲဒီ့စွပ်စွဲခံရတဲ့ သံသယရှိ သူနဲ့ပတ်သက်လို့ တကယ့်အ ထောက်အထားတိတိကျကျကို အမေရိကန်က ကျွန်တော်တို့ကို ပေးတာမျိုး လက်ခံရရှိခြင်းမရှိ သေးပါဘူး။ ဘာကြောင့် သူ့ကို အီရန်မှာရှိတယ်ယူဆရသလဲ။ အီရန်မှာ ရှာကူရီဆိုတဲ့ နာမည်နဲ့ လူတွေထောင်ချီပြီးရှိတယ်။ ဒါ့အပြင် အီရန်နဲ့ အမေရိကန်ကြား မှာ တရားခံလွှဲပြောင်းပေးရေး စာချုပ်တစ်ခုမှမရှိပါဘူး။ အဲဒီလို စာချုပ်တွေဆိုတာက မိတ်ဆွေဖြစ် နေတဲ့နိုင်ငံတွေကြားမှာပဲ ရှိနိုင် တာပါ။
—Ref: "We are Prepared For Everything", interview with Iranian Foreign Minister. Speigel: 14th, Nov.
7 DAY NEWS